Гісторыю пішуць такія людзі, якія не баяцца ахвяраваць сваім жыццём дзеля любові, адзначыў Папа Францішак падчас сустрэчы з духавенствам і манахінямі Паўночнай Македоніі.

На пачатку сустрэчы, якая прайшла 7 мая 2019 г. у катэдральным касцёле ў Скоп’е, Папа прывітаў святароў як лацінскага, так і ўсходняга абрадаў – апошняга прыбылі разам са сваімі сем’ямі. 

Два абрады, як два лёгкія – абодва неабходныя і узаемадапаўняльныя, звярнуў увагу ён.

З 5 па 6 мая папа Францішак знаходзіцца з Апостальскім візітам ў Балгарыі, дзе ўжо сустрэўся з уладамі, прадстаўнікамі мясцовай Праваслаўнай Царквы і невялікай каталіцкай супольнасцю краіны.

Візіт Святога Айца праходзіць з пад дэвізам «Мір на зямлі», што гучыць як заклік да міру і нагадвае энцыкліку Pacem in terris св. папы Яна ХХІІІ — першага візітатара і Апостальскага дэлегата ў Балгарыі.

Візіт Папы ў Балгарыю — краіну з пераважна праваслаўным насельніцтвам — носіць выразны экуменічны характар. Як паведаміла беларуская рэдакцыя партала Vatican News, 5 мая ў Сафіі Святы Айцец сустрэўся з Патрыярхам Неафітам і членамі Святога Сінода Балгарскай Праваслаўнай Царквы.

Службы ў грэка-каталіцкіх парафіях г. Мінска

21.04.2019 +++ НЯДЗЕЛЯ ЎВАСКРАСЕННЯ ГАСПОДНЯГА +++

-- Чырвоны касцёл - галоўны храм -- 

гадз. 00:00 – Пасхальная працэсія і Пасхальная Ютрань

і  Боская Літургія Ўваскрасення Гасподняга

Асвячэнне велікодных страваў 

-- Капліца на Зав. Снежным, д. 7 --

гадз. 10:00 – Боская Літургія Ўваскрасення Гасподняга

Асвячэнне велікодных страваў 

-- Капліца на вул. Арджанікідзе, д. 6 --

гадз. 12:00 – Боская Літургія Ўваскрасення Гасподняга

Асвячэнне велікодных страваў 

-- Чырвоны касцёл – ніжні храм -- 

гадз. 18:00 – Боская Літургія Ўваскрасення Гасподняга

Асвячэнне велікодных страваў 

Пажар у славутай парыжскай святыні Нотр-Дам — катэдры Маці Божай, якая з’яўляецца адным з сімвалаў сталіцы Францыі — стаў вялікім выпрабаваннем для вернікаў краіны і ўсяго свету.

Моцны пажар пачаўся ў Вялікі панядзелак увечары 15 красавіка ў верхняй частцы святыні і быў спынены толькі праз некалькі гадзін.

Група людзей на вуліцах Парыжа, гледзячы на ахопленую полымем катэдру Маці Божай, пачала спантанна маліцца Ружанец.

Службы ў грэка-каталіцкіх парафіях г. Мінска

Парафія Праведнага Язэпа і Парафія св. Міколы Цудатворцы, вул. Арджанікідзе, д. 6

15.04.2019 - ВЯЛІКІ ПАНЯДЗЕЛАК

гадз. 18:30 - Літургія раней асвячаных Дароў 

16.04.2019 - ВЯЛІКІ АЎТОРАК

гадз. 18:30 - Літургія раней асвячаных Дароў 

17.04.2019 - ВЯЛІКАЯ СЕРАДА

гадз. 17:30 - Споведзь

гадз. 18:30 - Літургія раней асвячаных Дароў; Алеепамазанне (алеем хворых) 

18.04.2019 - ВЯЛІКІ ЧАЦВЕР 

гадз. 16:00 - Вячэрня з Літургіяй св. Васіля Вялікага

гадз. 18:30 - Ютрань 12-ці Евангелляў Мукаў Хрыстовых

19.04.2019 - ВЯЛІКАЯ ПЯТНІЦА 

гадз. 18:30 - Вячэрня, Вынас Плашчаніцы, Пакланенне Плашчаніцы 

--- Ерусалімская Ютрань Пахавання Гасподняга 

20.04.2019 - ВЯЛІКАЯ СУБОТА 

гадз. 10:00 - Вячэрня з Літургіяй св. Васіля Вял.; Асвячэнне велікодных страваў 

21.04.2019 +++ НЯДЗЕЛЯ ЎВАСКРАСЕННЯ ГАСПОДНЯГА +++

-- Чырвоны касцёл - галоўны храм --

гадз. 00:00 – Пасхальная працэсія і Пасхальная Ютрань

і  Боская Літургія Ўваскрасення Гасподняга; Асвячэнне велікодных страваў 

гадз. 12:00 – Боская Літургія Ўваскрасення Гасподняга 

(храм на вул. Арджанікідзе д. 6)

22.04.2019 - СВЕТЛЫ ПАНЯДЗЕЛАК 

гадз. 18:30 - Святочная Боская Літургія

Не мінула і дзесяці дзён пасля таго, як ва ўрочышчы Курапаты, якое з’яўляецца гісторыка-культурнай каштоўнасцю Рэспублікі Беларусь, было знесена 70 крыжоў, як сёння зноў працэс зноса галоўнага знаку хрысціянства працягваецца.

Голас Касцёла і Праваслаўнай Царквы, іншых хрысціянскіх веравызнанняў, а таксама шматлікіх прадстаўнікоў грамадства становіцца голасам таго, хто кліча ў пустыні.

Знос крыжоў — гэта вялікая рана на сэрцы веруючага чалавека.

І гэта робіцца падчас Вялікага Посту, калі хрысціяне разважаюць пра збаўчую муку Езуса Хрыста, прынятую Ім на дрэве Крыжа.

Каманда маладых католікаў запусцілі інтэрнэт-сервіс Imsha.by, які дае актуальную інфармацыю пра расклад святых Імшаў у парафіях Мінска. Там пададзены і расклад Боскіх Літургій у грэка-каталіцкіх парафіях. 

Як пішуць стваральнікі гэтага інфармацыйнага сайта, ім неаднаразова даводзілася сутыкацца з цяжкасцямі пры спробе даведацца, дзе і калі можна трапіць на св. Імшу ў сталіцы:

«Гэта не так проста — інфармацыя, схаваная ў глыбіні інтэрнэт-старонак і ў суполках сацсетак, часам была неактуальная, і даводзілася тэлефанаваць сябрам-католікам і пытацца — а якой гадзіне святая Імша?»

Трэба задаваць нязручныя пытанні, бо гэта спрыяе росту і сталенню, - заўважыў Папа 6 красавіка 2019 г., сустракаючыся ў Ватыкане з вучнямі міланскай школы св. Карла.

Яны пыталіся Францішка пра Бога, Які, здаецца, падтрымлівае няроўнасць паміж людзьмі: некаторыя з іх багатыя і шчаслівыя, іншыя бедныя і адрынутыя. “Бог не робіць адрозненняў паміж людзьмі, мы, людзі, самі робім гэта”, - адказаў Пантыфік.

Раніцай 4 красавіка 2019 года ва урочышчы Курапаты пад Мінскам, у месцы загубы ахвяр палітычных рэпрэсій 1930–1940-я гады пачаўся дэмантаж і вываз крыжоў, якія былі ўсталяваныя грамадскасцю на пряцягу некалькіх гадоў. Дагэтуль невядома мэта гэтага … акту.

Крыж для хрысціянаў з’яўляецца святым сімвалам пакуты і збаўчай смерці Госпада нашага Ісуса Хрыста. Для усіх людзей абсягу хрысціянскай цывілізацыі крыж з’яўляецца сімвалам памяці памерлых, асабліва тых, якія памерлі ад несправядлівага насілля.

Заява арцыбіскупа Тадэвуша Кандрусевіча
Мітрапаліта Мінска-Магілёўскага
Старшыні Канферэнцыі Каталіцкіх Біскупаў у Беларусі

Праходячы за мяжой курс рэабілітацыі пасля складанай аперацыі па стабілізацыі пазванкоў металаканструкцыямі, я, тым не менш, сачу за падзеямі, якія адбываюцца на маёй Радзіме.

Сёння сродкі масавай інфармацыі напоўнены трывожнымі звесткамі пра знос крыжоў у мемарыяльным комплексе ва ўрочышчы Курапаты, які разам са шматлікімі іншымі падобнымі месцамі на нашай Бацькаўшчыне з’яўляецца яе Галгофай і адначасова помнікам гісторыі і культуры.