Капліца душпаст. цэнтра Парафіі Маці Божай Нястомнай Дапамогі, зав. Снежны д. 7
Рэкалекцыі праводзіць а. Зміцер Чарнель, рэдэмптарыст

- СУБОТА, 20 снежня 2014 г.
гадз. 10:00 - Боская Літургія, духоўная канферэнцыя, споведзь
гадз. 18:30 - Вячэрня, духоўная канферэнцыя, споведзь

- НЯДЗЕЛЯ, 21 снежня 2014 г.
гадз. 10:00 - Боская Літургія, духоўная канферэнцыя, споведзь

Святы Айцец нарадзіўся 17 снежня 1936 г. у Буэнас-Айрэсе (Аргенціна) у сям’і італьянскага эмігранта — работніка чыгункі. Належыць да Ордэна езуітаў, у які ўступіў 11 сакавіка 1958 г.

У 2005–2008 гг. узначальваў епіскапат Аргенціны. Да абрання — арцыбіскуп Буэнас-Айрэса і Прымас Аргенціны. Член Кангрэгацыі Божага Культу і Дысцыпліны Сакрамэнтаў, Кангрэгацыі па справах Духавенства, Кангрэгацыі інстытутаў кансэкраванага жыцця і таварыстваў апостальскага жыцця, Папскай рады па справах сям'і.

Перадкалядныя рэкалекцыі ў грэка-каталіцкіх парафіях г. Мінска

Парафія Святога Духа (чырвоны касцёл - ніжні храм)
Рэкалекцыі праводзіць а. Зміцер Грышан (з Віцебска)

- ПЯТНІЦА, 12 снежня 2014 г. 
гадз. 18:30 - Боская Літургія, духоўная канферэнцыя, споведзь

- СУБОТА, 13 снежня 2014 г.
гадз. 10:00 - Боская Літургія, духоўная канферэнцыя, споведзь

- НЯДЗЕЛЯ, 14 снежня 2014 г.
гадз. 10:00 - Ютрань, споведзь
гадз. 11:00 - Боская Літургія, духоўная канферэнцыя
Гадз. 18:00 - Боская Літургія, духоўная канферэнцыя, споведзь

Апостальскі візітатар для грэка-католікаў Беларусі архімандрыт Сяргей Гаек пракаментаваў рэакцыю Грэка-Каталіцкай Царквы адносна пытання аб кананізацыі Францішка Скарыны.

Як адзначыў Апостальскі візітатар у інтэрв’ю беларускай рэдакцыі Ватыканскага радыё, у складзе грамадскага камітэту, які звярнуўся да ГКЦ з прапановай кананізаваць першадрукара, працуе шмат гісторыкаў.

«Яны ведаюць пра нашу духоўную сімпатыю да асобы Францішка Скарыны і ўсведамленне каштоўнасці гэтай асобы для ўсёй Беларусі. Таму камітэт і заявіў пра свае спадзяванні адносна падтрымкі з боку Грэка-Каталіцкай Царквы», — сказаў архімандрыт.

Гамілія Біскупа Алега Буткевіча падчас урачыстых нешпараў ва Урачыстасць Беззаганнага Зачацця Найсв. Дзевы Марыі, з нагоды 100 годдзя нараджэння Біскупа Чэслава Сіповіча, Рым – 8 снежня 2014 г.

1. Сардэчна вітаю ўсіх Вас і вельмі сардэчна дзякую Богу і Вам за гэтае спатканне, бо лічу, што яно з’яўляецца асаблівым дарам Божай прадбачнасці, так як для нас, для Касцёла і для Кангрэгацыі Айцоў Марыянаў у Беларусі і па-за яе межамі з’яўляецца знакамітая асоба айца Біскупа Чэслава Сіповіча, сотую гадавіну нараджэння якога абыходзім у гэтым годзе. Не буду Вам апавядаць гісторыі яго жыцця, бо ведаеце яе напэўна лепш за мяне, бо яна складае частку вашых асабістых і супольных святых падзей. Асабліва для мяне асоба Біскупа Чэслава Сіповіча, яго жыццё, праца, поспехі і цяжкасці – блізкія ўжо праз паходжанне з той жа зямлі (быў маім земляком), а таксама з пункту гледжання падабенства паклікання і апостальскага задання.
Таму хацеў бы падзяліцца з Вамі тым, у чым я бачу яго асаблівае значэнне і бласлаўленне для нас і не толькі ў мінулым, але на сённяшні дзень і ў будучыні. Па-першае выключнай постаццю, добрай, святой і годнай памяці Біскуп Чэслаў Сіповіч, марыянін, з’яўляецца праз тое, што стаўся Слугою Беззаганнай і Беззаганнага Зачацця, Прарокам Еднасці, Настаўнікам вернасці, а таксама Сведкам добрай надзеі для Беларускага народу.

6 снежня – свята св. Мікалая. Ужо традыцыйна гэтае свята адзначалася ў грэка-каталіцкім душпастырскім Цэнтры св. Язэпа ў Мінску.
Каб свята была сапраўды светлым і радасным, валанцёры запрасілі да сябе ў госці дзетак з мясцовага прытулку. Бо святы Мікалай прыходзіць да ўсіх дзяцей, ці ж не так?

Папа Францішак і Барталамей І намераны “працягваць крочыць разам, каб з любоўю і даверам пераадоліць перашкоды” існуючыя паміж Цэрквамі. Пра гэтага гаворыцца ў супольнай экуменічнай дэкларацыі падпісанай імі ў сядзібе Канстантынопальскага Патрыярхату 30 лістапада 2014 г. “Выказваем наша рашучае жаданне, у паслухмянасці волі нашага Пана Езуса Хрыста, павялічыць нашы намаганні на карысць поўнага адзінства паміж усімі хрысціянамі, перш за ўсё католікамі і праваслаўнымі”, гаворыцца ў дакуменце. Папа і Патрыярх выказалі падтрымку тэалагічнаму дыялогу, які развіваецца дзякуючы 35-гадовай працы адмысловай Змешанай міжнароднай камісіі, у задачы якой уваходзіць разгляд “найбольш складаных пытанняў, пазначыўшых гісторыю” дзвюх Цэркваў і патрабуючых “уважлівага і паглыбленага вывучэння”. Францішак і Барталамей І выказалі супольную заклапочанасць сітуацыяй у Іраку, Сірыі і на ўсім Блізкім Усходзе і заклікалі да мірнага вырашэння існуючых праблем. Яны звярнуліся да свету з заклікам дапамагчы пакутуючым супольнасцям, у тым ліку хрысціянскай. Нельга пагадзіцца з існаваннем Блізкага Усходу без хрысціян, якія вызнавалі тут сваю веру на працягу амаль 2000 гадоў, гаворыцца ў дакуменце.

Пошук адзінства паміж хрысціянамі застаецца прыярытэтам Каталіцкага Касцёла і адным з штодзённых клопатаў папы Францішка. У гэтым прызнаўся сам Пантыфік у пасланні, якое асабіста ўручыў удзельнікам пленарнага пасяджэння Папскай рады спрыяння хрысціянскаму адзінству падчас аўдыенцыі ў Ватыкане 20 лістапада 2014 г. Сёлетняя сустрэча членаў дыкастэрыі праходзіць пад знакам святакавання 50-годдзя Дэкрэта пра экуменізм ІІ Ватыканскага Сабору “Unitatis Redintegratio”.

У сваім звароце Святы Айцец адзначыў, што за апошнія паўстагоддзі быў дасягнуты значны прагрэс у справе экуменізму: амаль зніклі варожасць і абыякавасць, існуючыя раней паміж хрысціянскімі канфесіямі, і, наадварот, пашыраецца супрацоўніцтва паміж імі. Тым не менш, падзелы працягваюць існаваць, як і рознагалосіі адносна новых антрапалагічных і этычных пытанняў.

Святы Айцец Францішак пажадаў грэка-католікам Беларусі асэнсаваць сваю спадчыну

19 лістапада 2014 г. з Яго Святасцю Папам Францішкам сустрэўся архімандрыт Сяргей (Гаек), апостальскі візітатар для грэка-католікаў Беларусі. Яго кароткая размова са Святым Айцом адбылася пасля агульнай аўдыенцыі.

У інтэрв’ю Беларускай рэдакцыі Ватыканскага радыё архімандрыт Сяргей распавёў таксама пра ўрачыстасці 100-годдзя з дня нараджэння біскупа Чэслава Сіповіча, якія праходзяць у Беларусі і Рыме.

Усе хрысціяне маюць аднолькавую годнасць перад Панам і аб’яднаны адзіным пакліканнем да святасці. Але як яго можна рэалізаваць у жыцці? На гэтае пытанне Папа Францішак адказаў у сваёй катэхезе падчас агульнай аўдыенцыі на плошчы св. Пятра 19 лістапада.

Пантыфік падкрэсліў, што святасць не дасягаецца дзякуючы ўласным якасцям і здольнасцям, але з’яўляецца дарам Бога, які даецца ўсім без выключэння, і для таго, каб стаць святым, не трэба абавязкова быць біскупам, святаром ці законнікам. «Мы ўсе пакліканы да святасці! — нагадаў Папа. — Часта мы адчуваем спакушэнне думкай пра тое, што святасць вызначана толькі для тых, хто мае магчымасць аддаліцца ад штодзённых спраў, каб прысвяціць сябе выключна малітве. Але гэта не так! Некаторыя думаюць, што святасць заключаецца ў тым, каб закрыць вочы і зрабіць твар як на абразе. Не! Гэта не святасць. Святасць — гэта штосьці большае, больш глыбокае, што нам дае Бог! Больш за тое, менавіта жывучы з любоўю і даючы хрысціянскае сведчанне ў штодзённых клопатах, мы пакліканы станавіцца святымі — кожны ў тых жыццёвых умовах, у якіх прабывае».