КАНФЕРЭНЦЫЯ КАТАЛІЦКІХ БІСКУПАЎ БЕЛАРУСІ

Старшыня

№ 14/Р/2021

 

Апостальскаму візітатару для грэка-католікаў Беларусі

Архімандрыту Сяргею Гаеку

Дастойны Архімандрыт Сяргeй!

 

Ад імя Канферэнцыі Каталіцкіх Біскупаў Беларусі прагну выказаць Вам, Шаноўным Cвятарам і Bернікам Грэка-Каталіцкай Царквы ў Беларусі братэрскае прывітанне і шчырыя віншаванні з нагоды 425-годдзя Берасцейскай царкоўнай Уніі – аднаўлення сулучнасці (communio) Усходняй Царквы на беларускіх і ўкраінскіх землях з Рымскім Апостальскім Пасадам. Сулучнасці, якая існавала ў час Полацкай місіі Торвальда Вандроўніка.

Простая трансляцыя з грэка-каталіцкай парафіі св.Язафата ў г.Ліда. 10.10.21, 11:00.

 

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

Адукацыя павінна ўмацоўваць братэрства, - заўважыў Папа Францішак падчас міжрэлігійнай сустрэчы, прымеркаванай да Сусветнага дня настаўніка, які 5 кастрычніка адзначаецца па ініцыятыве ЮНЕСКА.

 

Форум прайшоў у Ватыкане 5 кастрычніка 2021г. з мэтай прасоўвання Глабальнага адукацыйнага саюза – ініцыятывы Святога Айца, пакліканай спрыяць дыялогу і супрацоўніцтву ў адукацыйнай сферы дзеля будавання больш салідарнага, гасціннага і братэрскага грамадства. У ім бралі ўдзел лідары буйнейшых хрысціянскіх канфесій, ісламу і іншых рэлігій.

Простая трансляцыя з грэка-каталіцкай парафіі св.Язафата ў г.Ліда. 03.10.21, 11:00.

 

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

Трапар
(Тон 4) Сёння мы, верныя людзі, радасна святкуем,

натхнёныя Тваім, Маці Божая, прыйсцем і пазіраючы на святы вобраз Твой,

прачула ўсклікаем: пакрый нас пачэсным покрывам Тваім і захавай нас ад усяго благога,

молячы Сына Твайго, Хрыста Бога нашага, збавіць душы нашыя.

Кандак
(Тон 3) Сёння Дзева з хорамі святых стаіць нябачна ў царкве і моліць Бога за нас;

анёлы і першасвятары пакланяюцца Ёй, і апосталы з прарокамі радуюцца,

бо за нас моліць Багародзіца спрадвечнага Бога.

Мінская грэка-каталіцкая парафія Святога Духа запрашая далучыцца да малітоўнай падрыхтоўкі да Свята.

ТРЫ ДНІ ЖЫВОГА РУЖАНЦА (асабістая малітва) Аўторак, 28.09.2021 - молімся Балесныя таямніцы: "вазьмі свой крыж..." Мк 8:34
Серада ,29.09.2021 - молімся Радасныя таямніцы:"прыйшла Маці Госпада майго да мяне... "Лк.1:43б
Чацвер, 30.09.2021 - молімся таямніцы Святла: "споўніўся час і наблізілася Царства Божае: пака́йцеся і веруйце ў Ева́нгелле" Мк 1:15

Пятніца 1.10.2021 - ПАКРОЎ НАЙСВЯЦЕЙШАЙ БАГАРОДЗІЦЫ
18:30 молімся Слаўныя таямніцы, "І сказала Марыя: праслаўляе душа Мая Госпада,
і ўзрадаваўся дух мой у Богу, Збаўцу Маім" Лк 1:46-47
- БОСКАЯ ЛІТУРГІЯ (у ніжнім храме Чырвонага касцёла)
Малітва адданьня Беларусі і Беларускага народа пад Покрыў Найсвяцейшай Багародзіцы

Простая трансляцыя з грэка-каталіцкай парафіі св.Язафата ў г.Ліда. 26.09.21, 11:00.

 

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

291 год таму, 19 верасня 1730 г. (8 верасня па юліянскім календары - у свята Нараджэння Багародзіцы) у Жыровіцах прайшлі вялікія ўрачыстасці:

Пад няспынны гоман малітваў і спеваў 38-тысячнага збору вернага люду, трыюмфальныя стрэлы гарматаў, гучанне трампетаў і барабанаў, мітрапаліт Кіеўскі, Галіцкі і ўсяе Русі Апанас Шаптыцкі ў суслужэнні з протатроніям Тэафілам Гадзебскім, япіскапам Уладзіміра-Берасцейскім, і Юр’ям Булгакам, япіскапам Пінскім, каранаваў Жыровіцкі Абраз Маці Божай каштоўнымі каронамі, зробленымі ў Рыме пракуратарам ордэну айцоў базыльянаў а. Бенедыктам Турлевічам і пасвячанымі Папам Рымскім Бенедыктам ХІІІ.

Даставіў кароны з Рыму ў Жыровіцы князь Геранім Радзівіл, а кошт урачыстасцяў пакрыла ягоная маці - княгіня Ганна з Сангушкаў, удава Вялікага канцлера Літоўскага князя Караля Радзівіла.

Простая трансляцыя з грэка-каталіцкай царквы у Варшаве па вуліцы Мёдовэй 16. 19.09.21, 16:30.

 

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

Апостальскага нунцыя ў Беларусі Архібіскупа Антэ Ёзіча віншуем з першай гадавінай біскупскай хіратоніі.   

16 верасня 2021 г. манс. Антэ Ёзіч, тытулярны архібіскуп Цысы, прызначаны Апостальскім нунцыем у Беларусь, прыняў біскупскую хіратонію (пасвячэнне) у храме Святой Сям’і санктуарыя Маці Божай Астраўной у Соліне (Харватыя).
Біскупскую хіратонію Антэ Ёзічу ўдзяліў дзяржаўны сакратар Яго Святасці Папы Францішка кардынал П’етро Паралін падчас урачыстай святой Імшы.

Служэнне Архібіскупа Антэ ў Беларусі даручаем малітвам Усіх Святых Беларускай Зямлі.