Прэзентацыя выдання «Новы Запавет Госпада нашага Іісуса Хрыста» прайшла 15 лістапада ў Нацыянальнай бібліятэцы Беларусі.

 

У мерапрыемстве па запрашэнні Мітрапаліта Мінскага і Заслаўскага Паўла, Патрыяршага Экзарха Усяе Беларусі прыняў удзел і старшыня беларускага епіскапату — арцыбіскуп Тадэвуш Кандрусевіч.

 

Новая кніга — сумесная праца праваслаўных багасловаў і філолагаў, якія працавалі над выданнем 25 гадоў.

4 лістапада 2017 г. у Баранавічах, у каталіцкім Катэхетычным каледжы імя Зыгмунта Лазінскага адбылася Міжнародная навуковая канферэнцыя «Мітрапаліт Язэп Вельямін Руцкі і яго рэформа ўсходнеславянскага манаства. Служэнне Ордэна базыльянаў на беларускіх Землях 1617 – 2017».

 

Яна праходзіла пад патранатам Біскупа Пінскага Антонія Дзям’янка і Апостальскага Візітатора для грэка-католікаў Беларусі Архімандрыта Сяргея (Гаека).

 

Навуковую падтрымку канферэнцыі аказалі Генеральны Архіў Ордэна базыльянаў у Рыме, Цэнтр навуковых даследванняў “Collegium Suprasliense”у Супраслі (Польшча) і Духоўны цэнтр “Synergeia pro Oriente Christiano” ў Бары (Італія).

24 кастрычніка 2017 г. Беларуская каталіцкая місія візантыйскага абраду ў Вялікабрытаніі святкавала 70-годдзе заснавання.Урачыстая Боская Літургія была адпраўлена ў новым храме св. Кірылы Тураўскага і ўсіх святых заступнікаў Беларускага Народа ў Лондане. 

Узначаліў Боскую Літургію пачэсны госць Яго Блаславенства Святаслаў, Першаіерарх Украінскай Грэка-Каталіцкай Царквы, які знаходзіцца з пастырскім візітам у Вялікабрытаніі. Саслужылі Боскую Літургію а. Сяргей Стасевіч - настаяцель лонданскага беларускага храма і а. Андрэй Буйніч з Ліды. 

Пасля багаслужэння Патрыярх Святаслаў наведаў Бібліятэку і музей імя Францішка Скарыны. Сустрэча з парафіянамі адбылася ў цёплай, братэрскай атмасферы. 

Гэта быў першы візіт украінскага Патрыярха да беларусаў у Лондане, пасля гістарычнага візіту яго папярэдніка (Патрыярха Язэпа Сліпога) вясной 1970 года. 

У XVI-XVII ст. вёска Нагародавічы - уласнасць сям'і Вельямінаў-Руцкіх. Па другой версіі, на пачатку XVII ст. Нагародавічы належалі Наваградскай кафедральнай царкве, і потым маёмасць перайшла да будучага Мітрапаліта Язэпа Руцкога герба Воз з прыдомкам Вельямін (сына Шчаснага Вельямінавіча Руцкога, «служэбніка» Яна Кішкі, жмудскага старасты). Вельямiны (альбо Вельямiнавiчы) пражывалi на Наваградчыне ўжо ў канцы XV ст., валодалі маёнткам Рута і таму зваліся Вельямiнамi-Руцкiмi. Сама вёска Нагародавічы потым ўваходзіла ў Беліцкае графства, была часткай так званых Нойбургскіх маёнткаў і адміністрацыйна належала да Лідскага павета, зараз - Дзятлаўскі раён.

23 кастрычніка 2017 года ў Ватыкане прайшла сустрэча Папы Францішка і Патрыярха Тэафіла ІІІ, прадстаяцеля Іерусалімскай Праваслаўнай Царквы.

 

У прамове Пантыфік выказаў шчырае жаданне і гатоўнасць працягваць шлях да поўнай еднасці паміж католікамі і праваслаўнымі. «Калі б мы гэтага не рабілі, гэта было б самай цяжкой правінай сённяшняга дня, было б ухіленнем ад настойлівага закліку Хрыста, а таксама знакаў часу, якія Дух сее на шляху Царквы», — сказаў Святы Айцец.

 

Папа Францішак выказаў занепакоенасць сітуацыяй тых, хто пакутуе ад канфліктаў у Святой Зямлі. Ён пажадаў, каб у рэгіёне спынілася насілле, дыскрымінацыя і праявы неталерантнасці супраць людзей, а таксама юдэйскіх, хрысціянскіх і мусульманскіх культавых будынкаў.

Гістарычна-багаслоўска канферэнцыя пройде ў Баранавічах

 

У 1617 годзе, у Нагародавічах на Навагрудскай Зямлі Вялікага Княства Літоўскага, кіеўскі з’яднаны мітрапаліт Язэп Вельямін Руцкі рэарганізаваў славянскае манаства, што дало пачатак Ордэну базыльянаў.

 

4 лістапада 2017 года ў Катэхетычным каледжы імя Зыгмунта Лазінскага ў Баранавічах (адрас: вул. Т. Шаўчэнкі, 6, 225411 г. Баранавічы) пройдзе міжнародная канферэнцыя  «Мітрапаліт Язэп Вельямін Руцкі і яго рэформа ўсходнеславянскага манаства. Служэнне Ордэна базыльянаў на Беларускіх Землях: 1617 – 2017».

100 гадоў таму, у 1917 годзе, Папа Бенядыкт XV заснаваў Кангрэгацыю Ўсходніх Цэркваў і Папскі Ўсходні інстытут. З нагоды гэтага падвойнага юбілею Сьвяты Айцец Францішак 12 кастрычніка 2017 году адслужыў разам з ярархамі розных усходніх абрадаў сьв. Імшу ў рымскай базыліцы Санта Марыя Маджорэ, падчас якой заклікаў усходніх католікаў да цярплівай і адважнай малітвы, каб атрымаць патрэбную ласку ад Бога.  

 

Перад гэтым Рымскі Архірэй адведаў давераны езуітам Папскі Ўсходні Інстытут, які знаходзіцца паблізу. 

 

У часы, калі ствараліся гэтыя дзьве царкоўныя ўстановы, палала Першая сусьветная вайна. Сёньня ж, адзначыў Папа ў сваім казаньні, мы перажываем яшчэ адну сусьветную вайну, хоць і «па частках»: «Мы бачым, як многа нашых братоў і сёстраў — хрысьціянаў з Усходніх Цэркваў — зьведваюць досьвед драматычных перасьледаваньняў і рост іх дыяспары ўсё больш пагрозьлівы». 

«Сапраўдны экуменізм патрабуе пакоры, але адначасова і мужнасьці», — сказаў Зьверхнік УГКЦ Вярхоўны Архібіскуп Сьвятаслаў Шаўчук, разважаючы пра экуменічную місію Ўсходніх Каталіцкіх Цэркваў.  

 

У рамках працы пленарнай сесіі Кангрэгацыі Ўсходніх Цэркваў, якая адбывалася з 9 па 12 кастрычніка 2017 году ў Ватыкане, Першаярарх УГКЦ Яго Блаславенства Сьвятаслаў (Шаўчук) выступіў з дакладам пра экуменічную місію Ўсходніх Каталіцкіх Цэркваў, паведамляе Дэпартамент інфармацыі УГКЦ. «Досьвед апошніх двух стагоддзяў выразна паказвае, што ў аднаўленьні еднасьці ці сулучнасьці Цэркваў хрысьціяне дзеляцца на дзьве катэгорыі: тых, хто прагне еднасьці, і тых, хто яе ня хоча», — адзначыў Зьверхнік УГКЦ, падагульняючы свой выступ перад ўдзельнікамі пленарнага пасяджэньня. 

У дворыку рымскай базылікі св. Клімента на Латэране будзе ўсталявана бронзавая мемарыльяная шыльда са словамі ўдзячнасці святым Кірылу і Мятоду ад беларускага народа. 

 

Яна тут з’явіцца невыпадкова, таму што менавіта ў гэтай старажытнай святыні знаходзіцца магіла аднаго з Апосталаў славян – св. Кірыла.

 

14 кастрычніка 2017 г. шыльда была ўручана прыёру базылікі, айцу Томасу МакКарці. Галоўным ініцыятарам гэтай урачыстай падзеі выступіў Пётр Краўчанка, міністр замежных спраў Рэспублікі Беларусі ў 1990-1994 гг. і ганаровы старшыня міжнароднага фонда «Спадчына Міхала Клеафаса Агінскага».

11 кастрычніка ў Мемарыяльным музеі-майстэрні З.І. Азгура (вул. Азгура, 8) адкрылася экспазіцыя Camino фотамастака Элана Лыскова. Выстава прысвечана шляху пілігрымаў у іспанскі горад Санцьяга-дэ-Кампастэла.

 

Шлях Санцьяга (св. Якуба) — гэта старадаўняя дарога пілігрымаў, якая вядзе праз Еўропу ў іспанскі горад Санцьяга-дэ-Кампастэла. Галоўная частка маршрута ідзе па тэрыторыі Паўночнай Іспаніі. Пачынаць пілігрымку можна з Іспаніі, Францыі, Германі, Партугаліі, Вялікабрытаніі або з любой іншай краіны — пытанне ў тым, якую адлегласць гатовы прайсці пілігрым.