Генеральны сакратарыят Сіноду Біскупаў апублікаваў пасланне да 60-годдзя з дня адкрыцця Другога Ватыканскага Сабору, якое адбылося 11 кастрычніка 1962 года.

Кароткі агляд паслання прапануе Беларуская рэдакцыя парталу Vatican News. 60-я гадавіна з дня адкрыцця Другога Ватыканскага Сабору — момант асаблівай радасці для Сіноду Біскупаў, які з’яўляецца плёнам гэтага сусветнага сходу, часткай яго «самай каштоўнай спадчыны», адзначаецца ў пасланні.

14-15 кастрычніка ў санктуарыі Гродзенскай дыяцэзіі Маці Божай Суцяшальніцы Засмучаных у Барунах (Ашмянскі дэканат) aдзначаць 100-годдзе з часу вяртання славутага ласкамі абраза.

Больш за 330 гадоў шматлікія вернікі выказваюць прашэнні і падзякі перад невялікай выявай Маці Божай, вядомай пад тытулам Суцяшальніца засмучаных. Як даўней, так і ў наш час па шчырых малітвах Суцяшальніца засмучаных выслухоўвае сваіх зямных дзяцей і дапамагае ў вельмі розных патрэбах.

Пры Дыкастэрыі па справах кананізацыі будзе заснавана Камісія па справах сведак веры. Праца па стварэнні новай структуры ўжо вядзецца, - распавёў кардынал Марчэла Сэмерара.

“Такая ініцыятыва ўжо рэалізоўвалася з нагоды Вялікага Юбілею 2000 года святым Янам Паўлам ІІ, які хацеў праліць святло на людзей, якія, нават не будучы кананізаванымі, яскрава прадэманстравалі сваю веру. Стварэнне Камісіі тады было даручана Супольнасці святога Эгідзія. Быў складзены спіс з біяграфіямі людзей, якія прамаўляюць да ўсяго хрысціянскага свету, не толькі каталіцкага. Гэта ініцыятыва была абмежавана Вялікім Юбілеем 2000 года. Цяпер жа ідэя вярнулася з нагоды бліжэйшага Святога года. Папа сказаў адрадзіць Камісію, не прымяркоўваючы гэта да нейкай падзеі, а спалучаючы яе з дзейнасцю Дыкастэрыі па справах кананізацыі”, - падзяліўся ватыканскі іерарх у каментары для Vatican News.

Рашэнне скіраваць заклік да міру замест традыцыйнай нядзельнай катэхезы перад Анёл Панскі, паказвае наколькі Папа ўсведамляе пагрозу, што навісла над светам, - лічыць галоўны рэдактар СМІ Святога Пасаду.

Андрэа Тарніелі, у сваёй аўтарскай калонцы на партале Vatican News, заўважыў, што такое здаралася толькі аднойчы – у першыя месяцы пантыфікату Францішка, у сувязі з вайной у Сірыі. “Аднак гэтыя дзве сітуацыі непараўнальныя, і сённяшняя выглядае больш пагрозлівай з-за магчымых катастрафічных наступстваў”, - дадаў ён.

Вера і розум, калі яны ідуць, узяўшыся за рукі, здольныя ўмацоўваць культуру чалавека, напаўняць свет сэнсам і будаваць больш гуманнае, братэрскае і, адпаведна, больш напоўненае Богам грамадства, - адзначыў Папа.

Францішак прыняў 30 верасня 2022 года на аўдыенцыі ў Ватыкане прадстаўнікоў міжнароднай асацыяцыі вернікаў – Брацтва святога Тамаша Аквінскага (FASTA).

28 верасня 2022 года кіраўнік Залы Друку Святога Пасаду паведаміў аб рашэнні Францішка паехаць у чарговую блізкаўсходнюю краіну ў Персідскім заліве.

“Прыняўшы запрашэнне грамадзянскіх і касцёльных улад, Папа Францішак здзейсніць абвешчанае раней Апостальскае падарожжа ў Каралеўства Бахрэйн”, - заявіў Матэа Бруні. Візіт пройдзе з 3 па 6 лістапада 2022 года і будзе звязаны з удзелам Пантыфіка ў ініцыятыве Бахрэйнскі форум на карысць дыялогу: Усход і Захад за чалавечае суіснаванне (Bahrain Forum for Dialogue: East and West for Human Coexistence).

23 верасня 2022 года гродзенскаму ардынарыю споўнілася 73 гады. Ён з'яўляецца пастырам Касцёла на Гродзеншчыне з 1991 года, калі Папа св. Ян Павел ІІ прызначыў яго біскупам новаўтворанай Гродзенскай дыяцэзіі. У Канферэнцыі каталіцкіх біскупаў Беларусі ўзначальвае Раду па справах моладзі і Раду па справах каталіцкага выхавання.

Шчыра віншуем Уладыку Аляксандра: Ad multos annos prosperos! - На многія ды шчасныя леты!

У склад дэлегацыі Рускай Праваслаўнай Царквы, якая ўдзельнічала ў VII З'ездзе лідэраў традыцыйных і сусветных рэлігій у сталіцу Казахстана горадзе Нур-Султан 14-15 верасня 2022 года, уваходзіў  Высокапраасвяшчэнны Мітрапаліт Веніямін, Патрыяршы Экзарх усяе Беларусі.   

Дэлегацыю ўзначаліў старшыня Аддзела знешніх царкоўных сувязей Маскоўскага Патрыярхата Мітрапаліт Валакаламскі Антоній а ў яе склад увайшлі таксама кіраўнік Казахстанскай мітрапалічай акругі Мітрапаліт Астанінскі і Казахстанскі Аляксандр і  Мітрапаліт Казанскі і Татарстанскі Кірыл.

Святы Айцец заклікаў да еднасці з высакародным і шматпакутным народам Украіны. Адмысловы заклік ён скіраваў на заканчэнне агульнай аўдыенцыі, якая 21 верасня 2022 года прайшла ў Ватыкане.

“Я хацеў бы таксама звярнуць вашу ўвагу на жахлівую сітуацыю ў спакутаванай Украіне. Кардынал Краеўскі паехаў туды ў чацвёрты раз. Учора ён патэлефанаваў мне. Ён знаходзіцца там, дапамагаючы ў Адэсе і іншых мясцовасцях. Ён распавёў мне пра пакуты гэтага народа, пра зверствы і жахі, пра целы закатаваных людзей, якія знаходзяць. Давайце будзем з’яднанымі з гэтым настолькі высакародным і шматпакутным народам”, - заклікаў вернікаў Святы Айцец.

Будаўніцтва лепшага свету патрабуе штодзённых высілкаў, а не толькі ўрачыстых падзей, - заўважыў Папа падчас агульнай аўдыенцыі, якая 21 верасня 2022 года прайшла на плошчы святога Пятра ў Ватыкане.

Францішак распавёў пра Апостальскае падарожжа ў Казахстан, якое здзейсніў 13-15 верасня, а таксама выказаў падзяку ўладам краіны, біскупам і іх супрацоўнікам за вялікую працу, якую яны зрабілі для арганізацыі візіту. Папа нагадаў, што галоўнай мэтай пілігрымкі быў удзел у VII З’ездзе лідараў сусветных і традыцыйных рэлігій, які стаў “месцам сустрэчы і дыялогу” дзеля міру і агульначалавечага братэрства ў свеце.