службы ў мінскіх грэка-каталіцкіх парафіях 24 – 25 – 26 снежня 2010 г.

Парафія Праведнага Язэпа і Парафія св. Мікалая Цудатворцы

ПЯТНІЦА- 24 ХІІ – Вечар Раства Хрыстовага
18:30 – Вячэрня і Літургія св. Васіля Вялікага
у капліцы Цэнтра св. Язэпа (вул. Арджанікідзе д. 6)

СУБОТА -25 ХІІ –РАСТВО ХРЫСТОВА
12:00 – Боская Літургія
13:00 – Свята для дзяцей
у капліцы Цэнтра св. Язэпа (вул. Арджанікідзе д. 6)

НЯДЗЕЛЯ - 26 ХІІ – Сабор Найсв. Багародзіцы, – Свята Праведнага Язэпа
10:00 – Боская Літургія (парафіяльнае свята)
у капліцы Цэнтра св. Язэпа (вул. Арджанікідзе д. 6)

15:00 – Боская Літургія (для парафіі св. Мікалая Цудатворцы)
у касцёле св. Яна Хрысціцеля ( вул. Пяханава 28, Серабранка)

17 снежня 2010 г. ужо ў адзінаццаты раз Бэтлеемскі агонь будзе прывезены ў Беларусь. У гэты дзень беларускім скаўтам яго перададуць польскія скаўты на польска-беларускай мяжы каля Гродна. Сімвал нараджэння Божага Сына трапіць у гродзенскую катэдру, мінскі архікатэдральны касцёл, некаторыя парафіі краіны і накіруецца ў Расію.
У гродзенскую катэдру Бэтлеемскі агонь трапіць у 15.00, пасля ўрачыстага ўнясення якога адбудзецца святая Імша. У суботу, 18 снежня агонь будзе дастаўлены ў беларускую сталіцу. На пачатку св. Імшы ў 12.00 скаўткі і скаўты ( у суправаджэнні протапрэсьбітэра БГКЦ а. Яўгена Усошына) урачыста ўнясуць Бэтлеемскі агонь у архікатэдру. Адтуль ён будзе перададзены ў касцёл святых Сымона і Алены (12.30) і касцёл Узвышэнне Святога Крыжа (Кальварыя) — 14.00.

Перадкалядныя рэкалекцыі для мінскіх парафіяў

Слухаць, чытаць, святкаваць : Як жыць старажытнай мудрасцю ў сучасным свеце – гэта тэма перадкалядных рэкалекцыяў, якія праводзіць ераманах-студыт Лявонцій (Тумоўскі) з Рыму.
Рэкалекцыі праходзяць у ніжнім храме чырвонага касцёла (побач з бібліятэкай).

НЯДЗЕЛЯ – 19 ХІІ 2010
Зважайце як слухаеце (Лк 8,18).
11:00 Боская Літургія з казаннем
18:00 Боская Літургія з казаннем, нагода да споведзі
17:00 Духоўнае настаўленне: Займайся чытаннем... (1 Цм 4,13).

ПАНЯДЗЕЛАК – 20 ХІІ 2010
Ці яшчэ не разумееце і не памятаеце? (Мц 16,10).
18:30 Вячэрня з казаннем, нагода да споведзі

АЎТОРАК – 21 ХІІ 2010
І увайшоў Ісус у Ерусалім... (Ян 2,13)
18:30 Боская Літургія з казаннем

28 лістапада 2010 году шляхам галасавання новым Протаігуменам Львоўскай правінцыі Айцоў-Рэдэмптарыстаў на наступныя чатыры гады быў абраны а. Ігар Каліснык.
На гэтай пасадзе ён заменіць а. Васіля Іваніва, які выконваў служэнне Протаігумена на працягу апошніх шасці гадоў.
У Львоўскай Правінцыі Рэдэмптарыстаў (ЧНА) на сённяшні дзень служыць а. Антон (Нікалаеў) і вучыцца бр. Зміцер (Чарнель), абодва – беларусы.

Мы вітаем а. Ігара з абраннем на служэнне Протаігумена Львоўскай Правінцыі Чыну Насвяцейшага Адкупіцеля.
Няхай Госпад Чалавекалюбец прынясе яму шмат моцы і радасці ў ягоным служэнні.

У першы дзень сьнежня нашу Царкву напаткала сумная навіна: 1 сьнежня, на 89-м годзе жыцьця, спачыла ў Госпадзе сп. Гэлена Гаек, мама Айца архімандрыта Сяргея Гаека, Апостальскага Візітатара БГКЦ.

Выказваем свае спачуваньні Архімандрыту Сяргею і молімся, каб Госпад прыняў сваю слугу Гэлену ў сваё Валадарства і каб “душа яе знайшла прытулак у сьвеце жывых, у месцы сьветлым, дзе ўсе сьвятыя спачываюць”.

Пахаваньне адбудзецца 6 сьнежня ў касьцёле парафіі сьв. Казіміра ў Лышковічах, каля Ловіча.

Заупакойную Літургію ў Менску 4 сьнежня а 10-ай гадзіне адслужыць а. протапразьбітар Яўген Усошын у капліцы Маці Божай Нястомнай Дапамогі па зав. Сьнежным, 7.

Супакой, Госпадзе, душу слугі Тваёй Гэлены і ўчыні ёй вечную памяць.

Валанцёрскі рух св. Мікалая распачаў у Віцебску дабрачынную акцыю “Святы Мікалай ідзе да дзяцей”, якая будзе трываць ажно да свята Божага Нараджэння.

Згодна з ідэяй акцыі, кожны чалавек можа на нейкі час стацца Святым Мікалаем і падрыхтаваць падарунак для пэўнага дзіцяці з дзіцячага дома альбо з небагатай сям’і. Падарункі могуць змяшчаць у сабе канцэлярскія тавары (напрыклад, альбомы, блакноты, алоўкі, фарбы, размалёўкі, сшыткі, наборы ручак…), сродкі гігіены, цацкі, цёплыя дзіцячыя шкарпэткі, калготы, рукавічкі, заколкі і г.д. ці нешта салодкае. Мы прапануем удзельнікам ,таксама, напісаць ліст ад імя Святога Мікалая, які можа быць адрасаваны як да хлопчыка, так і да дзяўчынкі. Ліст можа быць любой даўжыні і мець свабодны змест, тут могуць быць павіншаванні са святам Божага Нараджэння, заахвочванне да добрых паводзінаў і г.д. Пазней, у акрэсе Божага Нараджэння, сабраныя падарункі будуць урачыста падараваныя дзецям з дзіцячых дамоў альбо бедных парафіяльных сем’яў.

Экуменічны рух мае на ўвазе пошук еднасці ў праўдзе, але найперш малітву і пакуту ў гэтым духоўным экуменізме, — адзначыў Святы Айцец Бэнэдыкт XVI падчас сустрэчы з удзельнікамі пленарнага пасяджэння Папскай рады спрыяння хрысціянскаму адзінству. У гэтыя дні ведамства святкуе 50-годдзе свайго існавання, а яго стварэнне бл. папам Янам ХХІІІ было «вуглавым каменем экуменічнага шляху Касцёла».

Пантыфік выказаў удзячнасць чатыром папярэднікам сённяшняга старшыні рады — кардыналам Аўгустыну Беі, Ёханэсу Віллебрандсу, Эдварду Кассідзі і Вальтэру Касперу, а таксама ўсім супрацоўнікам ведамства. Па словах Святога Айца, за гэтыя 50 год было здзейснена больш глыбокае пазнанне іншых Цэркваў і супольнасцяў, развіццё тэалагічнага дыялога і дыялога любові, былі заснаваны розныя формы супрацоўніцтва.

Маскоўскі Патрыярхат абвяргае крытыку з боку арцыбіскупа Паоло Пеццы ў сувязі з перадачай храма Святой Сям’і ў Калінінградзе ў прыватную маёмасць Рускай Праваслаўнай Царквы. Ардынарый архідыяцэзіі Маці Божай у Маскве 4 лістапада 2010 г. адзначыў, што католікі на працягу 20 гадоў беспаспяхова дамагаліся звароту свайго храма, у якім ўлады зрабілі філармонію. Аб гэтым паведамляе беларуская секцыя Ватыканскага радыё.

Арцыбіскуп адзначыў таксама, што праект закона аб перадачы Маскоўскаму Патрыярхату 15 будынкаў, прыняты Калінінградскай Думай, быў падрыхтаваны «ў адпаведнасці з методыкай лабіравання, у таямніцы, без спасылкі на больш шырокае абмеркаванне і нават без кансультацый з зацікаўленымі бакамі, а менавіта рэлігійнымі супольнасцямі Расіі, якія „не належаць да Рускай Праваслаўнай Царквы“».

Традыцыя адзначаць на Беларусі свята святамучаніка Язафата (Кунцэвіча) 16 верасня была пачалася ад Кіеўскага ўніяцкага мітрапаліта, архібіскупа Полацкага, біскупа Віцебскага, Аршанскага, Мсціслаўскага і Магілёўскага Кіпрыяна Жахоўскага (1674-1693). Ён увайшоў на пасад мітрапаліта ў цяжкі час для усходняй Царквы злучанай з Рымскім Апостальскім Пасадам. Вайна паміж Расіяй і Рэччу Паспалітай 1654-1667 нанесла моцны ўдар па ўніяцкай Царкве. Былі знішчаныя шматлікія храмы, іконы, царкоўнае начынне і святыя месцы. Моцны пераслед закрануў таксама і саміх вернікаў-уніятаў. Мітрапаліт Кіпрыян рабіў шмат захадаў, каб аднавіць духоўнае жыццё ўніяцкай Царквы, яе структуры, матэр’яльны стан.

13 лістапада кожнага году Хрыстовая Царква адзначае памяць сьвяціцеля Яна Залатавуснага, аднаго з самых вялікіх настаўнікаў Царквы.

Сьвяціцель Ян нарадзіўся ў Антыёхіі каля 347 году. Бацька яго, Сэкунд, быў ваеначальнікам і вельмі рана памёр. Маці, Анфуса, другі раз ужо не бралася шлюбам ды ахвяравала ўсе свае сілы на выхаваньне Яна. Сярод настаўнікаў у яго былі выдатныя грэцкія філосафы, але мудрасьць сьвету ўсё адно не перашкодзіла Яну, які вельмі рана пачаў вывучаць Сьвятое Пісаньне і праходзіць катэхэзу ў самога сьвяціцеля Мялета Антыяхійскага, ды пасьля гэтага быў ахрышчаны прыблізна ў 20 год.