Айцец ЛявонційІІ-гі дзень Перадкалядных Рэкалекцыяў

Наведальнікам сайта www.svjazep.org прапануем далучыцца – on-line – да Перадкалядных Рэкалекцыяў, што для менскіх грэка-каталіцкіх парафіяў праводзіць ераманах Лявонцій (Тумоўскі) у днях 20-23 сьнежня 2009 г.

Рэкалекцыйныя разважаньні праводзяцца кожны дзень у іншым храме (гл. Парадак Рэкалекцыяў).
Там жа служыцца Боская Літургія і ёсьць нагода да сьвятой Споведзі.

Агульная тэма рэкалекцыяў:
“Хрыстос нараджаецца, каб аднавіць раней адпалы вобраз”.

* * *
Кароткая запіска ІІ-га дня Рэкалекцыяў

Тэма рэкалекцыяў:
“Хрыстос нараджаецца, каб аднавіць раней адпалы вобраз”.

Перадкалядныя Рэкалекцыі для менскіх грэка-каталіцкіх парафіяў маюць характар духовай пілігрымкі.
Рэкалекцыйныя разважаньні ераманах Лявонцій (беларускі студыт з Рыму) кожны дзень праводзіць у ішым храме. Там жа служыцца Боская Літургія і ёсьць нагода да сьвятой Споведзі.

НЯДЗЕЛЯ – 20 сьнежня 2009 г.
Парафія Маці Божай Нястомнай Дапамогі
гадз. 11:00 - ніжні храм “чырвонага касьцёла”


ПАНЯДЗЕЛАК – 21 сьнежня 2009 г.
Парафія Праведнага Язэпа і Парафія сьв. Мікалая
гадз. 18:30 - капліца ў Душпастырскім цэнтры сьв. Язэпа па вул. Арджанікідзе, д. 6


АЎТОРАК – 22 сьнежня 2009 г.
Парафія Сьвятога Духа
гадз. 18:30 - ніжні храм “чырвонага касьцёла”


СЕРАДА – 23 сьнежня 2009 г.
Парафія Маці Божай Нястомнай Дапамогі
гадз. 18:30 - капліца ў Парафіяльным цэнтры па зав. Сьнежным, д. 7

* * *
Да ўдзелу ў Рэкалекцыях запрашаем усіх, хто хоча духова падрыхтавацца да сьвята Раства Хрыстовага.

ераманах ЛявонційПЕРАДКАЛЯДНЫЯ РЭКАЛЕКЦЫІ

Усім наведальнікам сайта www.svjazep.org прапануем далучыцца – хаця б on-line – да Перадкалядных Рэкалекцыяў, што для менскіх грэка-каталіцкіх парафіяў праводзіць ераманах Лявонцій (Тумоўскі) у днях 20-23 сьнежня 2009 г.

Агульная тэма рэкалекцыяў:
“Хрыстос нараджаецца, каб аднавіць раней адпалы вобраз”.

У Менску рэкалекцыі маюць характар сваеасаблівай пілігрымкі. Рэкалекцыйныя разважаньні кожны дзень праводзяцца ў іншым храме (гл. Парадак Рэкалекцыяў).
Там жа служыцца Боская Літургія і ёсьць нагода да сьвятой Споведзі.

* * *
Ніжей кароткая запіска І-га дня Рэкалекцыяў

Дарагія Сябры! Мы завяршаем інтэрнэт-праект “Калядны сьпеўнік 2009”. На нашай старонцы SvJazep.org вы можаце спампаваць 2 файла ў .pdf-фармаце. Першы зьмяшчае 44 калядкі (большасьць з нотамі, упарадкаваныя паводле алфавіту), другі – 13 найбольш вядомых калядных сьпеваў (бяз нотаў). Пры выкарыстаньні ў інтэрнэце спасылка на наш сайт вельмі пажаданая.

Заканьчэньне праекту не азначае заканчэньня працы над Калядным сьпеўнікам! Дасылайце заўвагі, тэксты, ноты: a.buinich@gmail.com. БОГ РАДЖАЕЦЦА! Дзякуем усім!

Запампаваць "Калядны сьпеўнік"

Запампаваць "Малы Калядны сьпеўнік"

Грэка-каталіцкі клуб інтэлігенцыі імя сьв. Кірыла Тураўскага запрашае на лекцыю.
У пятніцу 18 сьнежня ў 19:00 гадз. даклад на тэму "Культурная спадчына грэка-каталіцкай Царквыў Беларусі ў кантэксьце дыялёгу Усход-Захад" прачытае дакладчык Алесь Суша.

Гэтая душпастырская сустрэча адбудзецца ў грэка-каталіцкім парафіяльным Цэнтры сьв. Язэпа (вул. Арджанікідзэ, д. 6; даезд на метро да ст. метро “Аўтазаводская”, далей на лева па вул. Цэнтральнай; 3-я вуліца направа).

Дарагія браты і сёстры!

Сайт SvJazep.org распачынае праект “Калядны сьпеўнік 2009”. На сайце мы выкладаем да спампаваньня першыя 15 калядных сьпеваў, якія, спадзяемся, дапамогуць вам у падрыхтоўцы сьвята. Асаблівае дзякуй сайту http://dzietki.org , з якога былі ўзяты некаторыя тэксты і ноты.

Ты таксама можаж далучыцца да праекта: дашлі сваю калядку, выкажы сваё меркаваньне адносна тэкстаў, нотаў калядаў і сваё бачаньне сьпеўніка. Лістуйце: a.buinich@gmail.com

Запампаваць сьпеўнік

21 лістапада 2009 г. споўнілася 5 гадоў ад біскупскай хіратоніі (біскупскіх сьвячаньняў) Апостальскага Нунцыя ў Беларусі Высокадастойнага Ўладыкі Марціна Відавіча, Тытулярнага Архібіскупа г. Нін (Нона).

Высокадастойны Архібіскуп Марцін нарадзіўся 15 ліпеня 1953 г. ў м. Відонье ў Харватыі.
Рукапакладзены на сьвятара дыяцэзіі Спліт-Макарска Яго Сьвятасьцю Папам Янам Паўлам ІІ 28 траўня 1989 г.
15 верасьня 2004 г. быў прызначаны Апостальскім Нунцыем ў Беларусі ды ўзьведзены ў сан архібіскупа.
21 лістапада 2004 г. атрымаў біскупскую хіратонію з рук Кардынала Анджэла Садана, Дзяржсакратара Яго Сьвятасьці.

У суботу, 21 лістапада, ды ў нядзелю, 22 лістапада 2009 г., сьвятары і вернікі Беларускай Грэка-Каталіцкай Царквы асабліва маліліся за Высокадастойнага Архібіскупа Марціна.

У Вільні, 14 лістапада, у грэка-каталіцкай царкве Святой Тройцы адбылася Боская Літургія ў гонар Святога Язафата Кунцэвіча. Літургію ўзначаліў Апостальскі Візітатар для грэка-католікаў Беларусі архімандрыт Сяргей Гаек. На Богаслужбе прысутнічалі святары з Беларусі,Украіны, Літвы, Польшчы, а таксама вернікі з беларускай і украінскай супольнасцяў Вільні.

Сьвяты Язафат1. Чалавецтва няспынна патрабуе герояў. У іх не было недахопу ў даўнія часы: узгадаем тут, напрыклад, вядомых герояў грэцкай міфалогіі – Геракл, Адысей. Дастакова іх і ў наш час: чамусьці ў асноўным гэта героі Галівуда – бэтманы, чалавекі-пацукі ды іншыя. Кожнае пакаленьне мела свайго героя, з якога бралі прыклад, на якога марылі быць падобнымі: Алэн Дэлон, Віктар Цой, Ала Пугачова, Земфіра... Кожны можа ў гэты момант дадаць іншыя імёны герояў, да якіх мае ўпадабаньне. Гэта героі поп-культуры. Але ёсьць і іншыя.

Героі павінны быць у кожнай нацыі, кожнага народу, у кожнай краіне. Перафразоўваючы вядомую прымаўку можна сьцьвердзіць: “Скажы мне, хто твае героі, і я скажу, хто ты”. Мне вядома, што ў краіне N, у горадзе M, сярэдняя школа №10 знаходзіцца на вуліцы Паўліка Марозава. Цікава, што можам сказаць: да якіх узораў выхаваньня заклікае гэтая назва? Што можам сказаць пра людзей, для якіх Паўлік Марозаў – герой?

На словах яны прапануюць Праўду, а што атрымліваем мы насамрэч?

Апошнім часам у месцах збору студэнтаў (інтэрнатах, універсітэтах і т.п.), пачалі зьяўляцца яскравыя рэкламы клуба асабовага росту “Сінтон”.
Лозунгі: “Жыві ярчэй! Адчувай больш тонка! Мыслі больш масштабна!” і прапанова навучыцца быць пэўным ды камунікатыўным чалавекам у гэтым жыцьці, прыцягваюць увагу маладых людзей, сярод якіх шмат хрысьціянаў.