Субота ўсяленскага памінання памерлых.

23 лютага 2019 г. - у грэка-каталіцкім каляндары ў Беларусі - Усяленскае памінанне памерлых. Гэтая субота прыпадае напярэдадні 180 гадавіны г. зв. Полацкага "сабора" 1839 г., на якім - па палітычнаму заказу царскай адміністрацыі - прайшло "уз'яднанне" беларускіх уніятаў з дзяржаўнай Расійскай Праваслаўнай Царквой.

Грэка-каталіцкая моладзь моліцца тэкстамі, складзенымі Францішкам Скарынам.

 
Як вядома, 21 лютага адзначаецца Міжнародны дзень роднай мовы, заснаваны ЮНЕСКА 20 гадоў таму для захавання моўнай і культурнай спадчыны ў свеце.

Працягваючы шматгадовую традыцыю, маладыя беларускія грэка-католікі ў гэты дзень у малітве выкарыстоўваюць тэксты, складзеныя Францішкам Скарынам, змешчаныя ў ягонай "Малой падарожнай кніжцы".

У першую чаргу гэта: "Акафіст Імю Ісусаваму" а таксама "Малітва да Ўкрыжаванага Хрыста" і "Малітва да Найсвяцейшай Багародзіцы".

* * *

У рукі Твае аддаю самога сябе:

захавай душу маю, ацалі цела маё,

прасвятлі розум, напраў учынкі мае;

накіруй думкі мае да Бога,сэрца маё ўмацуй у добрым.

(З малітвы Францішка Скарыны да Найсвяцейшай Багародзіцы).

Асветніцкі клуб грэка-каталіцкай парафіі Святога Духа ў Мінску запрашае.  

Аўторак, 19.02.2019

18:30 - Боская літургія
19:30 - Асветніцкі клуб - Сустрэча з іераманахам Лявонціям (Тумоўскім), доктарам усходніх царкоўных навук. Прэзэнтацыя дактарату "Тут месца не для старасці": Адна старонка з гісторыі візантыйскай духоўнасці.  

МЕСЦА: Чырвоны касцёл - ніжні храм (Бібліятэка).

Дарагія браты і сёстры!

Сённяшнія чытанні, як і ўшанаванне Святых Апосталаў Усходу Кірылы і Мятода, запрашаюць нас паразважаць над місіяй евангелізацыі.

У словах прарока Ісаі ўжо гучыць «добрая навіна» і наш погляд накіроўваецца ў бок Ерусаліма. Дабравеснік абвяшчае мір, звястуе радасць, прапаведуе збавенне. “… і ўсе разам радуюцца, бо на свае вочы бачаць, што Гасподзь вяртаецца ў Сіён”. Вочы ўсіх народаў зямлі звернутыя на святы горад Ерусалім.

У суботу, 9 лютага 2019 г. у грэка-каталіцкім храме душпастырскага цэнтра св. Язэпа ў Мінску адбылося святкаванне памяці святых Кірылы і Мятода, Апосталаў Славянаў і Пакравіцеляў Еўропы ( 1150-я гадавіна спачыну св. Кірылы ў Рыме 14 лютага 869 г.).

У рамках гэтага свята адзначана таксама 70-дзе архімандрыта Сяргея (Гаека) Апостальскага Візітатара для грэка-католікаў Беларусі.

У суботу, 9 лютага 2019 г. Апостальскі Нунцый ў Рэспубліцы Беларусь Архібіскуп Габар Пінтэр наведае грэка-каталіцкі душпастырскі цэнтр св. Язэпа ў Мінску (вул. Арджанікідзэ 6), дзе ўзначаліць Боскую Літургію ў гонар святых Кірылы і Мятода, Апосталаў Славянаў і Пакравіцеляў Еўропы.

Ва ўрачыстасці прымуць удзел Мітрапаліт Тадэвуш Кандрусевіч і дапаможныя Біскупы Мінска-Магілёўскай архідыяцэзіі, Уладыкі Юры Касабуцкі і Аляксандр Яшэўскі.

Пачатак Боскай Літургіі ў 11:00 гадз.

Першыя ідэі міжканфесійнай малітвы за адзінства хрысціянаў з’явіліся ў ХІХ стагоддзі. Таму можна казаць, што гэты Тыдзень малітваў мае больш як стогадовую гісторыю, у сувязі з чым стала ўжо традыцыяй адзначаць гэтае «свята экуменізму».

Кожны год паміж 18 і 25 студзеня — паміж даўнім святам катэдры св. Пятра і святам навяртання св. Паўла, апостала, — хрысціяне розных канфесій збіраліся разам па ўсім свеце на экуменічнае набажэнства, малітвы, канферэнцыі, канцэрты і іншыя сустрэчы. Дзе-нідзе ў гэтым кірунку праводзіцца так шмат розных мерапрыемстваў, што Тыдзень малітвы, насуперак сваёй назве, працягваецца нашмат даўжэй: некалькі тыдняў ці нават месяц.

У шэрагу міжнародных падарожжаў Францішка ў 2019 г. з’явілася яшчэ адно: пасля паездкі ў Балгарыю і Македонію, абвешчанай на 5-7 мая 2019 г., Папа адправіцца ў Румынію, паведаміла 11 студзеня Зала Друку.

У пераважна праваслаўнай краіне ён будзе знаходзіцца з 31 мая па 2 чэрвеня. Дэвіз Апостальскага падарожжа: “Ідзём разам”. На лагатыпе: Божы народ, якія ідзе пад абаронай Багародзіцы. Выява спасылаецца на тое, што Румынію часта называюць “Садам Маці Божай”. Гэту формулу выкарыстоўваў і Ян Павел ІІ падчас свайго візіту ў краіну. Лагатып аформлены ў колерах нацыянальнага сцяга Румыніі: сінім, жоўтым і чырвоным.