Патрыярх Канстанцінопальскі накіраваў уласнаручны ліст падтрымкі Папу, які знаходзіцца на лячэнні ў рымскай бальніцы Джэмэлі.

Барталамей І выказаў спадзяванне на хуткае выздараўленне Францішка і яго вяртанне да выканання сваіх адказных абавязкаў. Як паведамляе афіцыйны сайт Канстанцінопальскага Патрыярхату, ліст быў перададзены 18 лютага 2025 года кардыналу Джорджу Коавакаду, які ўзначальваў ватыканскую дэлегацыю падчас візіту ў Фанар.

"У гэты няпросты час хвароба з'яўляецца выпрабаваннем, але і нагодай для ўмацавання нашага братэрскага адзінства", - напісаў у сваім лісце ганаровы патрыярх.

Візіт ватыканскай дэлегацыі ў Фанар быў звязаны з падрыхтоўкай да вясновага візіту Пантыфіка ў Турцыю, падчас якога плануецца сумеснае святкаванне 1700-годдзя Нікейскага Сабора. Падзея мае асаблівае значэнне для экуменічнага дыялогу паміж католікамі і праваслаўнымі.

Варта адзначыць, што сяброўскія адносіны паміж Францішкам і Барталамеем І на працягу многіх гадоў з'яўляюцца моцным фундаментам для развіцця экуменічнага дыялогу паміж Рымам і Канстанцінопалем.

Аляксандр Амяльчэня - Vatican News