24 гадзіны малітвы і споведзі ў храмах Рыму

Навяртанне – гэта не пытанне аднаго моманту, але намаганне, якое здзяйсняецца на працягу ўсяго жыцця, адзначыў Папа Францішак падчас пакутнага набажэнства ў базыліцы св. Пятра 28 сакавіка 2014 г.
У яго межах Святы Айцец найперш сам прыступіў да споведзі а пасля прыняў споведзь некаторых вернікаў.

Набажэнства дало пачатак велікапоснай акцыі Папскай рады па новай евангелізацыі “24 гадзіны для Госпада”, падчас якой у трох цэнтральных рымскіх касцёлах – св. Агнешкі, Найсвяцейшай Дзевы Марыі на Трастэвэры і Найсвяцейшых Ран Ісуса - бесперапынна на працягу сутак спавядалі каля 60 святароў.
“Хто сустракаецца з Божай міласэрнасцю, падштурхоўваецца стаць будаўніком міласэрнасці паміж апошнімі і беднымі”, - нагадаў Папа і дадаў, што ў гэтых “самых малых” братах сам Ісус чакае.“Пойдзем на сустрэчу з Ім і будзем святкаваць Пасху ў радасці Божай!” - заклікаў Святы Айцец.

Духоўная сустрэча грэка-каталiцкага Клуба інтэлігенцыі імя св. Кірылы Тураўскага

Грэка-каталiцкi Клуб інтэлігенцыі імя св. Кірылы Тураўскага, пры падтрымцы Руху валанцёраў св. Мікалая, запрашае на велікапосную духоўную сустрэчу з хрысціянскім мастацтвазнаўцам Сяргеем Гваздзёвым, чалавекам з вялiкiм духовым вопытам i складаным лёсам, чалавекам з якога варта браць прыклад.

Пад час сустрэчы будзе прэзентавана ягоная кніга “Крэскі да партрэтаў мастакоў з Заходняй Беларусі”. Пад вокладкай гэтай кнiгi аўтар па крупiцах сабраў творчыя i жыццёвыя лёсы такiх мастакоў  як Мар’ян Богуш-Шышка, жывапісец і графік, Раман Семашкевіч, беларускі жывапісец у ЗША, Пётр Мірановіч, мастак, які прысвяціў жыццё служэнню Богу, Анатоль Рубановіч і іншыя.

13 сакавіка прыпадае першая гадавіна абрання кардынала Хорхе Марыё Берголіо, які ўзяў сабе імя Францішак, у якасці Наступніка святога Пятра. Як паведаміла Курыя Мінска-Магілёўскай архідыяцэзіі, у гэты дзень у 18.30 у мінскім архікатэдральным касцёле Імя Найсвяцейшай Панны Марыі адбудзецца святая Імша падзякі.

Імшу ўзначаліць Апостальскі Нунцый у Беларусі арцыбіскуп Клаўдыё Гуджэроцці. Сардэчна запрашаюцца ўсе жадаючыя.

Паводле Catholic.by

Рыгор Барадулін пра сустрэчу з Папам Янам Паўлам ІІ.

Мне выпала адказнае шчасьце перакласьці на беларускую мову «Рымскі трыпціх» Яна Паўла II. Да 25-годзьдзя пантыфікату Папы пераклад быў выдадзены невялікім накладам пры дапамозе Беларускай Грэка-Каталіцкай Царквы.

Клопатам Апостальскага візытатара для беларускіх грэка-католікаў архімандрыта Сяргея Гаека мне падоліла зрабіць пілігрымку ў Вечны Горад, наведаць галоўныя базылікі, катакомбы, у якіх маліліся першыя хрысьціяне, а таксама беларускую рэдакцыю Ватыканскага радыё.

Адыход ў вечнасць Рыгора Барадуліна напоўніў сумам грэка-католікаў Мінска. У веры ў васкрашэнне памерлых ды ў духу хрысціянскай надзеі вернікі Мінска моляцца за свайго спачылага ў Госпадзе брата Рыгора.

У капліцы парафіі Праведнага Язэпа ў Мінску ранішнюю заўпакойную службу ў панядзелак 3-га сакавіка служыў а. протапрэзбітар Андрэй Абламейка.
Вечарам паніхіду за спачылага Рыгора ўзначаліў архімандрыт Сяргей (Гаек).

У парафіі Святога Духа паніхіду вечарам 3-га сакавіка адслужыў а. протарпрэзбітар Яўген Усошын.

У рамках развітання з Рыгорам Барадуліным, у аўторак 4 сакавіка, паніхіду ў касцёле Святых Сымона і Алены ў 11:15 ўзначаліць архімандрыт Сяргей, Апостальскі Візітатар для грэка-католікаў Беларусі, у саслужэнні душпастыраў мінскіх грэка-каталіцкіх парафіяў.

Развітанне з Рыгорам Барадулінам адбудзецца ў аўторак 4 сакавіка 2014 г. зранку, у Чырвоным касцёле ў Мінску, паводле наступнай праграмы:

09:45 - 11:15 час развітання (ціхая малітва);
11:15 Развітальная паніхіда ў грэка-каталіцкім абрадзе;
12:00 Заўпакойная св. Імша у рыма-каталіцкім абрадзе;
13:00 Выезд на Ушачы;
16:00 Пахаванне.

Адышоў у вечнасць Рыгор Барадулін.

Сёння, 2 сакавіка ў вечар, адышоў да Госпада, на 80-тым годзе жыцця, вернік нашай грэка-каталіцкай парафіі Праведнага Язэпа ў Мінску
Рыгор Барадулін.

Вечная яму памяць!

Патрыярх Кірыл паабяцаў выканаць просьбу прадстаяцеля Украінскай праваслаўнай царквы Маскоўскага патрыярхату Ануфрыя, які прасіў кіраўніка РПЦ выкарыстаць свой уплыў, каб не дапусціць кровапраліцця на Украіне.

Адказ Кірыла апублікаваны на сайце Маскоўскага патрыярхату.

Папа Рымскі Францішак скіраваў зварот да вернікаў, палітыкаў і міжнароднай супольнасці ў сувязі з абвастрэннем сітуацыі ва Украіне.

Пасля традыцынай нядзельнай малітвы “Анёл Панскі” 2 сакавіка 2014 г., звяртаючыся з вакна Апостальскага палацу ў Ватыкане, Святы Айцец заклікаў працягваць “маліцца за Украіну, якая перажывае далікатную сітуацыю”. “

У той жа час, заклікаю ўсе кампаненты краіны прыкладаць намаганні для пераадолення непаразуменняў і будавання разам будучыні дзяржавы. Звяртаюся да міжнароднай супольнасці са шчырым заклікам патрымаць усе ініцыятывы на карысць дыялога і згоды”, сказаў Папа Францішак.

Паводле матэрыялаў “Беларускай рэдакцыі Ватыканскага радыё”

Дарагія браты і сёстры!

У гэты цяжкі час, калі вайсковыя падраздзяленні Расійскай Федэрацыі, парушаючы міжнародныя і двухбаковыя пагадненні, увайшлі на суверэнную тэрыторыю Украіны, а Савет Федэрацыі на зварот Прэзідэнта Расіі даў згоду пра ўвядзенне расійскіх войскаў ва Украіну, – мы найперш заклікаем усіх вас і ўсіх людзей добрай волі да салідарнасці з намі, да малітвы за Украіну і ўкраінскі народ.
Мы заклікаем улады Расіі апамятацца і спыніць агрэсію супраць Украіны, неадкладна вывесці свае войскі з украінскай зямлі. Уся адказнасць перад Богам і перад чалавецтвам за непапраўныя наступствы далейшай эскалацыі гвалту цалкам кладзецца на кіраўнікоў Расіі.
У нашай дзяржаве няма пераследванняў за мову, за прыналежнасць да пэўнай нацыі, веравызнання. Таму мы сведчым – усе спробы расейскай прапаганды прадставіць падзеі ва Украіне як «фашысцкі пераварот» і «перамогу экстрэмістаў» абсалютна не адпавядаюць рэчаіснасці.