У суботу, 9 лютага 2019 г. у грэка-каталіцкім храме душпастырскага цэнтра св. Язэпа ў Мінску адбылося святкаванне памяці святых Кірылы і Мятода, Апосталаў Славянаў і Пакравіцеляў Еўропы ( 1150-я гадавіна спачыну св. Кірылы ў Рыме 14 лютага 869 г.).

У рамках гэтага свята адзначана таксама 70-дзе архімандрыта Сяргея (Гаека) Апостальскага Візітатара для грэка-католікаў Беларусі.

У суботу, 9 лютага 2019 г. Апостальскі Нунцый ў Рэспубліцы Беларусь Архібіскуп Габар Пінтэр наведае грэка-каталіцкі душпастырскі цэнтр св. Язэпа ў Мінску (вул. Арджанікідзэ 6), дзе ўзначаліць Боскую Літургію ў гонар святых Кірылы і Мятода, Апосталаў Славянаў і Пакравіцеляў Еўропы.

Ва ўрачыстасці прымуць удзел Мітрапаліт Тадэвуш Кандрусевіч і дапаможныя Біскупы Мінска-Магілёўскай архідыяцэзіі, Уладыкі Юры Касабуцкі і Аляксандр Яшэўскі.

Пачатак Боскай Літургіі ў 11:00 гадз.

Першыя ідэі міжканфесійнай малітвы за адзінства хрысціянаў з’явіліся ў ХІХ стагоддзі. Таму можна казаць, што гэты Тыдзень малітваў мае больш як стогадовую гісторыю, у сувязі з чым стала ўжо традыцыяй адзначаць гэтае «свята экуменізму».

Кожны год паміж 18 і 25 студзеня — паміж даўнім святам катэдры св. Пятра і святам навяртання св. Паўла, апостала, — хрысціяне розных канфесій збіраліся разам па ўсім свеце на экуменічнае набажэнства, малітвы, канферэнцыі, канцэрты і іншыя сустрэчы. Дзе-нідзе ў гэтым кірунку праводзіцца так шмат розных мерапрыемстваў, што Тыдзень малітвы, насуперак сваёй назве, працягваецца нашмат даўжэй: некалькі тыдняў ці нават месяц.

У шэрагу міжнародных падарожжаў Францішка ў 2019 г. з’явілася яшчэ адно: пасля паездкі ў Балгарыю і Македонію, абвешчанай на 5-7 мая 2019 г., Папа адправіцца ў Румынію, паведаміла 11 студзеня Зала Друку.

У пераважна праваслаўнай краіне ён будзе знаходзіцца з 31 мая па 2 чэрвеня. Дэвіз Апостальскага падарожжа: “Ідзём разам”. На лагатыпе: Божы народ, якія ідзе пад абаронай Багародзіцы. Выява спасылаецца на тое, што Румынію часта называюць “Садам Маці Божай”. Гэту формулу выкарыстоўваў і Ян Павел ІІ падчас свайго візіту ў краіну. Лагатып аформлены ў колерах нацыянальнага сцяга Румыніі: сінім, жоўтым і чырвоным.

У візатыйскай літургічнай традыцыі Памяць святога і праведнага Язэпа адзначаецца ў Нядзелю пасля Раства Хрыстовага. У 2018 годзе - 30 снежня.

Мы чуем ад евангеліста Лукі што святы Язэп паходзіў «з дому і роду Давідавага» (Лк 2, 4). Нягледзячы аднак на гэтае шляхетнае паходжанне сам Язэп быў чалавекам вельмі сціплым, небагатым, займаўся простай фізычнай працай. Язэп таксама апісаны ў літургічных тэкстах як асоба ўжо сталага узросту у якім любыя зьнешнія зьмены даюцца чалавеку адносна складана. Якім бы ні было паходжанне Язэпа здаецца што ані ў ягоным жыцці ані ў ягонай асобе не засталося нічога супольнага з вялікімі дзеямі і харызмамі ягоных далекіх продкаў.

Айцец Язэп Германовіч -  беларускі каталіцкі святар лацінскага і візатыйскага абраду (іераманах-марыянін), пісьменнік, паэт і публіцыст (літаратурны псеўданім — Вінцук Адважны). Нарадзіўся 4 сакавіка 1890 г. у Гальшанах, памёр 26 снежня 1978 г. у Беларускай Каталіцкай Місіі ў Лондане.

Адзначаючы 40 год ягонага спачыну прапануем ўвазе чытача артыкул д-ра Янкі Трацяка пра гэтага выдатнага каталіцкага святара і пісьменніка.

У вігілію Божага Нараджэння Апостальскі Нунцый у Беларусі арцыбіскуп Габар Пінтэр узначаліў святую Імшу ў архікатэдральным касцёле Найсвяцейшага Імя Марыі ў Мінску.

«Святы Айцец Францішак казаў: "У гэтыя дні мы шмат думаем пра падарункі... Але на самой справе Той, хто дае сапраўдны падарунак, — гэта Бог, наш Айцец, які дорыць нам Езуса!" — сказаў арцыбіскуп на пачатку Імшы. — Сёння Бог дае нам яшчэ адну магчымасць адрадзіцца і дазволіць маленькаму і адначасова магутнаму Дзіцяці нарадзіцца ў нашых сэрцах».

Аднак, заўважыў іерарх, гэты цуд можа «хутка стаць шэрай штодзённасцю, дзе не будзе месца для Езуса ў нашых сэрцах, а толькі клопаты і шматлікія думкі пра святочны стол, сустрэчу гасцей, падарункі...». «А Езус тут! Ён не спяшаецца да стала, да гасцей, да падарункаў. Ён спяшаецца да вас, да мяне. Спяшаецца ў нашыя сэрцы, каб напоўніць іх Сабою. Выбар за намі: мітуслівыя клопаты альбо шчырая сустрэча з Любоўю і ў Любові!» — дадаў ён.

Расклад грэка-каталіцкіх багаслужбаў на свята Раства Хрыстовага 2018 г. ў г. Мінску

ПАНЯДЗЕЛАК, 24 снежня: Святы Вечар перад Раством Хрыстовым

Парафія Праведнага Язэпа і Парафія св. Мікалая Цудатворцы
Капліца Душпастырскага цэнтра св. Язэпа, вул. Арджанікідзэ д. 6

гадз. 18:00 – Вячэрня з Літургіяй св. Васіля Вялікага

Дзяленне каляднай прасфорай