Слава Ісусу Хрысту!
”У Сьвятым Евангельлі сустракаем нямала апісаньняў учынкаў сьв. Язэпа, аднак ніколі не прачытаем ягоных словаў – сапраўды, часамі ўчынкі гавораць больш, чым словы, ды ўвогуле без учынкаў наша вера мёртвая (Як. 2:17). Гэты сайт перадусім пра нашыя чыны і хай яны будуць гэтак жа плённыя, як чыны сьв. Язэпа” – пісаў тут протапрэзьбітар Андрэй Абламейка, былы пробашч парафіі Праведнага Язэпа і першы рэдактар сайта.
Гэты сайт і надалей хоча распавядаць пра розныя праявы жыцьця нашае парафіі: нашыя чыны, праекты, імкненьні і мары. А паколькі Грэка-каталіцкі цэнтр сьвятога Язэпа ўсё больш і больш выпаўняе заданьне інфарматыўнага цэнтра – будзем і надалей тут памяшчаць інфармацыю, што датычыць жыцьця ўсёй Беларускай Грэка-Каталіцкай Царквы ды іншых Усходніх Каталіцкіх Цэркваў.
|
|
|
Пошук
Нядзельнае казаньне
|
чацьвер
ВЕРАСЬНЯ |
Сёньняшняе чытаньне:
Навіны 
| 14.04.2025 |
Ён навучаў у святыні, вёў спрэчкі з фарысэямі, садукеямі і святарамі, якія хацелі злавіць Яго на слове, каб пасля абвінаваціць. Хрыстос не толькі адказваў ім, але выкрываў іхнюю няшчырасць і крывадушнасць. Такім чынам нарастаў канфлікт, які непазбежна вёў да трагічнага канца. Можна сказаць, што гэтыя дні праходзілі пад ценем Крыжа. |
| 12.04.2025 |
+13.04.2025 – ВЕРБНАЯ НЯДЗЕЛЯ, Уваход Ісуса Хрыста ў Ерусалім гадз. 10:00 - Боская Літургія, асвячэнне вербачак гадз.15:00 - Боская Літургія, асвячэнне вербачак +14.04.2025 - ВЯЛІКІ ПАНЯДЗЕЛАК гадз. 18:30 - Літургія раней асвячаных Дароў +15.04.2025 - ВЯЛІКІ АЎТОРАК гадз. 18:30 - Літургія раней асвячаных Дароў +16.04.2025 - ВЯЛІКАЯ СЕРАДА гадз. 17:30 – Споведзь гадз. 18:30 - Літургія раней асвячаных Дароў
17.04.2025 - ВЯЛІКІ ЧАЦВЕР гадз. 18:30 - Вячэрня з Боскай Літургіяй
18.04.2025 - ВЯЛІКАЯ ПЯТНІЦА гадз. 18:30 - Вячэрня, Вынас Плашчаніцы, Пакланенне Плашчаніцы
19.04.2025 - ПАСХАЛЬНАЯ НОЧ (ВЯЛІКАЯ СУБОТА) гадз. 21:00 - Пасхальная Працэсія і Ютрань і Боская Літургія Уваскрасення Гасподняга Асвячэнне велікодных страваў
20.04.2025 +++ НЯДЗЕЛЯ УВАСКРАСЕННЯ ГАСПОДНЯГА +++ гадз. 12:00 - Боская Літургія Уваскрасення Гасподняга
21.04.2025 - СВЕТЛЫ ПАНЯДЗЕЛАК гадз. 18:30 - Святочная Боская Літургія |
| 10.04.2025 |
 Культура індывідуалізма і самадастатковасці робіць нас больш няшчаснымі, - падкрэсліў Папа ў тэксце катэхезы для агульнай аўдыенцыі, які 9 красавіка 2025 года апублікавала Зала Друку Святога Пасада.
Францішак падрыхтаваў разважанне аб сустрэчы Езуса з безыменным багатым чалавекам, які з юнацтва захоўваў запаведзі, аднак, не знайшоўшы сэнсу жыцця, прыйшоў да Хрыста і спытаў: “Настаўнік добры, што мне рабіць, каб унаследаваць жыццё вечнае?”. Езус заклікаў яго прадаць усё, што мае, раздаць убогім і ісці за Ім, але ён засмуціўся ад гэтых слоў і адышоў маркотны, бо меў вялікую маёмасць (Мк 10,17-22). |
| 3.04.2025 |
 3 красавіка 2025 года Міжнародная тэалагічная камісія абнародавала дакумент, прымеркаваны да 1700-годдзя Нікейскага Сабора (325–2025). У ім падкрэсліваецца гістарычнае і духоўнае значэнне Сімвала веры.
20 мая 2025 года ўвесь хрысціянскі свет будзе адзначаць 1700-годдзе Першага Сусветнага Сабора, які адбыўся ў Нікеі ў 325 годзе. Гэта падзея стала паваротным момантам у гісторыі хрысціянства. Сабор сфармуліраваў Нікейскі Сімвал веры, які вызначыў асновы хрысціянскага вучэння. З нагоды гэтай важнай гадавіны Міжнародная тэалагічная камісія апублікавала 70-старонкавы дакумент “Езус Хрыстус, Сын Божы, Збаўца. 1700-годдзе Нікейскага Сусветнага Сабора (325–2025)”. |
| 2.04.2025 |
 У 20-ю гадавіну смерці святога Яна Паўла II, 2 красавіка 2025 года, кардынал П'етра Паралін узначаліў урачыстую Эўхарыстыю ў Базіліцы Святога Пятра, падкрэсліваючы, што Папа быў "пілігрымам надзеі" для Касцёла і чалавецтва.Дзяржаўны сакратар Яго Святасці адзначыў у гаміліі, што хоць гэтая эўхарыстычная цэлебрацыя адбываецца падчас Вялікага посту, яна напоўнена ўдзячнасцю і радасцю, бо яднае ўсіх у благаслаўлёным успаміне смерці святога – яго dies natalis, пераходу да паўнаты жыцця. |
| 2.04.2025 |
 З 2 красавіка 2025 года “Vatican News” пачынае вяшчанне на азербайджанскай мове. Гэта 56-я мова ў медыйнай прасторы Святога Пасада.
Сімвалічна, што новая моўная версія “Vatican News” з'явілася менавіта ў дзень, калі Касцёл успамінае 20-ю гадавіну адыходу ў вечнасць святога Яна Паўла II – першага Папы, які наведаў Азербайджан. Медыя Святога Пасада цяпер гавораць на 56 мовах, уключаючы мовы жэстаў на італьянскай, іспанскай, англійскай і французскай. |
| 30.03.2025 |
 Гісторыя чэшскіх святых, такіх як Войцех, Кірыла і Мятод, Ян Непамук і іншыя, вучыць ніколі не губляць даверу да Бога, нават у часы выпрабаванняў і ганенняў, - напісаў Пантыфік у пасланні да ўдзельнікаў чэшскай нацыянальнай пілігрымкі ў Рым.
29 сакавіка 2025 года Зала Друку Святога Пасада абнародавала пасланне Францішка да чэшскіх пілігрымаў, якія прыбылі ў Рым з нагоды Юбілейнага года. У нацыянальнай пілігрымцы, якую ўзначальвае старшыня чэшскага епіскапату, арцыбіскуп Ян Граўбнер, прымае ўдзел каля дзвюх тысяч чалавек: біскупы, святары, кансэкраваныя асобы і свецкія вернікі. |
| 29.03.2025 |
 Святы Айцец накіраваў пасланне Блажэннейшаму Ёану з нагоды яго інтранізацыі на пасаду Архіепіскапа Ціраны, Дурэса і ўсёй Албаніі, падкрэсліваючы важнасць працягу міжрэлігійнага дыялогу і пошуку поўнай еднасці сярод хрысціян.
Францішак выказаў "асаблівую радасць" з нагоды інтранізацыі праваслаўнага іерарха, які стаў пераемнікам Блажэннейшага Анастаса. Пасланне было перададзена 25 сакавіка 2025 года дэлегацыяй Святога Пасада на чале з арцыбіскупам Флавіа Пачэ, сакратаром Дыкастэрыі спрыяння хрысціянскаму адзінству. |
| 29.03.2025 |
 26 сакавіка ў 93-ю гадавіну адыходу ў вечнасць Слугі Божага Зыгмунта Лазінскага, першага біскупа Пінскай дыяцэзіі, у катэдральным касцёле ў Пінску адбылася святая Імша, падчас якой вернікі маліліся аб хутчэйшай беатыфікацыі гэтага адданага пастыра беларускай зямлі. Літургію цэлебраваў канцлер курыі Пінскай дыяцэзіі ксёндз Андрэй Рылка разам з архімандрытам Сяргеем Гаекам.Пасля заканчэння святой Імшы адбылася традыцыйная супольная малітва вернікаў каля труны Слугі Божага біскупа Зыгмунта, які пахаваны ў крыпце катэральнага касцёла каля алтара Маці Божай Вастрабрамскай. |
| 25.03.2025 |
 25 сакавіка, ва ўрачыстасць Звеставання Найсвяцейшай Панне Марыі, Папа Францішак прызначыў новым Апостальскім нунцыем у Беларусі арцыбіскупа-наміната Іньяцыё Чэффаліа.
Пра гэта са спасылкай на афіцыйныя крыніцы Святога Пасаду паведаміла Апостальская нунцыятура ў Беларусі. Ніжэй прыводзім тэкст паведамлення. |
Пры выкарыстаньні матэрыялаў пажадана спасылка.