Першая Споведзь і ўрачыстае Сьвятое Прычасьце

Пошук

Нядзельнае казаньне

Хрыстос

Cлова на Успамін усіх памерлых вернікаў

Паводле гістарычных звестак вядома, што ўжо ў ІІ стагоддзі першыя хрысціяне ахвяроўвалі святую Эўхарыстыю за памерлых падчас іх пахавання, а таксама ў гадавіну іх смерці. Традыцыя ж малітваў за памерлых у канкрэтны дзень узнікла ў Х стагоддзі па ініцыятыве святога Адылона, бэнэдыктынскага абата з Клуні ў Францыі. Ён устанавіў 2 лістапада днём малітваў за душы ўсіх памерлых вернікаў, і неўзабаве гэтая традыцыя распаўсюдзілася ў Еўропе і на нашых тэрыторыях.

Каляндар

пятніца

ЛІСТАПАДА

Сьвятых 33-х мучанікаў Мелітынскіх;
вялебнага Лазара, цудатворцы і посьніка на гары Галісійскай

Сёньняшняе чытаньне:

Кал 4.10-18; Лк 10.1-15

Малітва

Малітва аб атрыманьні ласкаў Божых праз заступніцтва Сьв. Папы Яна Паўла IІ

Візіт

Візіт Яго Эмінэнцыі ў грэка-каталіцкі Цэнтр імя сьвятога Язэпа

Сябры

У Нядзелю Ўсіх Сьвятых, 18 траўня, у нашай парафіі чацьвёра дзяцей: АНАСТАСІЯ АБЛАМЕЙКА, ВАЛЕРЫЯ ЖУКОЎСКАЯ, АЎГУСТА СІЗОНАВА і АЛЕГ МАЗУРКЕВІЧ першы раз у сваім жыцьці прыступіліся да Таямніцы Споведзі і ўрачыста прынялі Сьвятое Прычасьце.

Бацькі разам з усёй парафіяльнай супольнасьцю маліліся Боскую Літургію за Божае блаславеньне для іхніх дзетак.

Пробашч парафіі а. Андрэй Абламейка напрыканцы Літургіі павіншаваў дзяцей, іхніх бацькоў і катэхетаў – сястру Вікторыю і Дашу Сушу. Таксама зазначыў, што гэтая ўрачыстасьць ёсьць для нас сьведчаньнем жыцьця парафіі, а таксама і будучыні Царквы.

А вось што кажуць пра гэта самі непасрэдныя ўдзельнікі сьвята – бацькі і дзеці:

Юра Мазуркевіч (тата Алега):

Для мяне гэта сустрэча майго сына з Хрыстом. Гэта вельмі важна для яго, тым больш што ўчора ён яшчэ стаў скаўтам-“ваўчанём”, а сёньня прыступіўся да Першай Споведзі. Гэта такое яднаньне дзіцяці і ўсёй маёй сям'і з Хрыстом .

Невес Арыяс (бабуля Алега):

Гэта радасьць за ўнука, што ён зарабіў гэты свой першы крок у дарослае жыцьцё. Дзякуй усім, хто да гэтага спрычыніўся.

Алег Сізонаў (тата Аўгусты):

Гэта вялікае сьвята, важная падзея ў жыцьці нашае дачкі, вельмі сур'ёзны крок. Яна ўчора вельмі перажывала, а сёньня, як бачыце, вельмі задаволеная.

Аўгуста:

Я вельмі хвалявалася, а сёньня гэта маё сьвята.