Малітоўная праграма урачыстасцей

Пятніца, 3 жніўня

 

18.00 — св. Імша для пілігрымаў
19.40 — Акафіст Найсвяцейшай Багародзіцы (вернікі Грэка-Каталіцкай Царквы)
20.30 — Ружанец з разважаннямі, Радасныя таямніцы
21.50 — Нешпары за памерлых
22.30 — адарацыя (малітва праслаўлення)

 

Субота, 4 жніўня

 

00.00 — урачыстая св. Імша
02.00 — працэсія на месца мучаніцтва і адарацыя Крыжа
03.30 — росіцкі Крыжовы шлях
06.00 — Гадзінкі да Найсвяцейшай Дзевы Марыі
06.30 — Боская Літургія ўсходняга абраду (вернікі Грэка-Каталіцкай Царквы)
08.00 — Ютрань
09.00 — Ружанец з разважаннямі, Балесныя таямніцы. Праводзіць Рух «Маці ў малітве»
10.00 — прэзентацыя цэнтра дапамогі «Светач»
11.00 — адарацыя. Ружанец з разважаннямі, Хвалебныя таямніцы
12.00 — урачыстая св. Імша

10 ліпеня былі апублікаваныя вынікі новых даследаванняў Турынскай плашчаніцы, якія выклікалі неадназначную рэакцыю ў навукоўцаў.

Вынікі даследаванняў плашчаніцы былі прадстаўлены ў навуковым выданні Ліверпульскага ўніверсітэта Journal of Forensic Science. Іх аўтары, прафесар таго ж універсітэта Матэо Барыні і прадстаўнік італьянскага камітэту па кантролі за псеўданавукамі Луіджы Гарласкеллі заявілі, што крывавыя плямы, адбітыя на палатне плашчаніцы, не супадаюць з магчымым іх размяшчэннем на целе ўкрыжаванага, захінутага пры пахаванні ў гэтае палатно.

На гэтым тыдні, які праходзіць пад знакам Маці Божай з Гары Кармэль, мы працягваем публікацыю гісторыі цудатворнага абраза Маці Божай Бялыніцкай і кляштара кармэлітаў, дзе захоўвалася гэтая святыня.

У аўторак, 10 ліпеня 2018 г. раніцай пачалася ХХІV грэка-каталіцкая пілігрымка Віцебск – Полацк. Пасля Боскай Літургіі - у грэка-каталіцкім храме Уваскрасення Хрыстовага ў Віцебску - на шлях пілігрымкі выйшла з Віцебска больш за 40 асобаў. Наступныя пілігрымы далучацца ўжо па дарозе. 

Сёлета пілігрымка праходзіць з 10 па 15 ліпеня. Яе дэвізам ёсць словы Папы Францішка «gaudete et exsultate – радуйцеся і весяліцеся».

Першы дзень шлях з  Віцебска да Заронава пілігрымы праходзяць пад дэвізам “Молімся за Царкву”.

Францішак падчас малітвы “Анёл Панскі”, якая 8 ліпеня 2018 г. прайшла на плошчы св. Пятра, падзякаваў за сустрэчу, якая 7 ліпеня прайшла ў Бары з нагоды дня разважанняў і малітвы за мір на Блізкім Усходзе.

 

"Учора, ў Бары, разам з патрыярхамі цэркваў Блізкага Усходу і іх прадстаўнікмі мы святкавалі асаблівы дзень малітвы і разважанняў у інтэнцыі міру ў рэгіёне. Я дзякую Богу за гэтую сустрэчу, якая была красамоўным знакам адзінства сярод хрысціянаў, і ў якім з энтузіязмам удзельнічаў народ Божы. Яшчэ раз, дзякую братам кіраўнікам Цэркваў і іх прадстаўнікам. Я дзякую арцыбіскупу Бары, супрацоўнікам і ўсім вернікам, якія суправаджалі нас і падтрымлівалі нас малітваю і радаснаю прысутнасцю”, - сказаў Святы Айцец.

“Няхай Блізкі Усход больш не будзе шляхам вайны паміж кантынентамі, але шляхам міру, гасціннага ў адносінах да народаў і веравызнанняў”, – пажадаў Святы Айцец.

 

Па выніках прыватнага дыялогу з Патрыярхамі Усходніх Цэркваў, які адбыўся апоўдні 7 ліпеня 2018 г. у базыліцы св. Мікалая ў Бары, Францішак пераканаўча сцвердзіў, што ўначы “Блізкага Усходу ў агоніі” мір можа быць дасягнуты “сапраўднай гатоўнасцю да выслухоўвання і дыялогу”, а не “перамір’ямі, забяспечанымі мурамі”, ці “выпрабаваннямі сілай”.

З ушанавання рэліквій св. Мікалая ў велічнай базыліцы горада Бары на поўдні Італіі 7 ліпеня распачалася экуменічная сустрэча папы Францішка з іерархамі Усходніх Цэркваў, якія разам маліліся за мір на Блізкім Усходзе.

Асоба св. Мікалая, які жыў на мяжы III і IV ст., з’яўляецца напамінам пра часы, калі на Захадзе і Усходзе панавала адзінства. Гэтага святога аднолькава ўшановаюць як католікі, так і праваслаўныя.

На міжканфесійную малітву за Блізкі Усход ды братэрскі дыялог аб рашэнні сітуацыі ў рэгіёне Папа Францішак запрасіў у г. Бары (Італія) патрыярхаў усходніх Цэркваў Блізкага Усходу: Каталіцкіх, Праваслаўных ды Дахалкідонскіх а тасама Халэйскай і Асірыйскай Цэркваў і Апостальскага адміністратара Лацінскага Патрыярхата Ерусаліма.

У суботу - 7 ліпеня 2018 г., пасля малітвы ля мошчаў св. Мікалая Мірлікійскага ў ягонай базыліцы першаіерархі працягнуць малітву з сабранымі вернікамі розных канфесій па берагу Адрыятыцкага мора.У гэтай малітве прымае ўдзел так сама Апостальскі візітатар Беларускай Грэка-Каталіцкай  Царквы архімандрыт. Сяргей (Гаек).

5 ліпеня ва ўзросце 75-і гадоў адышоў у вечнасць кардынал Жан-Луі Таран, Старшыня Папскай рады па міжрэлігійным дыялогу, які абвясціў свету аб выбары папы Францішка, а ў 2013 г. як прадстаўнік Святога Айца ўзначаліў юбілейныя ўрачыстасці ў Будславе ў 400-ю гадавіну з’яўлення там цудатворнага абраза Маці Божай.

Іерарх, які працяглы час пакутаваў ад хваробы Паркінсона, памёр у ЗША, дзе праходзіў лячэнне.

 

У спачувальнай тэлеграме папа Францішак запэўніў у сваёй духоўнай блізкасці і малітве «родных памерлага кардынала і ўсіх людзей, каго кранула вестка аб яго смерці». Папа даручыў душу памерлага Божай міласэрнасці, адзначыўшы вялікі след, які кардынал Таран пакінуў у паўсюдным Каталіцкім Касцёле.

Патрыярх Копцкай Царквы Тавадрас II (AFP or licensors)У суботу - 7 ліпеня 2018 г., у Італьянскім горадзе Бары Патрыярхі Усходніх Каталіцкіх, Праваслаўных ды Дахалкідонскіх (Стара-праваслаўных) Цэркваў Блізкага Усходу - на запрашэнне Папы Францішка - збяруцца разам на малітву аб міры ды братэрскае абмяркаванне праблемаў рэгіёну.

 

Унутраныя праблемы блізкаўсходняга рэгіёну могуць быць вырашаны ў духу любові, дыялогу і паразумення, перакананы Патрыярх Копцкай Царквы Тавадрас II.

 

Каб дасягнуць супакою, кожны чалавек павінен прабываць ва ўнутраным міры з самім сабой; трэба адкінуць усе памылковыя вучэнні нянавісці і непрыняцця іншага і навучаць новыя пакаленні ўзаемнай любові, прыняццю адрозненняў і жыццю ў супольнасці, поўнай разнастайнасці. У такім заблытаным кантэксце, як на Блізкім Усходзе, няма іншага шляху да міру, як толькі праз належнае выхаванне маладых пакаленняў.