У Навумавічах каля Гродна адзначаць чарговую гадавіну мучаніцкай смерці благаслаўлёнай Мар’яны Бярнацкай, духавенства і жыхароў Гродна і Ліпска, расстраляных гітлераўцамі 13-16 ліпеня 1943 г.

Святая Імша на месцы расстрэлу (Форт №2 за горадам Гродна) адбудзецца 17 ліпеня 2021 г. у 18.30. Яе ўзначаліць генеральны вікарый Гродзенскай дыяцэзіі біскуп Юзаф Станеўскі.

Як адзначаюць гісторыкі, у навумавіцкіх Фартах у велізарных магілах можа спачываць больш за тры тысячы чалавек: інтэлігенцыя, дзяржаўныя і грамадскія дзеячы, духоўныя асобы.

 

Сярод іх была таксама Мар’яна Бярнацкая. Яна была беатыфікавана 13 чэрвеня 1999 г. Янам Паўлам ІІ у Варшаве ў ліку 108 мучанікаў Другой сусветнай вайны.

 

Паводле https://grodnensis.by/

Уладыка Мілан Шашык СМ, біскуп Мукачаўскі адышоў да Госпада 14.07.2020 ва Ужгарадзе.

Беларускія грэка-католікі ў малітве ўзгадваюць гэтага вялікага іерарха - вернага прыяцеля і дабрачынцы Беларускай Грэка-Каталіцкай Царквы.

 

Заўпакойная Літургія ў Мінску - 16.07.2021 (пятніца), у 18:30, у храме грэка-кат. Парафіі Прав. Язэпа.

13 ліпеня 2021 г., у другі дзень працы Каптітула Кустодыі Беларусі Ордэна Меншых Братоў Капуцынаў, які напярэдадні з благаслаўленнем Апостальскага нунцыя ў нашай краіне распачаў працу ў Новай Баравой, было абрана новае кіраўніцтва Кустодыі.

На агульным сходзе беларускіх капуцынаў былі падведзены вынікі жыцця і дзейнасці братэрскай супольнасці за апошняе трохгоддзе, на працягу якога ўжо другі тэрмін яе кусташам заставаўся брат Алег Шэнда OFMCap. Пасля справаздачы ў адпаведнасці са статутам адбыліся выбары новага кіраўніцтва Кустодыі.

Новым кусташам Кустодыі Беларусі Ордэна Меншых Братоў Капуцынаў удзельнікі Капітула выбралі брата Андрэя Букштана OFMCap.

 

13 ліпеня 1943 года за 10 кіламетраў ад Гродна каля Навумавічаў на старых фартах часоў I Сусветнай вайны нямецкія нацысты расстралялі блаславёную Мар’яну Бярнацкую разам з сынам і іншымі 48 жыхарамі Ліпска.

Мар’яна з роду Чакала нарадзілася ў 1888 годзе ў Сапоцкінскім краі каля Гродна, у мястэчку Ліпск (цяпер — Польшча), у сям’і ўніятаў, прымусова запісаных у праваслаўе, якія на справе захоўвалі каталіцкую веру. Ліпск належаў да былога ўніяцкага Аўгустоўскага дэканата, які ахопліваў таксама паўночную частку сённяшняга Гродзенскага раёна і ўваходзіў у склад Холмскай уніяцкай епархіі. Епархія праіснавала да 1875 года, і гэта адзіны рэгіён сённяшняй Беларусі, у якім уніяцкія парафіі не былі знішчаныя пасля гэтак званага Полацкага “сабору” 1839 года. Вядома, што ў Ліпску ўніяты, зачыніўшыся ў царкве, доўгі час не пускалі царскіх чыноўнікаў і праваслаўнага святара, якім удалося забраць святыню толькі з дапамогай казацкіх нагаек.

У нядзелю 11 ліпеня ў парафіі Найсвяцейшай Тройцы ў Радашковічах адзначылі Купалаў фэст, які сёлета прайшоў з удзелам арцыбіскупа Тадэвуша Кандрусевіча і паэта Уладіміра Някляева.

Заслужаны іерарх і вядомы літаратар — аднагодкі: за два дні да фэсту Уладзімір Някляеў адзначыў свой 75-гадовы юбілей.

 

Фэст традыцыйна праводзіцца ў ліпені пры касцёле, дзе быў ахрышчаны Янка Купала, па ініцыятыве радашковіцкага пробашча ксяндза каноніка Юрыя Быкава ў супрацоўніцтве з Літаратурным музеем Песняра.

Пра двух сляпых, якія аказаліся пілігрымамі і малітвеннікамі. 11 ліпеня 1705 года ў храме сьв. Сафіі ў Полацку расейскі цар Пётр разам са сьвітай закатаваў 5 манахаў-базыльянаў. Тагачасная Еўропа ўздрыганулася ад бессэнсоўнай жорсткасьці каранаванай асобы, аднак з большага прамаўчала. Толькі Апостальская Сталіца публічна кінула расейскаму цару, пераможцу пад Палтавай, цяжкае абвінавачаньне за перасьлед Уніяцкай Царквы. Гэта быў ці не адзіны голас выразнага асуджэньня Пятра І, стваральніка Расейскай імперыі, якога ўжо баяліся і лічылі за лепшае не сварыцца з ім і якога пазьней так уславілі гісторыкі.

 

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

8 ліпеня 2021 споўнілася 160 гадоў з дня нараджэння Магдалены Радзівіл – мецэнаткі беларускага рэлігійнага і нацыянальнага адраджэння.

У гэты дзень у мінскім касцёле Святой Тройцы (на Залатой Горцы) -  дзе захоўваецца ўрна з яе прахам - Паніхіду за супакой душы спачылай Магдалены адслужыў архім. Сяргей (Гаек).

Заўпакойная Літургія будзе служыцца ў храме грэка-каталіцкай парафіі Праведнага Язэпа у пятніцу, 9 ліпеня 2021, у 18:30.

Дэвіз Пілігрымкі, што праходзіць у 425-годдзе Берасцейскай Уніі:
"Веру ў Адзіную, Святую, Паўсюдную і Апостальскую Царкву".

Пілігрымка праходзіць у духовым фармаце. Тры дні 7-8-9 ліпеня 2021 - гэта дні асаблівай малітвы вернікаў у парафіях і супольнасцях.

- СЕРАДА, 7 ліпеня - дзень малітваў ува Усходнім Протапрэзбітараце: Боскую Літургію ў храме Уваскрасення Гасподняга ў Віцебску (у 07:30) адслужылі архім. Сяргей (Гаек) і протапрэзбітар Зміцер Грышан.

- ЧАЦВЕР, 8 ліпеня - дзень малітваў у Заходнім Протапрэзбітараце: Боскую Літургію ў капліцы Маці Божай Фацімскай у Гародні (у 18:00) служыць протапрэзбітар Андрэй Крот.

- ПЯТНІЦА, 9 ліпеня - дзень малітваў у Цэнтральным Протапрэзбітараце: Боскую Літургію ў храме парафіі Праведнага Язэпа ў Мінску (у18:30) протапрэзбітар Андрэй Абламейка саслужыць з клірам г. Мінска.

- СУБОТА, 10 ліпеня - пілігрымы ў індывідуальным парадку прыбываюць у Полацк,наведваюць хрысціянскія храмы горада. +У 16:00 гадз. магчымасць удзельнічаць у храме Св. Сафіі ў канцэрце ўспаміну місіі Торвальда Вандроўніка ў Полацк. Тытул канцэрта арганнай музыкі: "На скрыжаванні шляхоў і традыцый".

- НЯДЗЕЛЯ, 11 ліпеня 2021 - святочнае завяршэнне Пілігрымкі ў Полацку, пры храме св. Параскевы Полацкай (вул. Навасёлаў, 70)

Святочная БОСКАЯ ЛІТУРГІЯ ў 11:00 гадз.

Папа Францішак скіраваў ліст да біскупаў, духавенства, кансэкраваных асобаў і свецкіх вернікаў Сіра-Малабарскай Царквы з нагоды зацвярджэння ёй уніфікаванага парадку цэлебрацыі эўхарыстычнай літургіі.

 

Пантыфік нагадаў пра тое, што Апостальская Сталіца падтрымала адзінадушнае рашэнне Сінода Епіскапаў Сіра-Малабарскай Царквы, прынятае ў 1999 г. і пацверджанае ў наступныя гады, адносна ўніфікацыі парадку служэння Эўхарыстыі, называючы гэта “важным крокам наперад, зробленым дзеля большай стабільнасці і касцёльнай еднасці”.

Апостальскі нунцый у Беларусі Антэ Ёзіч цэлебраваў заключную св. Імшу Будслаўскага фэсту.

 

3 ліпеня ў Будславе ўрачыстай святой Імшой, цэлебрацыю якой узначаліў Апостальскі нунцый у Беларусі арцыбіскуп Антэ Ёзіч, завяршыўся традыцыйны фэст Маці Божай Будслаўскай.

Разам з прадстаўніком Папы Францішка ў нашай краіне Эўхарыстыю цэлебравалі арцыбіскуп Тадэвуш Кандрусевіч, Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч, Апостальскі адміністратар sede vacante Мінска-Магілёўскай архідыяцэзіі біскуп Казімір Велікаселец, біскуп Гродзенскі Аляксандр Кашкевіч, Генеральны вікарый Мінска-Магілёўскай архідыяцэзіі біскуп Юрый Касабуцкі і яго калега з Гродзенскай дыяцэзіі біскуп Юзаф Станеўскі, Біскупскі вікарый для горада Магілёва і Магілёўскай вобласці біскуп Аляксандр Яшэўскі SDB, Апостальскі візітатар для беларускіх грэка-католікаў архімандрыт Сяргей Гаек і некалькі дзясяткаў святароў абодвух абрадаў.