29.11.2022, Аўторак, гадз.18:30 - Боская Літургія ў храме Парафіі Праведнага Язэпа (вул. Арджанікідзе, д. 6);

30.11.2022, Серада, гадз. 18:30 - Боская Літургія ў храме Парафіі Маці Божай Нястомнай Дапамогі (зав. Снежны , д. 7).

Апостал Андрэй (стар.-грэцк. Ἀνδρέας, лац. Andreas), больш вядомы як апостал Андрэй Першапакліканы (Ἀνδρέας ὁ Πρωτόκλητος). Паводле Евангелля ад Яна, быў першым пакліканы Ісусам  Хрыстом.  У спісах апосталаў, якія прыводзяцца ў Евангеллях ад Матфея і Лукі, займае другое месца пасля свайго брата, апостала Пятра, але ў Евангеллі ад Марка — чацвёртае месца. Святы Праваслаўнай і Каталіцкай Царквы. Асаблівы Пакравіцель Цэркваў візантыйскай традыцыі.

Хрыстос не толькі адзін раз прыйшоў у свет у чалавечым целе, але таксама ў кожную гадзіну і момант гатовы прыйсці да нас.

Менавіта ў час прыйсця свайго Адзінароднага Сына, у нязмернай любові да нас, грэшнікаў, Бог паслаў Таго, Хто павінен быў вызваліць нас ад насілля ўлады д’ябла, запрасіць і прывесці нас да нябеснай гасціны, паказаць нам праўду, навучыць праведным паводзінам, прышчапіць нам зачаткі дабрадзейнасцяў, шчодра адарыць нас скарбамі Сваёй ласкі і, нарэшце, усынавіў нас і зрабіў спадкаемцамі вечнага жыцця.

Прышэсце Хрыста дапамагло не толькі тым, хто жыў у час Збаўцы, але і дагэтуль Яго сіла павінна перадавацца нам, калі праз святую веру і таінствы мы ахвотна прымаем ласку, якую Ён удзяліў нам, і з паслухмянасцю кіруемся ёю ў сваім жыцці.

Хрыстос не толькі адзін раз прыйшоў у свет у чалавечым целе, але таксама ў кожную гадзіну і момант гатовы прыйсці да нас зноў, каб духоўна пасяліцца ў нашых душах з паўнатою ласкі, калі мы не будзем ставіць перашкодаў.

Св. Караль Барамей

Мы абвяшчаем прышэсце Хрыста: не толькі першае, але і другое, нашмат цудоўнейшае ад першага. Бо першае пераважна сімвалізавала цярпенне, а другое прынясе дыядэму Божага Валадарства.

Бо шмат чаго дваякага ёсць у нашага Госпада Ісуса Хрыста. Дваякае нараджэнне: адно ад Бога перад вякамі, другое – ад Дзевы напрыканцы вякоў. Дваякае і прыйсце Ягонае: адно незаўважальнае, нібы расы на руно, а другое, якое настане, відавочнае.

26 лістапада 2022 г. памёр міністр замежных спраў Беларусі Уладзімір Макей, паведаміла  БЕЛТА са спасылкай на прэс-сакратара МЗС Беларусі Анатоля Глаза.      

У вечар таго ж дня - паводле трыдыцыі Старажытнай Царквы «Oratio post acceptum mortis nuntium» - «Малітва пасля атрымання весткі аб смерці» - Апостальскі візітатар для грэка-католікаў Беларусі Архімандрыт Сяргей (Гаек) адслужыў у храме Парафіі Праведнага Язэпа ў Мінску Ліццю за супакой душы новаспачылага Уладзіміра.

Любая вайна заўсёды і ўсюды “з'яўляецца паразай для ўсяго чалавецтва”, - падкрэсліў Пантыфік у прамове да прадстаўнікоў Сусветнага яўрэйскага кангрэса.

22 лістапада 2022 года Францішак прыняў на аўдыенцыі ў Ватыкане дэлегацыю Выканаўчага камітэта Сусветнага яўрэйскага кангрэса, які прадстаўляе яўрэйскія супольнасці ў больш за 100 краінах свету.

Пад час сустрэчы з Каталікосам-патрыярхам Асірыйскай Царквы Усходу Мар Авой III, Святы Айцец узгадаў агульнае сведчанне мучанікаў і падзякаваў за жаданне знайсці агульную дату святкавання Вялікадня.

19 лістапада 2022 года Францішак прыняў на аўдыенцыі Каталікоса-патрыярха Асірыйскай Царквы Усходу Мар Аву III. У сваёй прамове Святы Айцец падзякаваў высокаму госцю за сувязі паміж Касцёлам і Асірыйскай Царквой Усходу, якія спрыяюць крокам да адзінства, і заахвоціў да сустрэч у сумесным праслаўленні Бога.

У суботу 19 лістапада, у межах святкавання Апекаў Маці Божай, якія адзначаюцца ў Вільні на працягу тыдня з нагоды ўрачыстасці Маці Міласэрнасці Вастрабрамскай, у касцёле святой Тэрэзы пры Вострай Браме будзе цэлебравацца святая Імша на беларускай мове.

Як паведамлялася, 10 лістапада копіі цудадзейных абразоў Багародзіцы з беларускіх Марыйных санктуарыяў прыбылі ў Вільню, дзе яны будуць знаходзіцца да 20 лістапада.

Перэгрынацыя прымеркавана да святкавання Апекаў Маці Божай, што адбываецца на працягу тыдня з нагоды ўрачыстасці Маці Божай Вастабрамскай, Маці Міласэрнасці — найбольш славутага абраза Багародзіцы на землях колішняга Вялікага Княства Літоўскага. Гэтая ўрачыстасць штогод адзначаецца 16 лістапада.

18 лістапада 2022 г. Яго Эмінэнцыя Кардынал Леанард Сандры (Leonardo Sandri), Прэфект Дыкастэрыі Ўсходніх Цэркваў адзначае 79-ты год нараджэння. 

У тым жа 2022-гім годзе спаўняецца: 
55 гадоў ягонага святарскага пасвячэння - 2.12.1967;
25 гадоў біскупскай хіратоніі - 11.10.1997;
15 гадоў служэння прэфектам Кангрэгацыі Усходніх Цэркваў - 9.06.2007.

Шчыра віншуем нашага Архіпастыра: "ad multos annos prosperos!" - "на многія і шчасныя леты!"

У нядзелю 13 лістапада ў мінскім катэдральным касцёле Найсвяцейшага Імя Марыі адбылася святая Імша з нагоды 30-годдзя з часу ўсталявання дыпламатычных адносін паміж Рэспублікай Беларусь і Святым Пасадам.

Дыпламатычныя адносіны паміж Рэспублікай Беларусь і Святым Пасадам былі ўсталяваныя 11 лістапада 1992 года.

З гэтай нагоды ў пятніцу ў Апостальскай нунцыятуры ў Мінску прайшло ўрачыстае мерапрыемства, а таксама адбылося гашэнне маркі пошты Беларусі, прысвечанай гэтай падзеі.