28 ліпеня 2023, Пятніца

18.00 — святая Імша для пілігрымаў

20.00 — Акафіст росіцкім мучанікам (вернікі Грэка-Каталіцкай Царквы)

21.00 — выстаўленне Найсвяцейшага Сакрамэнту; Ружанец

22.00 — малітва праслаўлення, канферэнцыя

 

29 ліпеня, Субота

0.00 — урачыстая святая Імша

2.00 — працэсія на пляц мучаніцтва і адарацыя Крыжа

3.00 — росіцкі Крыжовы шлях

7.30 — Літургія Усходняга абраду

10.00 — святая Імша на заканчэнне ўрачыстасці

12.00 — абед

Ікас 1 (АКАФІСТУ РОСІЦКІМ МУЧАНІКАМ):

Пажадаў Усемагутны Бог зрабіць вас, верныя сыны Сьвятой Царквы Паўсюднай, апекунамі нашага краю беларускага, празь які прайшоў ваш жыцьцёвы і пакутніцкі шлях да Нябеснага Валадарства. Таму мы, дзеці гэтай зямлі, захапляючыся прыкладам веры вашай непахіснай і ахвярнага пастырскага служэньня, за ласку гэтую Богу падзяку прыносячы, радасна ўсклікаем:

Радуйцеся, Божыя пасланцы‌ міласэрнасьці;

Радуйцеся, адважныя сьведкі Хрыста;

Радуйцеся, нязгасныя сьветачы веры;

Радуйцеся, мужныя ваяры нябеснага сьвятла;

Радуйцеся, непераможныя рыцары любові;

Радуйцеся, верныя сыны Маці-Царквы;

Радуйцеся, шчырыя выканаўцы Божай волі;

Радуйцеся, годныя пераймальнікі апосталаў;

Радуйцеся, сьвятыя апекуны нашай зямлі;

Радуйцеся, духоўныя дарадцы нашага жыцьця;

Радуйцеся, нястомныя хадайнікі Божыя;

Радуйцеся, добрыя заступнікі душаў людскі‌х;

Радуйцеся, Антоні і Юры, блаславёныя пакутнікі з Росіцы!

26 - 28 ліпеня 2023 праходзіць пешая Пілігрымка з Друі ў Росіцу (якую арганізуюць Айцы марыяне).

 

Пілігрымы кіруюцца на ўрачыстасць у гонар благаслаўлёных святароў марыянаў Юрыя і Антонія - мучанікаў Другой сусветнай вайны, якія аддалі сваё жыццё з любові да Бога і да бліжніх 80 гадоў таму.

Папская пілігрымка ў Манголію дэманструе рашучасць Святога Айца ва ўвазе да самых забытых куткоў зямнога шара і жаданне служыць нават жменьцы вернікаў, якія там жывуць, - адзначыў кардынал Джорджа Марэнга.

 

Францішак зможа ўбачыць, як моцна развілася мясцовая супольнасць за апошнія два дзесяцігоддзі. "Мы – маленькі, але жывы Касцёл", - сказаў Апостальскі прэфект ва Улан-Батары.

Для мяне было важна, каб выбары новага настаяцеля Супольнасці Тэзэ адбыліся ў спакоі, без ціску часу і абставін, - так брат Алоіз патлумачыў у інтэрв'ю Vatican News абвешчанае 23 ліпеня 2023 года рашэнне сысці з пасады.

 

Новым настаяцелем Супольнасці стаў брат Мэцью. Афіцыйная перадача паўнамоцтваў адбудзецца 3 снежня 2023 года, у першую нядзелю Адвэнту.

У сувязі з ІІІ Сусветным днём бабуль, дзядуль і пажылых людзей, які будзе адзначацца ў Касцёле ў нядзелю 23 ліпеня, Канферэнцыя Каталіцкіх Біскупаў у Беларусі заахвочвае, каб у гэты дзень у парафіях было прачытана Пасланне Святога Айца Папы Францішка на ІІІ Сусветны дзень бабуль, дзядуль і пажылых людзей, а перадусім каб была створана магчымасць вернікам атрымаць у гэты дзень поўны адпуст, які з гэтай нагоды ўдзяліла Апостальская пэнітэнцыярыя. Акрамя звычайных ўмоў, якімі з’яўляюцца споведзь, святая Камунія і малітва ў інтэнцыях Святога Айца, атрыманне поўнага адпусту ў гэты дзень магчыма за наведванне пажылых людзей, і тых, хто знаходзіцца ў цяжкім становішчы ці ў патрэбе.

У 2025 годзе хрысціяне будуць адзначаць юбілей адной з найвялікшых падзей у гісторыі Касцёла – 1700-годдзе Нікейскага Сабора. Сусветная рада Цэркваў плануе шэраг экуменічных мерапрыемстваў.

 

Як напісаў у спецыяльным пасланні генеральны сакратар рады, пастар Джэры Пілэй, юбілей Першага Сусветнага Сабора – гэта нагода задумацца, што сёння азначае супольнае сведчанне хрысціян і супольнае служэнне Цэркваў. “1700 гадоў таму, так як і сёння, заклік да адзінства гучаў і гучыць у кантэксце неспакойнага, няроўнага і падзеленага свету”, - нагадаў пастар.

Камітэт па этыцы Камісіі канферэнцый біскупаў Еўрапейскага Саюзу (COMECE) выступіў з заявай пра этычную неапраўданасць уключэння права на аборт у Хартыю фундаментальных правоў ЕС.

Як паведаміла Беларуская рэдакцыя парталу Vatican News, у дакуменце сцвярджаецца, што павага да чалавечай годнасці на кожным этапе жыцця, асабліва ў сітуацыях поўнай уразлівасці, з’яўляецца фундаментальным прынцыпам дэмакратычнага грамадства. З юрыдычнага пункту гледжання, у еўрапейскім ці міжнародным праве не існуе прызнанага права на аборт. Ні Хартыя фундаментальных правоў ЕС, ані Еўрапейская канвенцыя аб абароне правоў чалавека не падтрымліваюць права на аборт, — гаворыцца ў заяве.

20 ліпеня 1927 г. у Яраслаўлі нарадзіўся а. Вiктар Данілаў, аўтар шматлікіх тэалагічных прац. Найбольш вядомая з іх — «Мой шлях да Бога і Каталіцкай Царквы». Рэлiгiйны дысідэнт, публіцыст, святар Грэка-Каталiцкай Царквы ў падполлi, вязень ГУЛАГу. 

 

Сваю грамадзкую дзейнасць пачаў чалавекам камуністычных поглядаў. У 1947 г. у Яраслаўлі паступіў у Педагагічны інстытут, а ў чэрвені 1948 г. быў арыштаваны за свае крытычныя выказванні пра Сталіна і быў абвінавачаны ў антысавецкай агітацыі. Тэрмін адбываў у лагеры для асабліва небяспечных палітычных злачынцаў у Інце, Комі АССР. 

Сёння, у суботу, 15 ліпеня 2023 года, у горадзе Мінску, у храме душпастырскага цэнтра Праведнага Язэпа, перад сабранымі святарамі і вернікамі Грэка-каталіцкай Царквы, у прысутнасці Апостальскага Нунцыя ў Беларусі Архібіскупа Антэ Ёзіча, быў прачытаны Дэкрэт Дыкастэрыі для Усходніх Цэркваў ад 30 сакавіка 2023 года, у якім абвяшчаецца пра заснаванне, пастановай Рымскага Пантыфіка Папы Францішка, Апостальскай Адміністратуры для вернікаў каталіцкай Царквы візантыйскага абраду і прызначэнні Высокадастойнага Архімандрыта Сяргея Гаека, М.І.С, Апостальскім Адміністратарам гэтай Апостальскай Адміністратуры.