Шлях малітвы і «добрага навучання» працягваецца

Пошук

Нядзельнае казаньне

Хрыстос

Cлова на Успамін усіх памерлых вернікаў

Паводле гістарычных звестак вядома, што ўжо ў ІІ стагоддзі першыя хрысціяне ахвяроўвалі святую Эўхарыстыю за памерлых падчас іх пахавання, а таксама ў гадавіну іх смерці. Традыцыя ж малітваў за памерлых у канкрэтны дзень узнікла ў Х стагоддзі па ініцыятыве святога Адылона, бэнэдыктынскага абата з Клуні ў Францыі. Ён устанавіў 2 лістапада днём малітваў за душы ўсіх памерлых вернікаў, і неўзабаве гэтая традыцыя распаўсюдзілася ў Еўропе і на нашых тэрыторыях.

Каляндар

панядзелак

ЛІСТАПАДА

Апосталаў Эраста, Алімпа, Радзівона і інш.

Сёньняшняе чытаньне:

1 Сал 1.1-5; Лк 10.22-24

Малітва

Малітва аб атрыманьні ласкаў Божых праз заступніцтва Сьв. Папы Яна Паўла IІ

Візіт

Візіт Яго Эмінэнцыі ў грэка-каталіцкі Цэнтр імя сьвятога Язэпа

Сябры

Удзельнікі ХХІII грэка-каталіцкай пілігрымкі асэнсоўваюць яе духовыя плады.

Да мэты пілігрымкі - у Полацк, у суботу - 15 ліпеня 2017 г. дайшло больш за 100 пілігрымаў. Шлях пілігрымкі, што пачаўся 11 ліпеня 2017 г. у Віцебску, праходзіў праз Заронава, Шуміліна, Обаль, Гараны, Струнне.

Дэвізам пілігрымкі былі словы Францішка Скарыны з прысвячэння да выдадзенай ім 500 гадоў таму ў Празе Бібліі: «Людемъ посполитымъ к доброму научению».

На паломніцкім шляху малітвы і «добрага навучання» пілігрымы карысталіся малітвамі з Малой падарожнай кніжкі Францішка Скарыны – у перакладзе на беларускую мову зробленым айцом Аляксандрам Надсанам.

Увага пілігрымаў была накіраваная да духоўнай спадчыны беларускіх сведкаў веры. Побач Францішка Скарыны пілігрымы змаглі пазнаёміцца і з постаццю ўніяцкага мітрапаліта Язэпа Вельяміна Руцкага, які шмат клапаціўся над справай «добрага навучання» моладзі на Беларускіх Землях. (Сёлета адзначаецца 380-я гадавіна завяршэнныя зямнога жыцця мітрапаліта Язэпа Вельяміна Руцкага (+1637) ды 400-годззе ягонай рэформы ўсходняга манаства – арганізацыі Ордэна базыльянаў).

12 і 13 ліпеня (серада і чацвер) пілігрымаў наведаў Апостальскі Візітатар Беларускай Грэка-Каталіцкай Царквы архімандрыт Сяргей (Гаек), які ў гэтыя два дні ўзначаліў Боскую Літургію ў санктуарыі Маці Божай Фацімскай у Шуміліне.

У чацвер, 13 ліпеня архімандрыт блаславіў ды аблачыў у духоўную вопратку (падраснік) грэка-каталіцкіх семінарыстаў Арцёма Калугіна ды Ціграна-Мікалая Латышава.

На паломніцкім шляху былі розныя нечаканыя, радасныя моманты, пра якія напішам у наступным “успаміне”.

***

У нядзелю – 16 ліпеня 2017 г., у Полацку ля храму св. Параскевы Полацкай, святочную Боскую Літургію для пілігрымаў і вернікаў Полацкай парафіі ўзначаліў архімандрыт Сяргей, які перадаў усім удзельнікам свята прывітанне ад Апостальскага Нунцыя ў Беларусі – архібіскупа Габара Пінтэра.

У гэтыя дні ўдзельнікі ХХХІІІ пілігрымкі праводзяць абмяркаванне (або лепш сказаць “асэнсаванне”) духовых пладоў паломніцкага подзвігу. Шлях малітвы і «добрага навучання» працягваецца.

(Ніжэй дададзена І-я частка фота з галерэі).