22 снежня Мітрапаліт Мінска-Магілёўскі арцыбіскуп Юзаф Станеўскі наведаў з візітам кіраўніка Беларускай Праваслаўнай Царквы Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі.

Гэты візіт да праваслаўнага Прадстаяцеля стаў першым з моманту прызначэння арцыбіскупа Станеўскага на пасаду Мітрапаліта Мінска-Магілёўскага.

Мэтай сустрэчы было падтрыманне і развіццё адкрытых братэрскіх адносін паміж Касцёлам у Беларусі і братняй Праваслаўнай Царквой.

Як паведамляе афіцыйна партал Беларускай Праваслаўнай Царквы Church.by, падчас сустрэчы іерархаў, якая адбылася ў Мінскім епархіяльным упраўленні, абмяркоўваліся актуальныя пытанні царкоўнага жыцця і выклікі сучаснага свету, якія стаяць перад хрысціянствам. Была выказана зацікаўленасць у далейшым развіцці ўзаемаадносін на аснове гістарычна склаўшагася вопыту пазітыўнага ўзаемадзеяння традыцыйных канфесій на тэрыторыі Рэспублікі.

Патрыяршы Экзарх у асобе арцыбіскупа Юзафа павіншаваў усіх вернікаў Рыма-Каталіцкага Касцёла ў Беларусі з блізкім ужо святам Нараджэння Хрыстова.

На памяць пра сустрэчу, якая прайшла ў цёплай абстаноўцы, іерархі абмяняліся памятнымі падарункамі, адзначаецца на партале Church.by.

Паводле: Church.by / Catholic.by