Рыгор Барадулін уручае Папе свой пераклад Трыптыху16 кастрычніка 2009 г. – дзень 21-й гадавіны абраньня кардынала Караля Вайтылы на Рымскі Апостальскі Пасад.

Агульнае фотаУ менскім касьцёле сьвятых Сымона і Алены (чырвоны касьцёл) была адслужаная ўрачыстая Сьвятая Імша аб хуткай кананізацыі (праслаўленьні) слугі Божага Папы Яна Паўла ІІ-га, якую ўзначаліў кс. дэкан Уладзіслал Завальнюк.
Саслужылі Сьвятую Імшу Архімандрыт Сяргей (Гаек), Апостальскі Візітатар БГКЦ і а. Яўген Усошын, віцэ-дэкан грэка-каталіцкіх парафіяў г. Менску і Менскай вобласьці.

Уладыка Архімандыт Сяргей у прамове ўзгадаў аўдыенцыю 28 чэрвеня 2004 г., на якой Ян Павал ІІ прыняў Народнага паэта Беларусі Рыгора Барадуліна, які зьяўляецца вернікам нашай грэка-каталіцкай Парафіі Праведнага Язэпа.

На той аўдыенцыі Рыгор Барадулін перадаў Папе Яну Паўлу ІІ свой беларускі пераклад “Рымскага трыпціху” і прасіў у Сьвятога Айца блаславеньня для ўсіх прадстаўнікоў беларускай інтэлігэнцыі, якія працуюць для разьвіцьця беларускай хрысьціянскай культуры.

Сьвяты Айцец Ян Павел ІІ перадаў на рукі дзядзькі Рыгора сваё Блаславеньне.

Пасьля візіту ў Рым Рыгор Барадулін напісаў свой “Рымскі дыпціх” – паэму падзякі Сьвятому Айцу.
* * *