Сёлета Будслаўскі фэст пройдзе 5 і 6 ліпеня пад дэвізам: «Найсвяцейшае Сэрца Езуса — супакой і паяднанне нашае».

Падчас урачыстасцяў у Нацыянальным санктуарыі ў Будславе адбудзецца прысвячэнне Мінска-Магілёўскай Мітраполіі, гэта значыць Касцёла ў Беларусі, Найсвяцейшаму Сэрцу Езуса.

На партале Catholic.by плануецца прамая трансляцыя цэлебрацый з Будслава.

27 красавіка 2025 года — у год супольнага святкавання Вялікадня ўсімі хрысціянамі — будзе падпісана абноўленая версія Еўрапейскай Экуменічнай хартыі.

Беларуская рэдакцыя парталу Vatican News інфармуе, што пра гэта паведамляецца ў выніковым камюніке штогадовага пленарнага пасяджэння Рады Канферэнцый Біскупаў Еўропы (РКБЕ), якое праходзіла 24–27 чэрвеня ў сталіцы Сербіі Бялградзе на тэму: «Пілігрымы надзеі. Да Касцёла сінадальнага і місійнага».

“Калі святар падыходзіць да чалавека, каб удзяліць намашчэнне хворых, ён не абавязкова дапамагае яму развітацца з жыццём. Думаць пра гэта так – значыць адмовіцца ад усякай надзеі. Значыць лічыць само сабой зразумелым, што пасля святара прыйдзе трунар”, - заўважыў Папа.

2 ліпеня 2024 года Сусветная малітоўная сетка апублікавала відэа, у якім Францішак асабіста абвяшчае і тлумачыць сваю інтэнцыю на ліпень. Запрашэнне Святога Айца да малітвы ўсяго Касцёла з’яўляецца спосабам паказаць, што намашчэнне хворых – гэта сакрамэнт супольнасці і адносін.

Арцыбіскуп Антэ Ёзіч завяршае служэнне ў якасці прадстаўніка Святога Айца ў Беларусі. Ён працягне сваю дыпламатычную працу на Каўказе. Адмысловае паведамленне было апублікавана 28 чэрвеня 2024 года.

“Святы Айцец прызначыў Апостальскім нунцыем у Грузіі і Арменіі Яго Эксцэленцыю шаноўнага арцыбіскупа Антэ Ёзіча, тытулярнага арцыбіскупа Цысы, да гэтага часу Апостальскага нунцыя ў Беларусі”, - гаворыцца ў камюніке Залы Друку Апостальскай Сталіцы.

Увечары 27 чэрвеня ў Мінску адбыўся афіцыйны прыём у гонар чарговай гадавіны Пантыфікату Папы Францішка, арганізаваны Апостальскай нунцыятурай у Беларусі.

У святочным мерапрыемстве па запрашэнні Апостальскага нунцыя Антэ Ёзіча ўзялі ўдзел іерархі Касцёла на Беларусі, духавенства, кансэкраваныя асобы, прадстаўнікі Беларускай Праваслаўнай Царквы, юдэйскай і мусульманскай супольнасцяў, дзяржаўнай улады, дыпламатычнага корпусу, дзеячы навукі і культуры. Сярод іншых прысутнічалі Старшыня Канферэнцыі Каталіцкіх Біскупаў у Беларусі арцыбіскуп Мітрапаліт Мінска-Магілёўскі Юзаф Станеўскі, біскуп Віцебскі Алег Буткевіч, біскуп Пінскі Антоні Дзям’янка, біскуп Гродзенскі Аляксандр Кашкевіч і каад’ютар Гродзенскай дыяцэзіі біскуп Уладзімір Гуляй, найстарэйшы каталіцкі іерарх у Беларусі біскуп Казімір Велікаселец, а таксама Апостальскі адміністратар для грэка-католікаў у Беларусі архімандрыт Сяргей Гаек. Улады на прыёме прадстаўлялі намеснік Міністра замежных спраў Беларусі Юрый Амбразевіч і Упаўнаважаны па справах рэлігій і нацыянальнасцяў Аляксандр Румак.

У той час, калі так шмат людзей знаходзяцца ў палоне страху перад будучыняй, на Касцёл ускладзена місія абвяшчаць Езуса Хрыста, “нашу надзею”, заўсёды, усюды і ўсім, - сказаў Пантыфік.

28 чэрвеня 2024 года Францішак прыняў на аўдыенцыі дэлегацыю Канстанцінопальскага Патрыярхату. Яна прыбыла на святкаванне ўрачыстасці святых Пятра і Паўла, нябесных апекуноў Рыма, якая будзе адзначацца 29 чэрвеня.

Многія Усходнія Цэрквы сталі Цэрквамі-мучаніцамі. Мы не можам заставацца абыякавымі да іх пакут. Вайна – гэта бессэнсоўная і безвыніковая авантура, - нагадаў Святы Айцец.

27 чэрвеня 2024 года Францішак прыняў на аўдыенцыі ўдзельнікаў 97-й пленарнай сесіі Асамблеі ініцыятыў дапамогі Усходнім Цэрквам (ROACO). Яна аб’ядноўвае арганізацыі, якія аказваюць фінансавую падтрымку каталіцкім супольнасцям усходняга абраду ў розных сферах іх дзейнасці: ад будаўніцтва храмаў і вылучэння стыпендый да працы адукацыйных і медыцынскіх устаноў. Структура дзейнічае пад кіраўніцтвам прэфекта Дыкастэрыі па справах Усходніх Цэркваў. З 2022 года гэту пасаду займае кардынал Клаўдыё Гуджэроці.

АКАФІСТ святым апосталам Пятру і Паўлу – з «Падарожнай кніжкі»  Францішка Скарыны

ДЗЕНЬ ІV (24.06)

Кандак 4 (Паўла)

Ты зьдзівіў жыхароў Дамаску, пачаўшы прапаведаваць ім веру ў Хрыста Ісуса, Богам пакліканы апостале Паўле. Бо яны казалі: “Ён раней перасьледаваў тых, што верылі ў імя Хрыстова, і прыйшоў сюды, каб, зьвязаўшы іх, аддаць на мукі. Дык як жа ж ён так раптам зьмяніўся? Ён годны сьмерці”. Ты ж, блаславёны, бачачы іхнюю бессардэчнасьць і асьляпленьне духоўнае, адышоў адтуль, спусьціўшыся па сьцяне ў кашолцы, і ўсклікнуў: Алілуя.

20 чэрвеня ў Мінску адзначылі 50-годдзе святарства архімадрыта Сяргея Гаека, Апостальскага адміністратара для католікаў візантыйскага абраду ў Беларусі.

З гэтай нагоды ў сталічным храме парафіі святога праведнага Язэпа адбылося ўрачыстае набажэнства, якое ўзначаліў сам дастойны юбіляр.

З Ім молімся Госпаду за выклікі ды складанасці, якія стаяць перад вернікамі ды Супольнасцямі Царквы.

Верш з Евангелля Свята: "Ісус сказаў яму (Юдзе) у адказ: хто любіць Мяне, той захоўвае Слова Маё" (Ян 14:23).