Пошук
Нядзельнае казаньне
|
субота
ЛІСТАПАДА |
Сёньняшняе чытаньне:
Малітва за памерлых на месцы былога канцлагера «Трасцянец»
 1 лістапада 2010 г. у межах праграмы асвячэння могілак у Мінску і Мінскім раёне адбылася малітва на месцы былога канцлагера «Трасцянец», што знаходзіцца ў мінскім мікрараёне Шабаны.У 15.00 — у гадзіну Божай міласэрнасці — на месцы былога канцлагера каля памятнага знака з надпісам, які сведчыць пра тое, што тут былі спалены шматлікія людзі, распачалося набажэнства ў інтэнцыі супакою душаў тых, хто стаў ахвярамі фашызму. Набажэнства ўзначалілі дэкан Серабранкаўскі кс. Ігар Лашук SDB і грэка-каталіцкі дэкан Цэнтральнага Дэканату а. Яўген Усошын. Удзел у набажэнстве прынялі таксама вернікі парафіі Хрыста Збаўцы (Шабаны). Набажэнства за памерлых на месцы былога канцлагера адбудзецца таксама 6 лістапада ў 14.00, а ўзначаліць яго кс. Юрый Санько, пробашч парафіі ў Шабанах. З гісторыі Канцлагер Трасцянец, які знаходзіўся ў Мінску па сённяшняй вул. Сяліцкага, стаў месцам пакутаў і смерці шматлікіх людзей. У 1941–1944 гг. у раёне вёскі Малы Трасцянец былі забіты фашыстамі больш 206 000 чалавек рознага ўзросту і нацыянальнасцяў. Сярод іх — цывільнае насельніцтва, у тым ліку жыхары краін Заходняй Еўропы, удзельнікі антыфашысцкай падпольнай барацьбы і партызанскага руху, мінчане, арыштаваныя ў якасці заложнікаў, ваеннапалонныя. Трасцянец — гэта адзін з самых масавых у свеце па ліку ахвяр лагераў смерці. Ён займае чацвёртае месца пасля лагераў у Асвенціме, Майданэку і Трэблінках, што ў Польшчы. У пасляваенныя гады памяць ахвяр не была ўшанавана належным чынам. Гэтую трагедыю захавалі тры гранітныя помнікі і скверы ў вёсках Малы і Вялікі Трасцянец, дзе размяшчаліся крэмацыйныя ямы і печы. На месцы былога канцлагера плануецца стварыць мемарыяльны комплекс. Паводле catholic.by |
|
3.11.2010
|
