Cпешна ісці па шляху міру, братэрства і ўзаемнага даверу паміж людзьмі, народамі і нацыямі, спяшацца пераадолець канфлікты і рознагалоссі, адкрыць свае сэрцы тым, хто мае ў гэтым найвялікшую патрэбу, - заклікаў Папа 9 красавіка 2023 года ў сваім велікодным пасланні Urbi et Orbi.

“Дарагія браты і сёстры, Хрыстус уваскрос! Сёння мы абвяшчаем, што Ён, Пан нашага жыцця, "уваскрасенне і жыццё" свету (Ян 11, 25), - такімі словамі распачаў Францішак свой велікодны зварот, дадаючы, што “Пасха азначае пераход, таму што ў Езусе адбыўся вырашальны пераход чалавецтва ад смерці да жыцця, ад граху да міласці, ад страху да даверу, ад адзіноты да камуніі”.

Дарагія браты і сёстры,

для мяне вялікая радасць віншаваць вас са святам Пасхі Пана і паўтарыць словы Евангелля: «Хрыстус уваскрос. Сапраўды ўваскрос». Гэтае абвяшчэнне мы чуем не толькі ў касцёлах, але і ў кожнай веруючай сям’і, якая святкуе Вялікдзень.

Другую фразу — «Супакой вам» — уваскрослы Езус скіраваў да сваіх спалоханых і засмучаных вучняў, таму што яны страцілі свайго Настаўніка.

Святочнае віншаванне Апостальскага адміністратара для грэка-католікаў Беларусі архімадрыта Сяргея Гаека.

Галасы міру ў час вайны – тэма разважанняў Крыжовага шляху, які пройдзе ў Вялікую пятніцу, 7 красавіка 2023 года, у рымскім Калізеі. Францішак будзе сачыць за ім з Дома святой Марты ў Ватыкане.

Тэксты медытацый былі падрыхтаваны на падставе сведчанняў людзей з розных рэгіёнаў свету, якія спазналі жахі вайны і гвалту, але вынеслі з гэтага трагічнага досведу толькі жаданне міру. Пантыфік пачуў іх падчас сваіх Апостальскіх падарожжаў і пры іншых нагодах. 

Відэа айца Андрэя Буйніча пра Літургічнае жыццё. Тэма - Пасха Гасподняя.

Больш відэа можаце пабачыць на канале.

Белтэлерадыёкампанія ў эфіры двух тэлеканалаў арганізуе прамыя трансляцыі шэрагу набажэнстваў святога Пасхальнага Трыдууму з мінскага архікатэдральнага касцёла Найсвяцейшага Імя Марыі, а таксама пакажа святочныя цырымоніі з удзелам Папы Францішка.

Раніцай 6 красавіка, у Вялікі чацвер, у мінскім катэдральным касцёле Найсвяцейшага Імя Марыі адбылася святая Імша Хрызма, на якой сабралася духавенства сталічнага рэгіёна Мінска-Магілёўскай архідыяцэзіі.

Каля сотні святароў з розных парафій Мінскай вобласці прыбылі ў галоўную святыню архідыяцэзіі, каб на чале са сваім біскупам узяць удзел у гэтай асаблівай цэлебрацыі на працягу літургічнага года, падчас якой успамінаецца ўстанаўленне сакрамэнту святарства. Узначаліў урачыстую цэлебрацыю, у якой узяў удзел таксама прадстаўнік Папы Францішка ў нашай краіне Апостальскі нунцый Антэ Ёзіч, Мітрапаліт Мінска-Магілёўскі арцыбіскуп Юзаф Станеўскі.

5 красавіка ў катэдральным касцёле Езуса Міласэрнага ў Віцебску біскуп Алег Буткевіч узначаліў Імшу Хрызма.

На пачатку св. Імшы іерарх павіншаваў прысутнага архімандрыта Сяргея Гаека, які ад нядаўняга часу з’яўляецца адміністратарам для католікаў візантыйскага абраду ў Беларусі, і прывітаў святароў і вернікаў.

Парафія Праведнага Язэпа – Парафія св. Мікалая (МІНСК, вул. Арджанікідзе д. 6)

2.04.2023 – ВЕРБНАЯ НЯДЗЕЛЯ, Уваход Ісуса Хрыста ў Ерусалім

гадз. 10:00 Боская Літургія, асвячэнне вербачак

гадз. 15:00 Боская Літургія, асвячэнне вербачак

3.04.2023 - ВЯЛІКІ ПАНЯДЗЕЛАК

гадз. 18:30 - Літургія раней асвячаных Дароў 

4.04.2023 - ВЯЛІКІ АЎТОРАК

гадз. 18:30 - Літургія раней асвячаных Дароў 

5.04.2023 - ВЯЛІКАЯ СЕРАДА --- гадз. 17:30 - Споведзь

гадз. 18:30 - Літургія раней асвячаных Дароў 

6.04.2023 - ВЯЛІКІ ЧАЦВЕР 

гадз. 18:30 - Вячэрня з Боскай Літургіяй

7.04.2023 - ВЯЛІКАЯ ПЯТНІЦА 

гадз. 18:30 - Вячэрня, Вынас Плашчаніцы, Пакланенне Плашчаніцы 

8.04.2023 - ПАСХАЛЬНАЯ НОЧ (ВЯЛІКАЯ СУБОТА) 

гадз. 21:00 - Пасхальная Працэсія і Ютрань

і Боская Літургія Уваскрасення Гасподняга

Асвячэнне велікодных страваў

9.04.2023 +++ НЯДЗЕЛЯ УВАСКРАСЕННЯ ГАСПОДНЯГА +++

гадз. 12:00 - Боская Літургія Уваскрасення Гасподняга

10.04.2023 - СВЕТЛЫ ПАНЯДЗЕЛАК 

гадз. 18:30 - Святочная Боская Літургія

Пра важнасць экуменічнага і міжрэлігійнага дыялогу для міру нагадаў кардынал Курт Кох, завяршаючы сваё падарожжа ў Славакію. Яно адбылося 28-30 сакавіка 2023 года.

Прэфект Дыкастэрыі спрыяння хрысціянскаму адзінству і старшыня Камісіі па адносінах з юдаізмам прыняў удзел у шэрагу экуменічных і міжрэлігійных сустрэч, пазначаных дыялогам і паглыбленнем узаемнага знаёмства паміж прадстаўнікамі розных канфесій і рэлігій.