Дні Пакутаў Хрыстовых і Пасха Гасподняя 2017 г.

Парафія Праведнага Язэпа 
і Парафія святога Міколы Цудатворцы
(ў капліцы Душпастырскага Цэнтра святога Язэпа: 
вул. Арджанікідзэ д. 6, ст. метро «Аўтазаводская»)

ВЯЛІКІ ЧАЦВЕР – 13.04.2017
гадз. 18:30 – Вячэрня з Літургіяй св. Васіля Вял. 
і Ютрань 12-ці Евангелляў Мукаў Хрыстовых, Споведзь

ВЯЛІКАЯ ПЯТНІЦА – 14.04.2017
СЛУЖБА ў ЧЫРВОНЫМ КАСЦЁЛЕ – верхні храм (для ўсіх парафій г. Мінска)
гадз. 18:30 – Вячэрня, Вынос Плашчаніцы і працэсія,
Ерусалімская Ютрань Пахавання Гасподняга, Споведзь

ВЯЛІКАЯ СУБОТА – 15.04.2017
гадз. 10.00 – Вячэрня з Літургіяй св. Васіля Вял.; Асвячэнне велікодных страваў

Логіка Бога – гэта логіка зерня, якое памірае, каб даць новае жыццё, адзначыў Францішак 12 красавіка 2017 г. падчас агульнай аўдыенцыі ў Ватыкане. У сваёй катэхезе ён распавёў пра значэнне Хрыстовага крыжа, як месца нараджэння хрысціянскай надзеі. 

 

Каб прынесці ў свет новую надзею Езус стаў як пшанічнае зерне: пакінуў сваю нябесную хвалу, прыйшоў да людзей і дазволіў смерці раструшчыць сябе, як зерне дазваляе раструшчыць сябе ў зямлі. “Менавіта тут, у самай крайняй кропцы свайго прыніжэння – якая таксама з’яўляецца самай высокай кропкай любові – ўзышла надзея. Калі хтосьці з вас спытае мяне: “Як нараджаецца надзея?”, я адкажу: “На крыжы. Паглядзі на крыж, паглядзі на Укрыжаванага Хрыста і адтуль да цябе прыйдзе надзея, якая больш не знікне, якая будзе трываць аж да вечнага жыцця”, - заклікаў Папа.

11 красавіка падчас прэс-канферэнцыі ў Мітрапалітальнай курыі ў Мінску Мітрапаліт Тадэвуш Кандрусевіч выказаў непакой адносна сітуацыі вакол Дэкрэта №3 «Аб папярэджанні сацыяльнага ўтрыманства» ў Беларусі і заклікаў да цывілізаваных метадаў вырашэння гэтай праблемы.

Пра дэманстрацыі і наступствы публічных пратэстаў супраць дэкрэту пра так званых «дармаедаў» каталіцкі іерарх даведаўся падчас вяртання з ЗША, праглядаючы навіны ў інтэрнэце. «Мне стала горка за краіну і я вырашыў звярнуцца са сваім заклікам да ўсіх бакоў», — узгадаў Мітрапаліт. 

5 красавіка 2017 г. у Свята-Дзмітрыеўскай царкве Харкава прайшоў 27 сабор Харкаўска-Палтаўскай епархіі Украінскай Аўтакефальнай Праваслаўнай Царквы (УАПЦ абноўленай), у якім прынялі ўдзел 32 дэлегаты, у тым ліку 12 святароў і 20 свецкіх, а таксама першаіерарх Украінскай Грэка-Каталіцкай Царквы - Яго Блаславенства Святаслаў.

 

Першаіерарх УАПЦ (а) архібіскуп Ігар (Ісічанка) і вярхоўны архібіскуп Святаслаў (Шаўчук) распавялі пра працэс аб’яднання УАПЦ(а) з УГКЦ, паведамілі ў Харкаўска-Палтаўскай епархіі.

 

Дэлегаты звярнуліся да Папы Францішка з лістом, у якім пацвердзілі намер да атрымання адміністрацыйнага яднання і поўных зносінаў з УГКЦ.

Партал JerusCandle.com запусціў два віртуальных туры для тых, хто жадае, але пакуль не можа фізічна наведаць Святую Зямлю. Сайт прапануе прайсці крыжовым шляхам Хрыста і наведаць святыню Гробу Пана.

 

У Старым горадзе Іерусаліма захавалася Via Dоlorosa — «Шлях пакутаў» або «Крыжовы шлях». Менавіта тут Езус Хрыстус нёс крыж на Галготу.

Тысячы хрысціянаў ідуць гэтай дарогай, каб з новай моцай адчуць знаёмую праўду. Усяго на шляху 14 прыпынкаў, дзевяць з іх — на вуліцах Старога горада, а астатнія пяць — на тэрыторыі святыні Гробу Пана. 

Велікапосны роздум беларускага грэка-каталіцкага брата-лекара

 

“Хто зграшыў, ён ці бацькі ягоныя, што ён нарадзіўся сляпым?” Ісус адказаў: 

“Ні ён не зграшыў, ні бацькі ягоныя, але сталася гэта дзеля таго, каб выявіліся праз яго справы Божыя.” Ев. Яна 9, 2-3

 

Працуючы лекарам, кожны дзень дакранаюся да вялікай таямніцы людскога цярпення, вялікіх пакутаў хворых, іх сем’яў і блізкіх. Дакранаюся – бо напэўна не перажываю таго самага, што і яны, але толькі па меры сваіх чалавечых здольнасцяў спачуваю і спадарожнічаю. Нярэдка фізічны боль не такі моцны як тыя ўнутраныя пакуты чалавека, пазбаўленага былых здольнасцяў, пастаўленага ў прыніжанае становішча, залежнага ад іншых у найменшых рэчах.

Шмат пытаньняў “ЧАМУ”: чаму менавіта гэты чалавек, чаму такія цярпенні, чаму нельга дапамагчы, чаму Бог гэта дапусціў?

Крыж не можна насіць толькі як сімвал рэлігійнай прыналежнасці або аздобу, трэба глядзець на яго як на знак “Бога, Які стаў грахом” дзеля нашага збаўлення, звярнуў увагу Папа 4 красавіка 2017 г. падчас ранішняй св. Імшы ў Ватыкане.

Звяртаючыся да сённяшняга Евангелля (Ян 8, 21-30), Святы Айцец адзначыў, што Езус тройчы папярэджваў фарысеяў, “памрэце ў граху вашым”, таму што яны мелі закрытае сэрца і не разумелі Божай таямніцы. Затым у дыялогу з імі, Езус сказаў: “Калі ўзнімеце Сына Чалавечага, тады даведаецеся, што гэта Я і што нічога не раблю ад сябе”. Гэта была спасылка на падзеі ў пустыні, калі людзі страцілі цярпенне і наракалі на Майсея і на Бога і калі Пан, пасля спасланай кары, загадаў зрабіць меднага змея і змясціць яго на жэрдзі.

25 красавіка пілігрымкай у французскую вёску Тэзэ завершыцца візіт Патрырха Барталамея ў Швейцарыю з нагоды 50-годдзя праваслаўнага цэнтра ў Шамбезі.

Пра гэта са спасылкай на грэчаскае інфармагенцтва «Рамфея» паведамляе Седміца.Ru.

25 красавіка ў 12.00 Канстанцінопальскі іерарх прыме ўдзел у экуменічнай малітве абшчыны Тэзэ ў царкве Прымірэння. Малітва пройдзе ў прысутнасці братоў абшчыны і прадстаўнікоў розных хрысціянскіх канфесій і моладзевых арганізацый. 

Гімн “Акафіст” у гонар Багородзіцы

Гімн “Акафіст” у гонар Багородзіцы, сапраўдная перла патрыстычнай Багародзічнай паэзіі, які не без падставы называецца “напрыгажэйшым і настарэйшым гімнам усёй хрысціянскай літаратуры”. Ён на працягу стагоддзяў ажыўляў і фармаваў Багародзічную пабожнасць хрысціян візантыйскага Ўсходу.

Народжаны хутчэй у сэрцы Царквы, чым у розумах навукоўцаў, ён на самай справе не мае сваёй назвы. Імя яму дала Царква. Яна назвала яго проста “Акафіст” (па-грэцку akáthistos), што азначае “гімн, які спяваецца стоячы”, на знак пашаны да Ўцелаўлёнага Слова і ўдзячнасці Ягонай Маці Найсвятой Дзеве.