Катэхетычны аддзел Віцебскай дыяцэзіі абвясціў літаратурна-мастацкі конкурс, прысвечаны 400-годдзю мучаніцкай смерці Язафата Кунцэвіча. Работы можна даслаць да 31 кастрычніка.

Конкурснай работай можа быць літаратурны твор любой структуры, формы і жанра, на беларускай ці рускай мове, тэкст якога павінен быць не больш за две старонкі фармату А4. Або малюнак, выкананы ў любой тэхніцы, на фарматах А4 ці А3. Тэма творчых работ: «Святы Язафат неВЯДОМЫ ЗАСТУПНІК«.

Удзельнікі конкурса будуць падзелены на 3 узроставыя катэгорыі: 6-12 год; 13-17 год; 18 гадоў і старэйшыя.

Патрабаванні:

• адзін аўтар можа даслаць толькі адну работу;
• кожная работа павінна быць падпісана — аўтар, назва, узрост, мясцовасць, назва парафіі;
• даслаць творы да 31 кастрычніка 2023 г;
• работы дасылаць з пазнакай: «Літаратурна-мастацкі конкурс».

Прэзентацыя работ і ўрачыстае падвядзенне вынікаў конкурсу адбудзецца 13 лістапада 2023 года ў Віцебску ў касцёле Езуса міласэрнага падчас урачыстасці, прысвечанай 400-годдзю мучаніцкай смерці Язафата Кунцэвіча.

Работы дасылаць па адрасах:

• г. Віцебск. вул. Воінаў — інтэрнацыяналістаў 28, паштовы індэкс — 210032;
• catechesisvitebsk@gmail.com.

Паводле https://catholicnews.by/