У візантыйскай літургічнай традыцыі Панядзелак Пяцідзесятніцы прысвечаны асабліваму ўшанаванню Святога Духа.

Віншуем Пробашча а. Андрэя Абламейку і вернікаў грэка-каталіцкай парафіі Святога Духа ў Мінску, віншуем асабліва дзетак Парафіі, якія дасылаюць усім святочнае віншаванне. Разам з імі чытаем малітву: Уладару нябесны, Суцяшальніку, Духу праўды...

 

Развітальнае слова архімандрыта Сяргея (Гаека) на пахаванні айца праф. Вацлава Грыневіча OMI ў Кодані, 30 мая 2020 г.

 

Шаноўны Ойча прафесар Вацлаў,

 

У дзень Твайго пахавання ў Кодані над Бугам я хацеў бы перадаць Табе словы развітання і падзякі ад хрысціян розных традыцый і канфесій у Беларусі: грэка-католікаў, рыма-католікаў, праваслаўных і пратэстантаў.

 

Мы дзякуем Уваскросламу Хрысту за Твой нястомны подзвіг глыбокага разважання над Пасхальнай Таямніцай Хрыста (Pachale Mysterium Christi).

Твая пасхальная трылогія "Хрыстос - наша Пасха" для многіх хрысціян на ўсход ад Буга (і аж да Уладзівастока) стала крыніцай духоўнай сілы на шляху прымірэння і супольнага сведчання Евангелля.

Калі зыходзіць Святы Дух: у дзень Уваскрасення Ісуса Хрыста ці ў дзень Пяцідзесятніцы?

 

Казанне а. Андрэя Буйніча на свята Зыходу Святога Духа. Нядзеля 31 траўня 2020.

 

Значнае месца ў яго тэалагічнай працы займала Таямніца Хрыстовай Пасхі і багаслоўе Старажытнай Русі. 

У аўторак, 26 траўня 2020 году, у шпіталі ў горадзе Люблінец (у Польшчы) адышоў да Бога сьв. пам. айцец праф. Вацлаў Грыневіч з Ордэну Місіянераў Аблатаў Беззаганнай Марыі (OMI).

Айцец Вацлаў Грыневіч нарадзіўся 23 ліпеня 1936 году на Падляшшы ў мястэчку Ламазы на гістарычнай Берасьцейшчыне, сёньня — Люблінскае ваяводзтва ў Польшчы). 8 верасьня 1953 году ён склаў першыя манаскія зарокі ў Місіянераў Аблатаў Беззаганнай Марыі, а 26 чэрвеня 1960 году прыняў сьвятарскія сьвячаньні.

Простая трансляцыя Боскай Літургіі з капліцы парафіі св. Язафата ў г. Ліда. 31.05.2020, 11:00 беларускага часу.

 

Запрашаем далучыцца да Літургіі Зыходу Св Духа анлайн! Проста перайдзіце па спасылцы  https://youtu.be/YtL0LkB8t1M

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

«У імя дыялогу і годнасці чалавека» — так называецца вельмі асабісты ўспамін Экуменічнага Патрыярха Барталамея І пра святога Яна Паўла ІІ, які з’явіўся з нагоды 100-годдзя з дня нараджэння Вялікага Папы ў ватыканскім штодзённіку L’Osservatore Romano.

Ян Павел ІІ вельмі выразна рэалізаваў сваё перакананне ў тым, што місія Касцёла заключаецца ў «вызваленні чалавецтва ад усіх формаў уціску», піша Патрыярх Барталамей І. Ён таксама прыгадаў, што Папа-славянін адыграў вырашальную ролю ў разбурэнні муроў, якія шмат гадоў трымалі Усходнюю Еўропу ў няволі.

 

Асаблівым чынам Канстанцінопальскі Патрыярх падкрэсліў экуменічныя ініцыятывы Яна Паўла ІІ і яго братнія адносіны да Праваслаўнай Царквы.

 

Руплівасць Папы Вайтылы ў развіцці каталіцка-праваслаўнага дыялогу Барталамей І паказаў у трох значных момантах.

Простая трансляцыя Боскай Літургіі з капліцы парафіі св. Язафата ў г. Ліда. 24.05.2020, 11:00 беларускага часу.

 

Запрашаем далучыцца да Літургіі Нядзелі св. айцоў І Усяленскага Сабору анлайн! Проста перайдзіце па спасылцы https://www.youtube.com/watch?v=2dL-vhptNwI

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

Святы Айцец прызначыў новым Апостальскім Нунцыем у Беларусі харвацкага іерарха, арцыбіскупа Антэ Ёзіча. Аб гэтым паведамілі 21 мая 2020 г. у Ватыкане.

 

Ён зменіць на пасадзе кіраўніка дыпламатычнага прадстаўніцтва Святога Пасаду ў Беларусі венгерскага арцыбіскупа Габара Пінтэра.

 

Антэ Ёзіч нарадзіўся 16 студзеня 1967 г. у горадзе Трыль. Святарскае пасвячэнне атрымаў 28 чэрвеня 1992 г. у складзе Сплітска-Макарскай архідыяцэзіі. У 1995 г. пачаў рыхтавацца да дыпламатычнай службы ў Папскай касцёльнай акадэміі. З 1999 г. працаваў у Апостальскай нунцыятуры ў Індыі. Потым, у 2003-2009 гадах быў сакратаром нунцыятуры ў Расіі. У 2009 г. стаў дарадцам нунцыятуры ў Філіпінах.

Простая трансляцыя Боскай Літургіі з капліцы парафіі св. Язафата ў г. Ліда. 21.05.2020, 18:00 беларускага часу.

 

Запрашаем далучыцца да святкавання Узнясення нашага Госпада Ісуса Хрыста анлайн! Проста перайдзі па спасылцы https://youtu.be/i_Ylx7DZll0

****

Падпішыся на ютуб-канал Andrei Buinich - будзь з намі ў кантакце, каб ведаць пра ўсе нашы трансляцыі і цікавыя відэаматэрыялы!

18 мая, у 100-ю гадавіну з дня нараджэння святога Яна Паўла ІІ, Мітрапаліт Мінска-Магілёўскі арцыбіскуп Тадэвуш Кандрусевіч узначаліў цэлебрацыю ўрачыстай святой Імшы ў касцёле святога Сымона і святой Алены ў Мінску.

На галоўным алтары гэтай сталічнай святыні з пашанаю захоўваецца рэлікварый, у якім змешчана часцінка крыві Вялікага Папы.

 

У цэлебрацыі ўзялі ўдзел Апостальскі візітатар для беларускіх грэка-католікаў архімандрыт Сяргей Гаек, пробашч парафіі святога Сымона і святой Алены ксёндз канонік Уладзіслаў Завальнюк і іншыя святары. Да прысутных у касцёле некалькіх дзясяткаў вернікаў дзякуючы анлайн-трансляцыі духоўна далучыліся некалькі соцень «віртуальных» удзельнікаў з розных куткоў Беларусі і з-за мяжы.