Пошук

Каляндар

 


22.06.2025

Пасол Беларусі Амбразевіч ўручыў даверчыя граматы Льву XIV21 чэрвеня 2025 года Папа Леў XIV прыняў у ватыканскім Апостальскім палацы Надзвычайнага і Паўнамоцнага Пасла Рэспублікі Беларусь пры Святым Пасадзе Юрыя Амбразевіча, які ўручыў яму свае даверчыя граматы.


Як паведамляе інфармацыйнае агенцтва БЕЛТА са спасылкай на прэс-службу МЗС Беларусі, пасля ўрачыстай цырымоніі адбылася асобная сустрэча пасла Беларусі са Святым Айцом, у ходзе якой былі закрануты пытанні міждзяржаўнага парадку дня, уключаючы сітуацыю ў рэгіёне, а таксама абмеркаваны пытанні далейшага развіцця двухбаковага супрацоўніцтва Ватыкана і Беларусі на розных узроўнях, гуманітарныя ініцыятывы, праекты ў сферы адукацыі і культуры.

20.06.2025
Святы Айцец адзначае гадавіну прэзбітэрскага пасвячэння19 чэрвеня 1982 года – 43 гады таму – у капліцы святой Монікі ў Рыме прэзбітэрскае пасвячэнне атрымаў малады аўгустыніянін з ЗША, Роберт Фрэнсіс Прэвост – цяперашні Папа Леў XIV.

 

На той момант будучаму Пантыфіку было 27 гадоў. Годам раней ён склаў вечныя манаскія абяцанні ў Ордэне святога Аўгустына, у які ўступіў у 1977 годзе. Ужо маючы ступень магістра тэалогіі, атрыманы ў Чыкага, Прэвост вывучаў кананічнае права ў Папскім універсітэце святога Тамаша Аквінскага ў Рыме, шырока вядомым як “Angelicum”, дзе пазней атрымае ліцэнцыят і доктарскую ступень. У 1985 годзе ён далучыцца да місіі аўгустыніянаў у Перу.

18.06.2025

Агульнабеларускія дні моладзі пройдуць у Гродне (+праграма)З 20 па 22 чэрвеня ў Гродне адбудуцца Агульнабеларускія дні моладзі.


Рэлігійная падзея пройдзе пад дэвізам «Мы — пілігрымы надзеі» ў парафіi Найсвяцейшага Адкупіцеля ў Гродне (вул. Курчатава, 41). Запрашаюцца маладыя людзі з усіх дыяцэзій Касцёла на Беларусі.

16.06.2025

Пятроўскі пост: час духоўнага ўдасканалення16 чэрвеня 2025 г. пачынаецца Пятроўскі пост, вядомы таксама як Апостальскі або Пятроўка. Гэты летні пост устаноўлены ў памяць пра святых першавярхоўных апосталаў Пятра і Паўла і іх падрыхтоўку да прапаведвання Евангелля ўсяму свету.

 

Пятроўскі пост лічыцца адным з найстаражытнейшых у хрысціянстве. Першыя згадкі пра яго сустракаюцца ў пісаннях III-IV ст., у прыватнасці ў "Апостальскай традыцыі" св. Іпаліта Рымскага. Першапачаткова гэты пост быў звязаны з кампенсацыяй для тых, хто па нейкіх прычынах не змог вытрымаць Вялікі пост перад Вялікаднем. Аднак з цягам часу ён набыў самастойнае значэнне, стаўшы перыядам падрыхтоўкі да свята святых апосталаў Пятра і Паўла, якое адзначаецца 29 чэрвеня.

16.06.2025
Святы Айцец: будаваць масты там, дзе сёння стаяць муры“Мудрасць праяўляецца не там, дзе раздзяляюць, а там, дзе яднаюць”, - падкрэсліў Папа, заклікаючы адрозніваць рэальнасць ад ідэалогій і станавіцца будаўнікамі адзінства.

 

14 чэрвеня 2025 года Леў XIV узначаліў спецыяльную юбілейную аўдыенцыю. З нагоды Святога года такія сустрэчы праводзіў яшчэ Францішак, разглядаючы падчас іх розныя аспекты цноты надзеі праз прызму сведчання вялікіх духоўных постацей. З-за спякотнага надвор’я ў Рыме аўдыенцыя прайшла не на Плошчы Святога Пятра, а ў базіліцы.

13.06.2025
1700-годдзе Нікейскага Сабора: сустрэча біскупаў Еўропы ў ТурцыіЗ нагоды 1700-годдзя Нікейскага Сабору 52-я штогадовая сустрэча генеральных сакратароў епіскапатаў Еўропы адбудзецца ў Стамбуле. Яе ўдзельнікі сустрэнуцца з Патрыярхам Барталамеем І.

Пасяджэнне, арганізаванае Радай Біскупскіх Канферэнцый Еўропы (CCEE) у супрацоўніцтве з епіскапатам Турцыі, пройдзе з 15 па 18 чэрвеня 2025 года на тэму – “Рэформа касцельных структур у місіянерскай і сінадальнай перспектыве”.

11.06.2025

Грэцыя: частка гістарычных манастыроў на гары Афон пашкоджанаЯк паведаміла ў сераду Міністэрства культуры Грэцыі, у выніку землятрусу, які адбыўся ў мінулыя выходныя, пашкоджаны прынамсі тры гістарычныя манастыры на гары Афон на поўначы краіны.

 

Падводны землятрус магнітудай 5,3 выклікаў пашкоджанні ў манастырах Ксенафонт і Дахіяр, заснаваных у X ст., а таксама ў манастыры Сіманапетра, заснаваным у XIV ст.

9.06.2025

Папа: няхай Святы Дух адкрые межы сэрцаў і падорыць мір“Няхай магутны вецер Духа сыдзе на нас і ў нас, адкрые межы сэрцаў, дасць нам ласку сустрэчы з Богам, пашырыць гарызонты любові і падтрымае нашы намаганні ў будаванні свету, у якім пануе мір”, - заклікаў Святы Айцец.

 

8 чэрвеня 2025 года, ва ўрачыстасць Спаслання Святога Духа, Папа Леў XIV узначаліў цэлебрацыю святой Імшы ў Ватыкане, у якой узялі ўдзел дзясяткі тысяч прадстаўнікоў каталіцкіх рухаў, асацыяцый і новых супольнасцей, што сабраліся ў Рыме з нагоды Юбілейнага года.

8.06.2025

Папа: Нікейскі Сабор – компас, які вядзе хрысціян да адзінстваКаталіцкі Касцёл адкрыты на пошук экуменічнага рашэння адносна адзінай даты святкавання Пасхі, - заявіў Святы Айцец падчас сустрэчы з удзельнікамі экуменічнага форуму, што прайшоў у Рыме.

 

7 чэрвеня 2025 года Папа Леў XIV прыняў на аўдыенцыі ўдзельнікаў экуменічнага сімпозіума “Нікея і Касцёл трэцяга тысячагоддзя: да каталіцка-праваслаўнага адзінства”, які праходзіў у Папскім універсітэце святога Тамаша Аквінскага ў Рыме з нагоды 1700-годдзя Нікейскага Сабору.

 

4.06.2025

Апублікаваны афіцыйны фотаздымак папы Льва XIV, які можна спампаваць бясплатнаСвяты Пасад апублікаваў афіцыйны фотаздымак папы Льва XIV. Яго можна спампаваць бясплатна і выкарыстоўваць у парафіях і дыяцэзіях. Камерцыйнае выкарыстанне забаронена.


На фотаздымку выява Святога Айца з подпісам Папы ўнізе: Leo P.P. XIV, а ў левым ніжнім куце — папскі герб.

 

Фотаздымак можна спампаваць па спасылцы ТУТ>>>


Copyright 2008 Язэп.org
Пры выкарыстаньні матэрыялаў пажадана спасылка.
Design by Zmicier