«Справядлівасьць Божая - праз веру ў Ісуса Хрыста»

19 ІІІ 2010 – Уводзіны ў рэкалекцыі

Сьвяты Язэп – узор веры і справядлівасьці.

Усе дабрадзейнасьці чалавека, створанага на вобраз Божы, маюць сваёй крыніцай і ўзорам Божую дасканаласьць. “ Бог ёсьць Любоў” азначае, што ўсе Яго прыкметы, праяўленьні вынікаюць з любові. Таму калі мы кажам пра Божую справядлівасьць, то маем на ўвазе ня звычнае “аддаць кожнаму належнае”, бо Бог – не нейкі непамыльны пракурор ці прычынная карма.

Крывенка Анатоль Змітравіч, Партрэт Язэпа Германовіча (Вінцук Адважны)

19 сакавіка 2010 г. (пятніца)
Успамін 120-х угодкаў нараджэньня а. Язэпа Германовіча

Грэка-каталіцкі клуб інтэлігэнцыі імя сьв. Кірылы Тураўскага запрашае
на Вечар памяці – а гадз. 19:15,
у капліцы Душпастырскага Цэнтра сьвятога Язэпа
(вул.Арджанікідзэ, 6; ст.метро «Аўтазаводская»)

Тэма сустрэчы: а. Язэп Германовіч – жыцьцёвы ды творчы шлях.

У праграме:
- Жыцьцёвы і мучаніцкі шлях а. Язэпа Германовіча (а. Яўген Усошын)
- Рэлігійная і гумарыстычная паэзія Вінцука Адважнага (а. Алесь Аўдзеюк)

«Справядлівасьць Божая - праз веру ў Ісуса Хрыста»
(Пасланьне Папы Бэнэдыкта ХVI на Вялікі пост 2010 г.)

* * *


Дзесяць Божых Запаведзяў – шлях веры і справядлівасьці
Рэкалекцыі праводзіць ды гаворыць казаньні на сьв. Імшах а. Андрэй Буйніч, Ліда
*Казаньні на сьвятых Імшах у 15:00 гадз.: а. Пахом (Кавалёў), Мінск

Парафія Праведнага Язэпа ў капліцы Душпастырскага Цэнтра сьвятога Язэпа
(вул.Арджанікідзэ, 6; ст.метро «Аўтазаводская»)

15 – 16 сакавіка 2010 г., Панядзелак – Аўторак: Велікапосная вячэрня ў 18:30
17 сакавіка 2010 г., Серада
18:30 — Літургія раней асьвячаных Дароў
18 сакавіка 2010 г., Чацьвер
18:30 — Вялікі канон сьв. Андрэя крыцкага з паклонамі
12 сакавіка 2010 г., Пятніца
18:30 — Малая павячэрніца з Акафістам Найсьвяцейшай Багародіцы
20 сакавіка 2010 г., Субота
09:00 — Заўпакойная Літургія

Трацінская Дар'я8 сакавіка ў Мурманскай вобласьці на перавале Тавайок сьнегавая лавіна накрыла групу беларускіх турыстаў з шасьці чалавек, з якіх уратавалася толькі двое. Пашуковыя працы ішлі да 11 сакавіка, калі і былі знойдзеныя целы іншых чатырох беларусаў, сярод якіх была і нашая верніца з Брэста Трацінская Дар'я, якую шмат хто з нас ведаў, як добрую, шчырую, аптымістычную хрысьціянку і ўдзельніцу шматлікіх пілігрымак.

Заклікаем усіх вернікаў і верніцаў БГКЦ да малітвы за супакой душаў супачылай Дар'і і іншых, што загінулі разам з ёю: Міхаіла, Яўгена, Аляксандры.

Міжнародны форум - VIII Гнезьненскі зьезд

У першай гістарычнай сталіцы Польшчы – горадзе Гнезна 12-14 сакавіка 2010 г. праходзіць VIII Гнезьненскі З’езд – міжнародны форум прадстаўнікоў розных хрысьціянскіх Цэркваў – ярархаў і вернікаў.

Гаспадаром З’езду зьяўляецца Архібіскуп-Мітрапаліт Гнезна Ўладыка Генрык Мушынскі, Прымас Польшчы. Арганізатарамі ёсьць прадстаўнікі розных хрысьціянскіх рухаў, арганізацыяў і супольнасьцяў з Польшчы і Еўропы.

А. Аляксандр Надсан разам з а. Андрэем Абламейкай11 сакавіка 1990 г. Апостальскі Візітатар для беларусаў замежжа а. Аляксандр Надсан адслужыў ў Менску Боскую Літургію ў візантыйскім абрадзе на беларускай мове. Гэта была першая адкрытая грэка-каталіцкая Літургія ў паваеннай Беларусі.

20 гадоў таму, у 1990 годзе мы жылі яшчэ ў Савецкім Саюзе і “афіцыйна” Грэка-Каталіцкай Царквы ў БССР не было, але гэта не азначае, што не было грэка-каталікоў, ці ніхто не думаў пра адраджэньне нашай Царквы. Наадварот, праз усе часы забароны, ад гвалтоўнага зьнішчэньня і праз гады фальшаваньня гісторыі, былі людзі, якія ведалі Праўду і рабілі тое што маглі, кожны на сваім мейсцы.

Касьцёл Узвышэньня Сьв. Крыжа (на Кальварыі)20 год таму, у нядзелю 11 сакавіка 1990 г. мітрафорны протаярэй Аляксандр Надсан, Апостальскі Візітатар для беларусаў замежжа і Рэктар Беларускай Каталіцкай Місіі ў Лондане адслужыў ў Менску, у адзіным тады адкрытым у сталіцы касьцёле Ўзвышэньня Сьвятога Крыжа на Кальварыйскіх могілках, Боскую Літургію ў візантыйскім абрадзе на беларускай мове. Гэта была першая непадпольная, адкрытая грэка-каталіцкая Літургія ў паваеннай Беларусі. На гэтую Літургію прыйшлі сотні людзей.

У днях з 26.02 па 07.03.2010 г. студэнты міжнароднага Лінгвістычна-Катэхітычнага Інстытута (LCI) з Гамінгу (Gaming) ў Аўстрыі наведалі Рым і Асізі. У гэтай пілігрымцы удзельнічаў а. Андрэй Абламейка, як студэнт і капелан у Гамінгу.

Два разы на год студэнты міжнароднага інстытута LCI з Гамінгу маюць магчымасьць наведаць Вечны горад. У прынцыпе не толькі Рым, але таксама і Асізі. Паколькі паралельна з нашай Праграмай Лінгвістычна-Катэхітычнага Інстытута сваю Эўрапейскую праграму ажыцяўляе Францішканскі Універсітэт са Ст’юбінвіля (ЗША), таму для канвентуальных братоў Францішканаў, якія апякуюцца Універсітэтам, Асізі нават больш важны пунт пілігрымкі, чым Рым.

Парафія Праведнага Язэпа і Парафія сьвятога Міколы Цудатворцы
ў капліцы Душпастырскага Цэнтра сьвятога Язэпа
(вул.Арджанікідзэ, 6; ст.метро «Аўтазаводская»)

10 сакавіка 2010 г., Серада
18:30 — Літургія раней асьвячаных Дароў
19:15 — Катэхеза для студэнтаў і моладзі

12 сакавіка 2010 г., Пятніца
18:30 — Літургія раней асьвячаных Дароў

13 сакавіка 2010 г., Бацькоўская задушная субота
09:00 — Заўпакойная Літургія