Пошук

Каляндар

 


20.10.2022

Акцыя «Мільён дзяцей моліцца на Ружанцы» аб’яднала маленькіх вернікаў і біскупаў з усіх дыяцэзій Беларусі18 кастрычніка, у свята святога Лукі, евангеліста, дзеці і іх бацькі ў касцёлах усіх дыяцэзій Беларусі аб’ядналіся і прынялі ўдзел у малітоўнай акцыі «Мільён дзяцей моліцца на Ружанцы».

 

Як паведамляецца на сайце Місіі Добрага Самараніна Samaranin.by, дзеткі супольна маліліся Ружанец аб супакоі ва ўсім свеце. Яны былі ў захапленні з дапамогаю ўсталяванага тэлемосту ўбачыць сваіх аднагодкаў з розных куткоў Беларусі, прывітацца з імі і разам прыняць удзел у малітве.

17.10.2022

ГРЭКА-КАТАЛІЦКІЯ СЛУЖБЫ ў МІНСКУ: 17 - 22 кастрычніка 2022 г.АЎТОРАК, 18.10.22, гадз. 18:30,
Парафія Прав. Язэпа (вул. Арджанікідзе, д. 6):
Успамін св. Апостала і Евангеліста Лукі, Дзень малітвы за лекараў, медпрацоўнікаў і хворых;

 

СЕРАДА, 19.10.22, гадз. 18:30,
Парафія Маці Божай Нястомнай Дапамогі (зав. Снежны, д. 7):
Ушанаванне Багародзіцы, Дзень малітвы за Сем'і;

 

ПЯТНІЦА, 21.10.22, гадз. 18:30,
Парафія Прав. Язэпа (вул. Арджанікідзе, д. 6):
Заўпакойная служба Змітраўскай суботы.

17.10.2022

У Барунах з удзелам біскупаў адзначылі юбілей 100-годдзя вяртання цудадзейнага абраза Маці Божай Суцяшальніцы засмучаных14–15 кастрычніка ў санктуарыі Гродзенскай дыяцэзіі Маці Божай Суцяшальніцы засмучаных у Барунах (Ашмянскі дэканат) з удзелам беларускіх іерархаў прайшлі юбілейныя ўрачыстасці з нагоды 100-годдзя з часу вяртання сюды славутага ласкамі абраза Багародзіцы.


Са жніўня ў Гродзенскай дыяцэзіі праходзіла духоўная падрыхтоўка да святкавання юбілею.

 

Ужо больш за 330 гадоў шматлікія вернікі узносяць свае малітвы і падзякі перад невялікай выявай Маці Божай, вядомай пад тытулам Суцяшальніцы засмучаных. Як даўней, так і ў наш час па шчырых малітвах Суцяшальніца засмучаных выслухоўвае сваіх дзяцей і дапамагае ім у розных патрэбах. Некалькі разоў абраз пакідаў святыню і Баруны, але Маці Божая заўсёды вярталася ў гэтае месца, якое сама выбрала. Апошняе вяртанне абраза ў Баруны мела месца 100 гадоў таму, 15 кастрычніка 1922 года.

17.10.2022
Святы Айцец: Сінод аб сінадальнасці пройдзе ў дзве сесіі16 кастрычніка 2022 года Святы Айцец абвясціў, што ХVI Звычайная Асамблея Сінода Біскупаў аб сінадальнасці пройдзе ў дзве сесіі: у кастрычніку 2023 і ў кастрычніку 2024 года.

 

Звяртаючыся да вернікаў, якія сабраліся на малітву Анёл Панскі на плошчы святога Пятра ў Ватыкане, Папа нагадаў, што 10 кастрычніка 2021 года адкрыўся першы этап ХVI Звычайнай Генеральнай Асамблеі Сінода Біскупаў на тэму: “На карысць сінадальнага Касцёла: камунія, удзел і місія”.

15.10.2022

Юбілей 100-годдзя вяртання ў Барунскую святыню цудадзейнай Іконы БагародзіцыВіншавальны ліст Архімандрыта Сяргея.

13.10.2022

Дзяржсакратар: мір будуецца на праве і справядлівасці“Я не толькі лічу перамір’е магчымым, але таксама думаю пра яго як пра нешта неабходнае і неадкладнае”, - пракаментаваў сітуацыю ва Украіне кардынал П’етра Паралін.

 

У інтэрв’ю італьянскаму каталіцкаму выданню Famiglia Cristiana Дзяржсакратар Яго Святасці Папы выказаў перакананасць у тым, што “выключна “схемы міру” могуць гарантаваць будучыню чалавецтву”. “Калі пераважаць частковыя інтарэсы, насілле, злоўжыванне ўладай, эканамічная і ідэалагічная каланізацыя, закон больш моцнага, гэта значыць “схемы вайны”, тады нам наканавана застацца без будучыні”, - сказаў ён.

12.10.2022
Малітоўная салідарнасць: да 175-годдзя з дня нараджэння фундатара касцёла святога Сымона і святой Алены Слугі Божага Эдварда ВайніловічаДухавенства і вернікі Мінскага рэгіёна (дэканаты Мінск-Усход і Мінск-Захад) выказваюць малітоўную салідарнасць са сталічнай парафіяй святога Сымона і святой Алены і яе пробашчам ксяндзом канонікам Уладзіславам Завальнюком у склаўшайся сітуацыі вакол зачыненага Чырвонага касцёла — месца сустрэчы чалавека з Богам, які мае важнае рэлігійнае значэнне, як для парафіяльнай супольнасці, так і ўсяго горада Мінска.
12.10.2022

Вернікі закрытага пасля пажару Чырвонага касцёла звяртаюцца да Аляксандра Лукашэнкі11 кастрычніка на сайце парафіі святога Сымона і святой Алены ў Мінску з’явілася інфармацыя пра захады вернікаў, скіраваныя на хутчэйшае аднаўленне набажэнстваў у Чырвоным касцёле, закрытым пасля пажару, які здарыўся ў святыні ўначы 26 верасня.


Парафіяльны рэсурс Сhyrvony.by, між іншым, інфармуе, што да гэтага часу прадстаўнікі рэлігійнай супольнасці не маюць доступу ў касцёл. У гэтай сітуацыі яны перадусім скіравалі ліст на адрас КУП «Мінская спадчына», якое з’яўляецца ўласнікам будынку, перададзенага ў бязвыплатнае карыстанне парафіі ў межах «выканання распараджэння Прэзідэнта Рэспублікі Беларусь ад 13 верасня 2013 года № 190рп».

11.10.2022

11 кастрычніка - успамін св. Папы Яна XXIIIБеларускія грэка-католікі ушаноўваюць св. Яна ХХІІІ і ўспамінаюць ягонае прызначэнне а. Чэслава Сіповіча грэка-каталіцкім біскупам. 

Святы Ян XXIII (Angelo Giuseppe Roncalli) нарадзіўся 25 лістапада 1881 - адышоў у вечнасць 3 чэрвеня 1963. Папа Рымскі з 1958 па 1963 год. 


Рашэннем Папы Францішка літургічны ўспамін Яна XXIII адзначаецца не ў дзень смерці, як звычайна, але менавіта ў гадавіну адкрыцця першай сесіі Другога Ватыканскага Сабору - 11 кастрычніка 1962 г.

11.10.2022

Патрыярх Мараніцкай Царквы кардынал Бешара Бутрас занепакоены палітычнай напружанасцю ў ЛіванеМараніцкі Патрыярх кардынал Бешара Бутрас Раі раскрытыкаваў выбары лідара дзяржавы ў Ліване, якія прыйшлі ў тупік.


“Калі дэпутаты не абяруць нацыянальнага, суверэннага і кваліфікаванага прэзідэнта, які возьме на сябе справы кіравання, няхай не абвінавачваюць народ, калі той паўстане супраць іх усіх”, - сказаў Першаіерарх маранітаў падчас адной з Літургій. Ён як глава самай вялікай хрысціянскай супольнасці мае ў Ліване важны палітычны голас.


Copyright 2008 Язэп.org
Пры выкарыстаньні матэрыялаў пажадана спасылка.
Design by Zmicier