Тэкст трэцяй энцыклікі Папы Францішка будзе апублікаваны 4 кастрычніка, ва ўспамін святога Францішка Асізскага.

Пра гэта са спасылкай на прэс-службу Святога Пасаду паведаміла Каталіцкае інфармацыйнае агенцтва КАІ.

Назва энцыклікі гучыць Fratelli tutti («Усе браты»), і хоць у некаторых краінах вяліся дыскусіі наконт яе гучання, а таксама адносна таго, як пры перакладзе перадаць яе інтэгральны сэнс, аднак варта памятаць, што энцыкліка сама па сабе нясе ўніверсальнае пасланне і скіравана да сэрца кожнага чалавека, як падкрэсліў праграмны дырэктар ватыканскіх СМІ Андрэа Тарньелі.

Простая трансляцыя з грэка-каталіцкай парафіі св.Язафата ў г.Ліда. 13.09.20 10:00 паводле беларускага часу.



****
Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

16 верасня Антэ Ёзіч, тытулярны арцыбіскуп Цысы, прызначаны Апостальскім нунцыем у Беларусь, прыме біскупскае пасвячэнне ў нядаўна пабудаваным касцёле Святой Сям’і санктуарыя Маці Божай Астраўной у Соліне (Харватыя).

Як паведаміла харвацкая рэдакцыя парталу Vatican News, сакрамэнт пасвячэння ў ступені епіскапату Антэ Ёзічу ўдзеліць Дзяржаўны Сакратар Яго Святасці Папы Францішка кардынал П’етро Паралін падчас урачыстай святой Імшы, якая распачнецца ў 10.00.

Антэ Ёзіч нарадзіўся 16 студзеня 1967 г. у горадзе Трыль (Харватыя). Прэзбітэрскае пасвячэнне прыняў 28 чэрвеня 1992 г. як святар Спліт-Макарскай архідыяцэзіі. У 1995 г. пачаў рыхтавацца да дыпламатычнай службы ў Папскай дыпламатычнай акадэміі. З 1999 г. працаваў у Апостальскай нунцыятуры ў Індыі. З 2003 г. па 2009 г. быў сакратаром нунцыятуры ў Расіі. У 2009 г. стаў дарадцам нунцыятуры на Філіпінах.

З 11 па 14 верасня пройдзе рабочы візіт у Рэспубліку Беларусь Сакратара па адносінах з дзяржавамі Дзяржаўнага Сакратарыяту Святога Пасаду арцыбіскупа Пола Рычарда Галахера.

Пра гэта са спасылкай на Міністэрства замежных спраў Беларусі паведамляе БЕЛТА.

Увечары 11 верасня запланавана сустрэча міністра замежных спраў Беларусі У. Макея з арцыбіскупам Галахерам.

У Мінску маліліся за пацярпелых на мірных акцыях пратэсту ў Беларусі.

Увечары 5 верасня ў мінскім касцёле святога Сымона і святой Алены вялікая колькасць людзей узяла ўдзел у святой Імшы за пацярпелых, забітых і зняволеных на мірных акцыях пратэсту ў Беларусі. Цэлебрацыю ўзначаліў Генеральны вікарый Мінска-Магілёўскай архідыяцэзіі біскуп Юрый Касабуцкі.

Да іх духоўна далучыліся яшчэ каля трох тысяч, якія глядзелі анлайн-трансляцыю набажэнства на партале Catholic.by.

У суботу 5 верасня ў касцёле святога Сымона і святой Алены ў Мінску (Чырвоны касцёл) будзе цэлебравацца святая Імша ў інтэнцыі ўсіх пацярпелых, забітых і зняволеных падчас мірных акцый у Беларусі, а таксама іх родных і блізкіх.

Пачатак у 19.00.

Дзверы святыні на плошчы Незалежнасці адчынены для ўсіх. Не толькі католікі, але кожны вернік можа ўзяць удзел у святой Імшы або духоўна далучыцца да супольнай малітвы.

Яго Святасць Папа Францішак заклікаў да малітвы і посту ў інтэнцыі Лівана ў бліжэйшую пятніцу, 4 верасня 2020 г.

Адказваючы на заклік Папы да салідарнасці з народам Лівана, накіраваны да вернікаў розных рэлігійных традыцый, у грэка-каталіцкім храме Цэнтра св. Язэпа ў Мінску (вул. Арджанікідзе д. 6) будзе адслужана Боская Літургія і адмысловыя малітвы за Ліван, у бліжэйшую пятніцу, 4 верасня 2020 г., у 18:30.

Боскую Літургію ўзначаліць ераманах Лявонцій (Тумоўскі), які ў мінулым наведваў Ліван як пілігрым і даследчык усходніх манаскіх традыцый.

Малітва – праз заступніцтва св. Шарбеля – будзе духовай падтрымкай для жыхароў Лівана, радзімы разнастайных хрысціянскіх традыцый, ў сувязі з глыбокім унутраным крызісам, які перажывае краіна.

У заўпакойнай малітве будуць узгаданыя ахвяры трагічнага выбуха ў Бейруце ў жніўні гэтага года.

3 верасня на сайце Рады Канферэнцый Біскупаў Еўропы (РКБЕ), пленарная асамблея якой тры гады таму праходзіла ў Мінску, была апублікавана Адозва па справе арцыбіскупа Тадэвуша Кандрусевіча.

Адозва Прэзідыуму РКБЕ па справе арцыбіскупа Тадэвуша Кандрусевіча

З 31 жніўня Яго Эксцэленцыі Тадэвушу Кандрусевічу, арцыбіскупу Мінска-Магілёўскаму і Старшыні Канферэнцыі Каталіцкіх Біскупаў у Беларусі, які вяртаўся з паездкі ў Польшчу, дзе браў удзел у святкаваннях у гонар Маці Божай Чэнстахоўскай, перашкаджаюць вярнуцца на Радзіму.

1-га верасня 2020 г. беларускія грэка-католікі пачалі Новы царкоўны год – паводле візантыйскай традыцыі. Звычайна першы тыдзень новага царкоўнага года – гэта ў грэка-каталіцкіх парафіях і супольнасцях у Беларусі час малітвы ў найбольш актуальных інтэнцыях.

Такой найбольш актуальнай - хаця не чаканай - інтэнцыяй для руплівай малітвы стаў сумны і болесны факт адмаўлення ва ўездзе ў Беларусь Мітрапаліту Мінска-Магілёўскаму архібіскупу Тадэвушу Кандрусевічу 31 жніўня 2020 г.

Папа Францішак заклікаў вернікаў розных рэлігійных традыцый далучыцца да Дня малітвы і посту ў інтэнцыі Лівана. Ён пройдзе ў бліжэйшую пятніцу, 4 верасня.

Як паведамляе беларуская рэдакцыя парталу Vatican News, Святы Айцец нагадаў, што мінуў месяц пасля трагічных выбухаў у Бейруце, у выніку якіх загінула вялікая колькасць жыхароў Лівана.

Ён выказаў словы падтрымкі ліванцам таксама ў сувязі з нестабільнасцю і глыбокім унутраным крызісам, які перажывае краіна.