У Рыме працягваюцца святкаванні 400-годдзя Мучаніцтва святамучаніка Язафата.

15 лістапада 2023 г., на агульнай аўдыенцыі, архімандрыт Сяргей, апостальскі адміністратар, перадаў Папу Францішку дыск "Пахвала св. Язафату/ Praise to Saint Josaphat", запісаны братамі з Orientale Lumen music Group (Сяргей Раюнец, Арцём Сітнікаў, Алесь Палуйка і Андрэй Латыш). Папа сказаў: Grazie! che preghino per me (хай моляцца за мяне).

Свята ў гонар св. арханёла Міхала і іншых бесцялесных сілаў устанавілі ў IV ст. Гэтае свята называецца саборам таму, што ў гэты дзень Царква ўшаноўвае сабор — збор усіх бесцялесных сілаў разам са св. арханёлам Міхалам, а таксама сабор — збор людзей на зямлі для праслаўлення нябесных Сілаў.

Пра Міхала як анёла, які апякуецца ізраільскім народам, мы ведаем з грэцкага перакладу кнігі прарока Даніэля, якая з'яўляецца часткай Старога Запавету (Дан. 10). У Новым Запавеце Міхал выступае ў якасці военачальніка анёльскага войска, пра што мы даведаемся з кнігі Адкрыцця (Адкр. 12).

2 лістапада, ва успамін Усіх памерлых вернікаў, працэсію па Кальварыйскіх могілках сталіцы, а потым цэлебрацыю святой Імшы ў касцёле Узвышэння Святога Крыжа ўзначаліў Мітрапаліт Мінска-Магілёўскі арцыбіскуп Юзаф Станеўскі.

Разам з іерархам, а таксама з Апостальскім адміністратарам для католікаў візантыйскага абраду ў Беларусі архімандрытам Сяргеем Гаекам, ксяндзом канонікам Юрыем Ясевічам і пробашчам ксяндзом Андрэем Сіповічам вернікі розных парафій горада прайшлі ў працэсіі паміж магіл, узгадваючы ў малітве памерлых святароў, бацькоў і продкаў, сваякоў і дабрадзеяў, ахвяр войнаў і загінулых у катастрофах, а таксама ўсіх памерлых і церпячых у чыстцы.

Увечары 28 кастрычніка 2023 года ў Ватыкане была абнародавана падагульняючая Справаздача першай сесіі XVI Звычайнай генеральнай асамблеі Сіноду Біскупаў.

Дакумент быў прыняты ў выніку галасавання па кожным з яго параграфаў. Права голасу мелі 344 удзельнікі Сіноду, сярод якіх былі не толькі біскупы, але таксама святары, кансэкраваныя асобы і свецкія вернікі, у тым ліку жанчыны.

Удзельнікі Сінода Біскупаў, які праходзіць у Ватыкане, скіравалі Ліст да народа Божага. Каб узрастаць у распазнаванні Касцёл павінен слухаць усіх, гаворыцца ў звароце.

“Дарагія сёстры, дарагія браты, завяршаючы працу першай сесіі XVI Звычайнай генеральнай асамблеі Сінода Біскупаў, мы хочам разам з вамі падзякаваць Богу за цудоўны і багаты досвед, які толькі што атрымалі. Гэты благаслаўлёны час мы перажылі ў глыбокай еднасці з вамі. Мы былі падтрыманыя вашымі малітвамі, несучы з сабой вашы чаканні, вашы пытанні, а таксама вашы страхі”, - такім словамі пачынаецца Ліст да народа Божага, які быў абнародаваны ўвечары 25 кастрычніка 2023 года, пасля ўхвалення яго зместу шляхам галасавання ўдзельнікаў сінадальнага сходу.

Яго Святасць Папа Францішак прызначыў сёння (26.10.2023) Архіепіскапам Мітрапалітам Прэшаўскім пачэснага ераманаха Ёну (Максіма), ігумена Студыцкай Лаўры Унева (Украіна).

Уладыка Ёна (Jozef Maksim) нарадзіўся ў Левачы (Славакія) 21 лістапада 1974 г. Вучыўся на грэка-каталіцкім тэалагічным факультэце ў Прэшаве і 11 ліпеня 1998 г. быў рукапакладзены ў святары. У 2017 г. скончыў дактарантуру ў Папскім Усходнім інстытуце ў Рыме з дысертацыяй на тэму студыцкага манаства. Пасля вяртання ва Украіну быў настаяцелем манастыра святога Міхаіла ў Львове; у 2020 г. абраны ігуменам Лаўры Унів.

Даследчыкі постаці Язафата Кунцэвіча з розных краін свету збяруцца ў Рыме з нагоды 400-годдзя мучаніцкай смерці гэтага апостала хрысціянскага адзінства. Святы быў забіты 12 лістапада 1623 года ў Віцебску.

13-14 лістапада 2023 года ў Папскім усходнім інстытуце пройдзе міжнародная канферэнцыя на тэму: Самасвядомасць і культ: тэалагічнае, культурнае і гістарычнае вымярэнне Язафата Кунцэвіча. Форум адбудзецца пад патранажам Вярхоўнага Архіепіскапа Кіева-Галіцкага Святаслава Шаўчука, прадстаяцеля Украінскай Грэка-Каталіцкай Царквы. З уступным словам да яго ўдзельнікаў звернецца кардынал Клаўдыё Гуджэроці, прэфект Дыкастэрыі па справах Усходніх Цэркваў.

Адзінства, інкультурацыя і свабода – на гэтыя тры аспекты евангелізацыйнай дзейнасці святых Кірыла і Мятода звярнуў увагу Папа падчас агульнай аўдыенцыі, якая прайшла 25 кастрычніка 2023 года ў Ватыкане.

Францішак прысвяціў катэхезу “двум вельмі вядомым на Усходзе братам”, названым “Апосталамі славян” – святым Кірылу і Мятоду. Яны нарадзіліся ў IX стагоддзі ў Грэцыі ў арыстакратычнай сям’і, але адмовіліся ад палітычнай кар’еры і пакінулі ўсё, каб прысвяціць сябе манаскаму жыццю. Іх прабыванне ўдалечыні ад свету, аднак, працягвалася нядоўга: братоў адправілі як місіянераў у Вялікую Маравію, дзе ў той час пражывалі розныя народы, што былі часткова евангелізаваныя, але яшчэ захоўвалі многія язычніцкія звычаі і традыцыі. Таму мясцовы князь прасіў, каб нехта змог патлумачыць хрысціянскую веру на іх мове.

ЗВАРОТ

Каталіцкіх біскупаў Беларусі
адносна дня посту, малітвы і пакаяння ў інтэнцыі міру

Мінск, 19 кастрычніка 2023 г.

Дарагія браты і сёстры ў Хрысце!

18 кастрычніка гэтага года, падчас Генеральнай аўдыенцыі, Святы Айцец Францішак, разважаючы пра шматлікія ваенныя канфлікты ў свеце сказаў: «У свеце адкрыта шмат франтоў вайны. Няхай змоўкне зброя, няхай будзе пачуты крык бедных і дзяцей аб міры. Вайна не вырашыць ніводнай праблемы. Яна сее толькі смерць і разбурэнне. Яна павялічвае нянавісць. Яна памнажае помсту». Пры гэтым Пантыфік дадаў, што вайна перакрэслівае будучыню. «Заахвочваю вернікаў стаць на адзін бок у гэтым канфлікце — бок міру, — не толькі словамі, але малітвай», — заклікаў Папа Францішак.

У нядзелю, 22 кастрычніка 2023 года, у грэка-каталіцкіх парафіях Беларусі завяршылася малітоўная Дэкада ўшанавання св. Яна Паўла ІІ. Гэта былі дні асаблівай малітвы за Царкву.

У Мінску вернікі сабраліся на малітву перад Іконай Яна Паўла ІІ ў храме Маці Божай Нястомнай Дапамогі. Боскую Літургію ўзначаліў Апостальскі адміністратар для грэка-католікаў архімандрыт Сяргей (Гаек) ў саслужэнні протапрэзбітараў Андрэя Абламейкі і Яўгена Усошына, і дыякана Аляксандра Хахлова. Хор разам з вернікамі радасна і дастойна праслаўлялі Госпада і маліліся за Царкву.