Запрашаем далучыцца да анлайн-трансляцыі багаслужбы з грэка-каталіцкай парафіі св.Язафата ў Лідзе. Заставайся дома і маліся разам з намі! Рэпост вітаецца!

ПЯТНІЦА, 10 красавіка 2020, 18:00 - 19:30 (час Мінска)

https://www.facebook.com/events/2501550210099766/

Дарагія браты і сёстры! Сябры!

1. Сёння ў цэнтры нашай ўвагі — падзеі Вялікага Чацверга. Гэта і намашчэнне ног Ісуса алеем, і здрада вучняў — спачатку Юды, а потым Пятра… Аднак цэнтральнай падзеяй усё ж з'яўляецца Тайная Вячэра.

Калі б вы раптам дазналіся, што заўтра павінны памерці, то што б зрабілі? Напэўна б паспяшаліся завяршыць важныя для вас рэчы. Бо толькі важныя рэчы (як мне здаецца) узгадваюцца перад абліччам смерці.

Вось жа для Ісуса такой важнай справай была Тайная Вячэра. На ёй Госпад закладае сакраманты-таямніцы Святарства ды Еўхарыстыі. Дзякуючы гэтым двум сакрамантам Ісус рэальна прысутны сярод нас пад выглядам хлеба і віна!

12 Евангелляў Мукаў Хрыстовых

У Вялікі Чацвер Царква на Боскай Літургіі ўзгадвае Тайную Вячэру а на Ютрані Вялікай Пятніцы (што служыцца ў Вялікі Чацвер ўвечары)чытаецца 12  Евангелляў Мукаў Хрыстовых.

Вернікам прапануем поўны тэкст гэтай Службы, які можна выкарыстаць для асабістай і сямейнай малітвы. vial-piatnica-jutran-12-evang.pdf [890.05 Kb] (запамповак: 18)

Службы ў грэка-каталіцкіх парафіях г. Мінска

Парафія Праведнага Язэпа і Парафія св. Міколы Цудатворцы, вул. Арджанікідзе, д. 6

9.04.2020 - ВЯЛІКІ ЧАЦВЕР 

гадз. 18:30 - Вячэрня з Боскай Літургіяй

10.04.2020 - ВЯЛІКАЯ ПЯТНІЦА 

гадз. 18:30 - Вячэрня, Вынас Плашчаніцы, Пакланенне Плашчаніцы 

11.04.2020 – ПАСХАЛЬНАЯ НОЧ (ВЯЛІКАЯ СУБОТА) 

гадз. 21:30 – Пасхальная Ютрань

і Боская Літургія Ўваскрасення Гасподняга; Асвячэнне велікодных страваў

12.04.2020 +++ НЯДЗЕЛЯ ЎВАСКРАСЕННЯ ГАСПОДНЯГА +++

гадз. 10:00 – Боская Літургія Ўваскрасення Гасподняга 

(храм на вул. Арджанікідзе д. 6)

13.04.2020 - СВЕТЛЫ ПАНЯДЗЕЛАК 

гадз. 18:30 - Святочная Боская Літургія

ЧАЦВЕР, 9 красавіка 2020, 18:00 - 19:30 (час Мінска)

Запрашаем далучыцца да анлайн-трансляцыі багаслужбы з грэка-каталіцкай парафіі св.Язафата ў Лідзе. Заставайся дома і маліся разам з намі! Рэпост вітаецца!

Трансляцыя будзе даступная за спасылкай https://www.facebook.com/events/707632946647863/

СЛОВА НА ЛІТУРГІІ Ў ВЯЛІКІ ЧАЦВЕР

“Кажу ж вам, што з гэтага часу не буду піць ад плоду гэтага вінаграднага да таго дня, калі буду піць з вамі новае віно ў Валадарстве Айца Майго”. (Мц 26,29)

1.У Евангеллі паводле Мацвея апавяданню пра Тайную Вячэру папярэднічае эпізод дабраахвотнай здрады з боку Юды, які прыходзіць да першасвятароў (Мц 26,14-16). Пасля апісання Вячэры чуем аповед пра самотную, начную малітву Хрыста ў Аліўным садзе і арышт у момант, калі “ўсе (ягоныя) вучні, пакінуўшы Яго, паўцякалі” (26,56в).

Падчас самой Тайнай Вячэры Хрыстос не ігнаруе таго, што адбываецца. На пачатку Ён папярэджвае вучняў, што ведае таго, хто Яго выдасць (26,21-25), а пасля яе, па дарозе да Гэтсіманіі, адкрывае самаўпэўненаму вучню, што Пётр той самай ночы тройчы адрачэцца ад Свайго Настаўніка і Госпада (Мц 26,33-35).

“Госпадзе, зрабі нас годнымі любіць Цябе…”

У Вялікую Сераду глядзім на Ісуса Хрыста

“Які дзеля нашага збаўлення ідзе на дабравольныя мукі”

Для асабістай (сямейнай) малітвы, якой хочам суправаджаць Хрыста,

прапануем прачытаць фрагмент Святога Евангелля і паразважаць над ім.

“Будзем пільна служыць Уладару”

Тым, хто ў асабістай (сямейнай) малітве хоча суправаджаць Хрыста – прапануем прачытаць фрагмент Святога Евангелля і паразважаць над ім.

Сапраўдныя героі — гэта не тыя, хто мае славу і грошы, а хто ахвяруе жыццём, каб служыць іншым, падкрэсліў Папа Францішак падчас Эўхарыстыі, якую цэлебраваў у Пальмовую нядзелю 5 красавіка ў Ватыкане.

Як паведамляе беларуская рэдакцыя парталу Vatican News, Пантыфік распачаў сваю гамілію словамі: «Езус “выракся самога сябе, прыняўшы постаць слугі». «Бог нас збавіў, паслужыўшы нам. Звычайна мы думаем, што гэта мы служым Богу. Але на самой справе, гэта Ён бескарысліва паслужыў нам, бо першым палюбіў нас.

Цяжка любіць і не быць любімым, а яшчэ цяжэй служыць, калі мы не дазваляем Богу паслужыць нам»,

— дадаў ён.

“Пакланяцца з вераю ўсячыстым мукам Госпада”

У сітуацыі эпідэміі шматлікія вернікі вымушаныя заставацца ў сваіх дамах.

У дні Вялікага Тыдня, калі Ісус Хрыстос “ідзе на сваю дабравольную, вечнапамятную і жыватворчую смерць” - тым, хто ў асабістай (сямейнай) малітве хоча Яго суправаджаць – прапануем прачытаць фрагмент Святога Евангелля і паразважаць над ім.