Грэка-католікі Беларусі малітвай суправаджаюць намаганні Папы Францішка дзеля міру.

25 кастрычніка 2022 г., у Рыме завяршаецца духоўная Сустрэча прадстаўнікоў вялікіх рэлігій свету дзеля міру.

У 16:30 (17:30 у Мінску) Яго Святасць Папа Францішак узначаліць у Калізеі Малітву хрысціянаў - у прысутнасці прадстаўнікоў хрысціянскіх Цэркваў і Супольнасцёй.

Прадстаўнікі іншых рэлігій збіраюцца на малітве ў розных месцах Рыму.

У Калізеі а 17:00 гадз. (18:00 ў Мінску)

- Фінальная цырымонія

- Заключныя прамовы

- Прамова Папы Францішка

- Хвіліна маўчання ў памяць аб ахвярах вайны

- Заклік да міру

- Знак міру

Беларускія грэка-католікі далучаюцца ў салідарнай малітве да гэтый духоўнай праграмы – паводле мінскага часу ад 17:30.

Грэка-каталіцкая капліца парафіі Праведнага Язэпа ў Мінску (вул. Арджанікідзе, д. 6) у аўторак 25 кастрычніка 2022 г. будзе адкрытая для малітвы з 17:00 да 21:00.