Дзень ІІ: 9 ліпеня 2020

Духовая праграма:

Евангелле паводле св. Яна, 2:1-23.

Молімся за сем’і Беларусі, за бацькоў, моладзь і дзяцей – за ўмацаванне хрысціянскіх, сямейных каштоўнасцей у грамадстве.

Да духовай праграмы Пілігрымкі, якая праходзіць у фармаце ан-лайн, далучыліся ўдзельнікі розных мясцінаў Беларусі і Замежжа.

Асабліва каштоўнымі былі словы духовай сулучнасці і Архіпастырскае Блаславенне, якое для ўсіх удзельнікаў Пілігрымкі даслаў з Чыкага Высодастойны Ўладыка Бенядыкт (Алексійчук), які 26 год таму быў ініцыятарам грэка-каталіцкай пілігрымкі Віцебск – Полацк. Далучаецца ён да руплівых і нястомных малітваў пілігрымаў за Беларусь.

Словы духовай салідарнасці для ўдзельнікаў Пілігрымкі даслалі беларускія грэка-католікі з Варшавы, Любліна, Рыму.

Дзень І: 8 ліпеня 2020

Духовая праграма:

Евангелле паводле св. Яна, 1:1-51.

Молімся за перакладчыкаў і выдаўцаў Бібліі на беларускай мове, ад Францішка Скарыны да нашых дзён.

Пачаць яе і здзейсніць магчыма толькі ў моцы Духа Святога. 

Таму ўдзельнікаў Праграмы запрашаем уважліва выслухаць біблійную мэдытацыю а. Андрэя Буйніча пра дзейнасць Духа Святога Суцяшальніка ў жыцці вернікаў Царквы. 

(Гамілія прагучала ў Радыё Марыя ў VI Велікодную нядзелю, але яна будзе карыснай і ў гэты час пілігрымкі).

Ад самога пачатку грэка-каталіцкай Пілігрымкі Віцебск – Полацк, адной з найважнейшых інтэнцый малітвы пілігрымаў з'яўляецца духоўнае адраджэнне Беларусі: жыцця хрысціянскіх Цэркваў, мовы, культуры, грамадства…

Малітва пілігрымаў упісваецца ў Няспынную малітву за Беларусь.

Карысным дапаможнікам ёсць “Малебен за беларускі народ”.

“Я – Дарога і Праўда, і Жыццё”.

XXVI грэка-каталіцкая пілігрымка ў 2020 годзе праходзіць пад дэвізам “Святло Ўсходу”.

Духовая праграма праходзіць у фармаце ан-лайн, але пілігрымка – гэта заўжды дарога. 

Напярэдадні Пілігрымкі ўсім удзельнікам праграмы прапануем мікра-катэхезу “Я – Дарога і Праўда, і Жыццё”.

Першая пілігрымка была арганізавана ў 1995 годзеіераманахам-студытам з Полацка а. Валерым (Алексійчуком) – сёння грэка-каталіцкім біскупам у Чыкага.

Пілігрымка праходзіць у першыя дэкады ліпеня кожнага года на працягу пяці дзён.

Кожная пілігрымка праходзіць пад асобным дэвізам, які адлюстроўвае праграму падрыхтаваную арганізатарамі. 

Дэвіз XXVІ грэка-каталіцкай пілігрымкі Віцебск – Полацк, 2020: “Святло Ўсходу”.

Гэта тытул Апостальскага Паслання св. Яна Паўла ІІ “Orientale Lumen - Святло Ўсходу” (ад 2 траўня 1995 г.), што з’яўляецца базай духовай Праграмы пілігрымкі ў гэтым годзе.

У складанай сітуацыіі эпідэміі духовая Праграма пілігрымкі пройдзе 8-12 ліпеня 2020 года ў фармаце ан-лайн. 

На сайце www.svjazep.org будуць змяшчацца духовыя матэрыялы на кожны дзень Праграмы. Іх можна свабодна перапосціць у соц-сеткі.

Кожны можа далучыцца да духовай Праграмы ў сваім месцы пражывання.

Духовая падрыхтоўка грэка-каталіцкіх парафій Заходняга дэканата

Апостальскае Пасланне Папы Яна Паўла ІІ “Orientale Lumen - Святло Ўсходу” – тэта духовая база XXVІ грэка-каталіцкай пілігрымкі Віцебск – Полацк, 2020.

У сітуацыіі эпідэміі значная частка духовай праграмы Пілігрымкі пройдзе ў фармаце ан-лайн. Але як падрыхтоўка да самой пілігрымкі, на працягу 2 тыдняў, у грэка-каталіцкіх парафіях і супольнасцях ў Беларусі праходзяць “сінаксы” – г. зн. багаслужэнні, малітвы і катэхетычныя сустрэчы прадстаўнікоў парафій.

На мінулым тыдні 28 чэрвеня – 4 ліпеня духовая падрыхтоўка праходзіла ў парафіях Цэнтральнага дэканата. У нядзелю, 5 ліпеня 2020 духовы подзвіг перанялі парафіі Заходняга дэканата.

Простая трансляцыя Боскай Літургіі з капліцы парафіі св. Язафата ў г. Ліда. 5.07.20, 11:00 беларускага часу.

****

Падпішыцеся на ютуб-канал Andrei Buinich - будзь з намі ў кантакце, каб ведаць пра ўсе нашы трансляцыі і цікавыя відэаматэрыялы!