17 студзеня ў Мінскім епархіяльным упраўленні адбылася сустрэча Патрыяршага Экзарха ўсяе Беларусі Мітрапаліта Мінскага і Слуцкага Паўла з Апостальскім Нунцыем у Беларусі арцыбіскупам Клаўдыё Гуджэроцці.

У сустрэчы ўдзельнічаў таксама вікарый Мінскай епархіі Беларускай Праваслаўнай Царквы епіскап Барысаўскі Веніямін.

Удзельнікі сустрэчы абмеркавалі бягучыя пытанні ўзаемаадносінаў паміж Беларускай Праваслаўнай Царквой і Апостальскай Сталіцай. Арцыбіскуп Клаўдыё Гуджэроцці перадаў Патрыяршаму Экзарху прывітанне з нагоды прызначэння на Мінскую кафедру ад старшыні Папскай рады спрыяння хрысціянскаму адзінству кардынала Курта Коха.

Паводле афіцыйнага партала Беларускай Праваслаўнай Царквы