Даследчыкі постаці Язафата Кунцэвіча з розных краін свету збяруцца ў Рыме з нагоды 400-годдзя мучаніцкай смерці гэтага апостала хрысціянскага адзінства. Святы быў забіты 12 лістапада 1623 года ў Віцебску.

13-14 лістапада 2023 года ў Папскім усходнім інстытуце пройдзе міжнародная канферэнцыя на тэму: Самасвядомасць і культ: тэалагічнае, культурнае і гістарычнае вымярэнне Язафата Кунцэвіча. Форум адбудзецца пад патранажам Вярхоўнага Архіепіскапа Кіева-Галіцкага Святаслава Шаўчука, прадстаяцеля Украінскай Грэка-Каталіцкай Царквы. З уступным словам да яго ўдзельнікаў звернецца кардынал Клаўдыё Гуджэроці, прэфект Дыкастэрыі па справах Усходніх Цэркваў.

Адзінства, інкультурацыя і свабода – на гэтыя тры аспекты евангелізацыйнай дзейнасці святых Кірыла і Мятода звярнуў увагу Папа падчас агульнай аўдыенцыі, якая прайшла 25 кастрычніка 2023 года ў Ватыкане.

Францішак прысвяціў катэхезу “двум вельмі вядомым на Усходзе братам”, названым “Апосталамі славян” – святым Кірылу і Мятоду. Яны нарадзіліся ў IX стагоддзі ў Грэцыі ў арыстакратычнай сям’і, але адмовіліся ад палітычнай кар’еры і пакінулі ўсё, каб прысвяціць сябе манаскаму жыццю. Іх прабыванне ўдалечыні ад свету, аднак, працягвалася нядоўга: братоў адправілі як місіянераў у Вялікую Маравію, дзе ў той час пражывалі розныя народы, што былі часткова евангелізаваныя, але яшчэ захоўвалі многія язычніцкія звычаі і традыцыі. Таму мясцовы князь прасіў, каб нехта змог патлумачыць хрысціянскую веру на іх мове.

ЗВАРОТ

Каталіцкіх біскупаў Беларусі
адносна дня посту, малітвы і пакаяння ў інтэнцыі міру

Мінск, 19 кастрычніка 2023 г.

Дарагія браты і сёстры ў Хрысце!

18 кастрычніка гэтага года, падчас Генеральнай аўдыенцыі, Святы Айцец Францішак, разважаючы пра шматлікія ваенныя канфлікты ў свеце сказаў: «У свеце адкрыта шмат франтоў вайны. Няхай змоўкне зброя, няхай будзе пачуты крык бедных і дзяцей аб міры. Вайна не вырашыць ніводнай праблемы. Яна сее толькі смерць і разбурэнне. Яна павялічвае нянавісць. Яна памнажае помсту». Пры гэтым Пантыфік дадаў, што вайна перакрэслівае будучыню. «Заахвочваю вернікаў стаць на адзін бок у гэтым канфлікце — бок міру, — не толькі словамі, але малітвай», — заклікаў Папа Францішак.

У нядзелю, 22 кастрычніка 2023 года, у грэка-каталіцкіх парафіях Беларусі завяршылася малітоўная Дэкада ўшанавання св. Яна Паўла ІІ. Гэта былі дні асаблівай малітвы за Царкву.

У Мінску вернікі сабраліся на малітву перад Іконай Яна Паўла ІІ ў храме Маці Божай Нястомнай Дапамогі. Боскую Літургію ўзначаліў Апостальскі адміністратар для грэка-католікаў архімандрыт Сяргей (Гаек) ў саслужэнні протапрэзбітараў Андрэя Абламейкі і Яўгена Усошына, і дыякана Аляксандра Хахлова. Хор разам з вернікамі радасна і дастойна праслаўлялі Госпада і маліліся за Царкву.

14 кастрычніка ў санктуарыі Гродзенскай дыяцэзіі ў Барунах (Ашмянскі дэканат) адбылася ўрачыстасць Маці Божай Барунскай, якая ўшаноўваецца пад тытулам Суцяшальніцы Засмучаных.

Як паведаміла Прэс-служба Гродзенскай дыяцэзіі, сёлетняя ўрачыстасць адзначалася ў 330-ю гадавіну з часу прызнання абраза Маці Божай Барунскай цудадзейным. Больш за тры стагоддзі таму спецыяльная касцёльная камісія ўпершыню даследавала і афіцыйна пацвердзіла праўдзівасць сведчанняў аб ласках, атрыманых праз заступніцтва Панны Марыі ў гэтым месцы.

4 кастрычніка ў Ватыкане была абнародавана апостальская адгартацыя Папы Францішка Laudate Deum, у якой Святы Айцец папярэджвае аб тым, што чалавек, прэтэндуючы на месца Бога, уяўляе найбольшую небяспеку для самога сябе.

Апублікаваная ва ўспамін святога Францішка Апостальская адгартацыя дапаўняе энцыкліку Laudato si' ад 2015 года. 

• Апостальская адгартацыя Папы Францішка Laudate Deum па-беларуску ТУТ>>>

У літургічным каляндары Каталіцкай Царквы ўспамін св. Яна Паўла ІІ, папы, прызначаны на дзень 22 кастрычніка.

45 год таму - 16.10.1978 кардынал Кароль Вайтыла, архібіскуп Кракава быў абраны Біскупам Рыму; у нядзелю  - 22.10.1978  ён ўрачыста ўступіў на катэдру св. Пятра.

 
У Мінску малітоўная Дэкада пачалася ў Пятніцу 13.10.2023 на Боскай Літургіі ў 18:30 у храме Прав. Язэпа (вул. Арджанікідзе, д. 6); 

18 кастрычніка ў Беларусі пройдзе малітоўная акцыя «Мільён дзяцей моліцца на Ружанцы», якая злучыць тэлемостам пяць гарадоў з усіх дыяцэзій Беларусі.

Кожны ахвотны можа далучыцца да анлайн-малітвы.

Пачатак у 18.00.

Арганізатары акцыі ў Мінску запрашаюць дзетак і бацькоў прыходзіць у Хрысціянскі сацыяльны цэнтр (г. Мінск, вул. Серафімовіча, 19).

Святой памяці Ўладыка Дымітрыос, тытулярны біскуп Грацыянопалі, былы Апостальскі экзарх католікаў візантыйскага абраду ў Грэцыі, спачыў ў Госпадзе ў Афінах 16 кастрычніка 2023, ва ўзросце 84 гадоў.

Ён нарадзіўся ў Афінах 7 чэрвеня 1939 г. і стаў прэзбітарам 9 лютага 1964 г. Быў прызначаны Апостальскім экзархам для католікаў візантыйскага абраду ў Грэцыі 23 красавіка 2008 г., біскупскую хіратанію атрымаў 24 мая. Выйшаў на пенсію 2 лютага 2016 г.

Лацінскі Патрыярх Ерусаліма кардынал П’ербатыста Піццабала - ад імя ўсіх Іерархаў (ардынарыяў) Святой Зямлі - абвясціў 17 кастрычніка 2023 днём малітвы за мір на Святой Зямлі. 

Хрысціяне (розных традыцый і канфесій) далучаюцца да гэтай духоўнай ініцыятывы. Асаблівы час малітвы: гадз. 15:00 і гадз. 21:00 - паводле мясцовага часу.