Катэхетычны аддзел Віцебскай дыяцэзіі абвясціў літаратурна-мастацкі конкурс, прысвечаны 400-годдзю мучаніцкай смерці Язафата Кунцэвіча. Работы можна даслаць да 31 кастрычніка.

Конкурснай работай можа быць літаратурны твор любой структуры, формы і жанра, на беларускай ці рускай мове, тэкст якога павінен быць не больш за две старонкі фармату А4. Або малюнак, выкананы ў любой тэхніцы, на фарматах А4 ці А3. Тэма творчых работ: «Святы Язафат неВЯДОМЫ ЗАСТУПНІК«.

22-24 верасня 2023 г. у Супраслі адбываецца міжнародная навуковая канферэнцыя, прысвечаная Супрасльскаму кодэксу – найстаражытнейшаму і самаму аб’ёмнаму помніку, напісанаму кірыліцай, і яго першаадкрывальніку а. Міхалу Баброўскаму.  Канферэнцыя пад назвай «Супрасльскі кодэкс: 1000-500-200» была запланавана на 1000-годдзе яго стварэння, 500-годдзе прыбыцця Кодэкса ў Супрасль і 200-годдзе адшукання Кодэкса ў Супрасльскім манастыры і ўвядзення яго ў навуковы абарот.

Урачыстае адкрыццё канферэнцыі адбылося 22 верасня ў Вялікай залі Палаца Браніцкіх у Беластоку, а адкрытыя навуковыя пасяджэнні адбудуцца 23-24 верасня ў залі Супрасльскай акадэміі ў Супраслі, сімвалічным месцы, дзе рукапіс захоўваўся 300 гадоў.  

У панядзелак - 18 верасня 2023, у Афінах пачалася братэрская Сінакса Іерархаў Усходніх каталіцкіх Цэркваў Еўропы -  CHOCE (Conventus Hierarcharum Catholicorum Europae). Гэта сустрэча іерархаў Усходніх каталіцкіх Цэркваў розных традыцый.

У сустрэчы ў Афінах удзельнічаюць больш за 60 іерархаў ды іх супрацоўнікаў з каталіцкіх Цэркваў візатыйскай, армянскай, мараніцкай, сірыйскай і малабарскай традыцыі ў Еўропе. Беларускую Грэка-каталіцкую Царкву (БГКЦ) прадстаўляюць архімандрыт Сяргей (Гаек) MIC і іераманах Лявонцій (Тумоўскі) MSU.

У Праграме Сінаксы прадбачаныя багаслоўскія даклады ды іх абмяркаванне і літургічныя службы: у аўторак - 19 верасня Боская Літургія ў катэдральным саборы Грэка-каталіцкага Экзархата ў Афінах, у сераду - 20 верасня Вячэрня ў катэдры Армянскага Ардынарыята ў Афінах.

У нядзелю 10 верасня ў Бялынічах, што на Магілёўшчыне, адбыўся фэст у гонар Маці Божай Бялыніцкай, цудадзейны абраз якой адным з першых на тэрыторыі сучаснай Беларусі быў каранаваны папскімі каронамі.

Непасрэдна перад урачыстасцю, з 8 па 10 верасня, ў бялыніцкай парафіі адбывалася Саракагадзіннае набажэнства, удзел у якім узялі як мясцовы вернікі, так і валанцёры з розных мясцін нашай краіны.

14 ВЕРАСНЯ - у Каталіцкай Царкве адзначаецца свята Узвышэння Пачэснага і Жыватворчага Крыжа Гасподняга.

Дні 11-12-13 верасня варта выкарыстаць як TRIDUUM падрыхтоўкі да Свята. Можна скарыстацца Малітвай Францішка Скарыны.

Літургія Свята ў грэка-каталіцкіх парафіях г. Мінска:

+СЕРАДА, 13.09.2023  у 18:30 - у храме Маці Божай Нястомнай Дапамогі (зав. Снежны, д. 7);

+ЧАЦВЕР, 14.09.2023 у 18:30 - у храме Прав. Язэпа (вул. Арджанікідзе д. 6) і ў храме Маці Божай Нястомнай Дапамогі (зав. Снежны, д. 7).

Свята Узвышэння Святога Крыжа: гісторыя і традыцыі

5 верасня Святы Пасад абнародаваў заяву адносна беатыфікацыі сям’і Ульма, якая адбудзецца ў Польшчы 10 верасня.

Як паведаміла Беларуская рэдакцыя парталу Vatican News, у дакуменце, падпісаным Прэфектам Дыкастэрыі па справах кананізацыі кардыналам Марчэло Сэмэрара, сказана, што дзіця, якім была цяжарная Вікторыя Ульма, нарадзілася ў момант мучаніцкай смерці маці, таму і было далучана да групы дзяцей-мучанікаў.

Зала Друку Святога Пасада паведаміла аб сустрэчы Святога Айца Францішка з арцыбіскупам Антэ Ёзічам, апостальскім нунцыем у Беларусі.

Аб змесце размовы падчас аўдыенцыі, якая прайшла 8 верасня 2023 года раніцай у ватыканскім Апостальскім палацы, не паведамляецца.

Антэ Ёзіч з’яўляецца прадстаўніком папы Францішка ў Беларусі з 21 мая 2020 года. Ён стаў другім харвацкім іерархам на пасадзе апостальскага нунцыя ў Беларусі. З 15 верасня 2004 года па 15 ліпеня 2011 года дыпламатычнае прадстаўніцтва Святога Пасада ў краіне ўзначальваў арцыбіскуп Марцін Відавіч, які, як і цяперашні нунцый, належыць да духавенства Сплітска-Макарскай архідыяцэзіі.

Аляксандр Амяльчэня - Vatican News

8 верасня 2023, Свята Нараджэння Багародзіцы – гэта добрая нагода, каб у асаблівай малітве ўзгадаць шматканфесійны горад Мінск, які святкуе сваё 956-годдзе.

У мінскіх грэка-каталіцкіх супольнасцях “вяночак малітвы” пачаўся ўжо ў сераду – 6 верасня 2023 (на Літургіі ў парафіі Маці Божай Нястомнай Дапамогі).

8 верасня - пятніца: Боская Літургія свята Раства Багародзіцы у храме Праведнага Язэпа (вул. Арджанікідзе д. 6) - у 18:30.

8 верасня 1983 г. адбылася біскупская хіратонія Уладзіміра Тарасевіча, OSB, прызначанага Апостальскім візітатарам для беларусаў-каталікоў на Захадзе. 

Яго хіратонію здзейсніў украінскі грэка-каталіцкі біскуп з епархіі св. Мікалая ў Чыкага (ЗША) Інакенцій Іларыён Латоцкі ў саслужэнні рыма-каталіцкага біскупа Даніэля Вільяма Кучэры з епархіі Саліна (ЗША) і русінскага біскупа Эміля Джона Міхаліка з грэка-каталіцкай епархіі Парма (ЗША).

Звесткі аб Нараджэнні Найсвяцейшай Багародзіцы Царква чэрпае з апакрыфічнага Евангелля ад Якуба, напісанага ў 2 ст. З гэтага апокрыфа мы даведваемся, што бацькі Божай Маці Якім і Ганна доўгі час былі бяздзетнымі, што ў народзе лічылася ганьбай. Бо, паводле традыцыі, кожны праведнік павінен даць нашчадкаў Ізраілю. З-за гэтага Якім, нягледзячы на ўсё сваё багацце, быў пагарджаны перад людзьмі і не мог першым прынесці дары Богу.

У пошуках адказу ад Бога Якім адпраўляецца пасціцца сорак дзён і начэй у пустыню, у той жа час Ганна моліцца дома аб дараванні дзіцяці, якое яна прысвяціць Госпаду. Бог адказвае на малітву Ганны і Якіма і абвяшчае праз анёла, што яны зачнуць дзіця, якое будзе праслаўлена ва ўсіх народах. Якім з вялікай радасцю вяртаецца дадому, раздаючы народу і святарам мноства падарункаў, а праз дзевяць месяцаў Ганна нараджае дзяўчынку, якую называе Марыяй.