18 лютага пры грэка-каталіцкім Цэнтры св. Язэпа ў Менску адбыўся «Вечар спяванай паэзіі».

Вечар быў арганізаваны ў рамках духоўнай падрыхтоўкі да надыходзячага Посту, а таксама, з нагоды святкавання міжнароднага дня роднай мовы, які адзначаецца 21 лютага.

У праграме Вечару былі выкананыя песні на вершы Купалы, Караткевіча, Разанава, Мілаша, а таксама на аўтарскія вершы.

Выканаўцы: Раман Яраш, Андрэй Касцень, Алеся Медушэўская. Выкананне: Гітара, вуснавы гармонік, мандаліна, дарбук.

Са святам Роднай Мовы, сябры!

Напярэдадні мясапуснай Бацькоўскай суботы (за старым стылем) – 17 лютага 2012 г. у грэка-каталіцкай парафіі ў Полацку ўзгадалі 70 год мучаніцкага подзвігу Экзарха Антона Неманцэвіча і ягонай паствы , што сталі ахвярамі карных нацысцкіх акцыяў 1942-1943 гадоў у Беларусі.

Боскую Літургію ўзначаліў Апостальскі Візітатар БГКЦ Архімандрыт Сяргей (Гаек) а казанне прамовіў настаяцель полацкай парафіі а. Аляксандр Шаўцоў.

“Мужнасць і вернасць Паўсюднай Царкве ды нястомная і верная любоў да Бацькаўшчыны, да роднай мовы і культуры – гэта каштоўны прыклад, які даў нам Экзарх Антон, гэта выклік і сёння акуальны для ўсіх нас ” –- сказаў а. Аляксандр.

Грэка-католікі г. Мінска пачынаюць Вялікі Пост 2012 г. паводле наступнага раскладу:

Парафія Праведнага Язэпа і Парафія сьвятога Міколы Цудатворцы
ў капліцы Душпастырскага Цэнтра сьвятога Язэпа
(вул.Арджанікідзэ д. 6, ст. метро «Аўтазаводская»)

20 лютага 2012 г., Панядзелак, Пачатак Вялікага Посту
18:30 — Павячэрніца з Пакаянным канонам сьв. Андрэя Крыцкага

23 лютага 2012 г., Чацьвер першага тыдня Вялікага Посту
18:30 — Павячэрніца з Пакаянным канонам сьв. Андрэя Крыцкага

Перад пачаткам Вялікага Посту завяршылася акцыя “Св. Мікалай ідзе да дзяцей”, арганізаваная валанцёрскім рухам св. Мікалая, каардынацыйны цэнтр якога знаходзіцца пры нашай грэка-каталіцкай парафіі Праведнага Язэпа ў Мінску.

Згодна з ідэяй акцыі, кожны жадаючы ў перыяд святаў Божага Нараджэння мог на нейкі час стацца Святым Мікалаем і падрыхтаваць падарунак для пэўнага дзіцяці з дзіцячага дома альбо з небагатай сям’і. Сабраныя з акцыі падарункі валанцёры раздавалі дзецям падчас калядных пастановак у дзіцячых інтэрнатах і прытулках. Таксама, падарункі патрапілі да бедных і патрабуючых сем’яў і да асобаў з абмежаванымі магчымасцямі. У выніку радасць атрымалі каля 350 чалавек з розных куткоў Беларусі.

У суботу, 11 лютага 2012 г., споўнілася 60 гадоў ад моманту пакутніцкай смерці "ex aerumnis carceris" (ад знясілення) у лагеры пад Тайшэтам а. Андрэя Цікоты M.I.C.

У нядзелю 12 лютага 2012 г. у Маладзечне рыма-католікі і грэка-католікі супольна ўзгадалі пакутніцкую смерць а. Андрэя Цікоты.

Як вядома 11 лютага 2012 г., спаўняецца 60 гадоў ад моманту пакутніцкай смерці "ex aerumnis carceris" (ад турэмнага знясілення) у лагеры пад Тайшэтам (Усходні Сібір) а. Андрэя Цікоты з Ордэну айцоў марыянаў, выдатнага царкоўнага і грамадзкага дзеяча першай паловы мінулага стагоддзя.

8 лютага 2012 у Рыме, у Генеральным Доме Ордэна айцоў марыянаў пачалася міжнародная кансультацыйная праграма, прысвечаная даследванню жыцця і мучаніцкага подзвігу Архімандрыта Андрэя Цікоты M.I.C.

Напярэдадні дня малітоўнага ўспаміну святога мучаніка Валянціна, які шмат хто адзначае як “Дзень закаханых”, настаяцель а. Пахомій і вернікі грэка-каталіцкай парафіі Святога Духа ў Мінску запрашаюць усіх – маладых і старэйшых – тых, хто хоча маліцца пра дар сапраўднай, вернай і чыстай любові ды аб памнажэнні любві сярод людзей,
на Боскую Літургію ў нядзелю, 12 лютага 2012 г., якая будзе служыцца а 18-ай гадзіне ў ніжнім храме (побач з бібліятэкай) Чырвонага касцёла ў Мінску.

Пасля Літургіі, а 19:00, адбудзецца Духоўны канцэрт у выкананні Міжпарафіяльнага хору “ПРАСФАРА”.

У бліжэйшую суботу, 11 лютага 2012 г., спаўняецца 60 гадоў ад моманту пакутніцкай смерці "ex aerumnis carceris" (ад знясілення) у лагеры пад Тайшэтам (Усходні Сібір) а. Андрэя Цікоты з Ордэну айцоў марыянаў, выдатнага царкоўнага і грамадзкага дзеяча першай паловы мінулага стагоддзя.

З гэтай нагоды ў бліжэйшыя дні ў шэрагу краінаў Еўропы пройдуць дні памяці і рэфлексіі над шматбаковым душпастырскім служэннем і сведчаннем жыцця беларускага Архімандрыта-пакутніка Андрэя Цікоты.

У Мінску Памятная Служба з нагоды 60-годдзя пакутніцкай смерці Архімандрыта Андрэя будзе служыцца ў капліцы душпастырскага грэка-каталіцкага цэнтра па зав. Снежным д.7. Боская Літургія ў 10:00 гадзін.

8 лютага ўзгадваецца дзень нараджэння Экзарха Антона Неманцэвіча (нар. 8.02.1893 у Пецярбургу).

У рамках Году памяці, калі адзначаецца 70 год мучаніцкага подзвігу Экзарха Антона (Неманцэвіча) і вернікаў Палесся і Гарадзеншчыны, грэка-католікі тых рэгіёнаў у малітве ўзгадваюць мужныя бязвінныя ахвяры нацыскіх карных акцыяў і моляцца за праслаўленне Ярарха-пакутніка.

У нядзелю 5 лютага 2012 г. Настаяцель грэка-каталіцкай парафіі ў Івацэвічах – а. Андрэй Буйніч у Літургіі і малітве ўзгадаў мучаніцкі подзвіг Экзарха і вернікаў парафіі Бабровічы.

З ініцыятывы настаяцеля і вернікаў грэка-каталіцкай парафіі ў Маладзечне ў нядзелю 29-га студзеня 2012 г. валанцёры хрысціянскага Руху св. Мікалая наведалі мясцовую школу-інтернат для дзяцей з парушэннямі зроку, якім прадставілі Калядную праграму.

Уся акцыя закончылася ў грэка-каталіцкім храме Хрыста Чалавекалюбцы, якую ўзначаліў настаяцель парафіі – а. Алесь Шыбека.

На Службе валанцёры падзякавалі Міласэрнаму Хрысту за дапамогу ў правядзенні акцыі і папрасілі блаславення для ўсіх дзетак, якія апынуліся ў складаных жыццёвых абставінах.