“Я – Дарога і Праўда, і Жыццё”.

XXVI грэка-каталіцкая пілігрымка ў 2020 годзе праходзіць пад дэвізам “Святло Ўсходу”.

Духовая праграма праходзіць у фармаце ан-лайн, але пілігрымка – гэта заўжды дарога. 

Напярэдадні Пілігрымкі ўсім удзельнікам праграмы прапануем мікра-катэхезу “Я – Дарога і Праўда, і Жыццё”.

Першая пілігрымка была арганізавана ў 1995 годзеіераманахам-студытам з Полацка а. Валерым (Алексійчуком) – сёння грэка-каталіцкім біскупам у Чыкага.

Пілігрымка праходзіць у першыя дэкады ліпеня кожнага года на працягу пяці дзён.

Кожная пілігрымка праходзіць пад асобным дэвізам, які адлюстроўвае праграму падрыхтаваную арганізатарамі. 

Дэвіз XXVІ грэка-каталіцкай пілігрымкі Віцебск – Полацк, 2020: “Святло Ўсходу”.

Гэта тытул Апостальскага Паслання св. Яна Паўла ІІ “Orientale Lumen - Святло Ўсходу” (ад 2 траўня 1995 г.), што з’яўляецца базай духовай Праграмы пілігрымкі ў гэтым годзе.

У складанай сітуацыіі эпідэміі духовая Праграма пілігрымкі пройдзе 8-12 ліпеня 2020 года ў фармаце ан-лайн. 

На сайце www.svjazep.org будуць змяшчацца духовыя матэрыялы на кожны дзень Праграмы. Іх можна свабодна перапосціць у соц-сеткі.

Кожны можа далучыцца да духовай Праграмы ў сваім месцы пражывання.

Духовая падрыхтоўка грэка-каталіцкіх парафій Заходняга дэканата

Апостальскае Пасланне Папы Яна Паўла ІІ “Orientale Lumen - Святло Ўсходу” – тэта духовая база XXVІ грэка-каталіцкай пілігрымкі Віцебск – Полацк, 2020.

У сітуацыіі эпідэміі значная частка духовай праграмы Пілігрымкі пройдзе ў фармаце ан-лайн. Але як падрыхтоўка да самой пілігрымкі, на працягу 2 тыдняў, у грэка-каталіцкіх парафіях і супольнасцях ў Беларусі праходзяць “сінаксы” – г. зн. багаслужэнні, малітвы і катэхетычныя сустрэчы прадстаўнікоў парафій.

На мінулым тыдні 28 чэрвеня – 4 ліпеня духовая падрыхтоўка праходзіла ў парафіях Цэнтральнага дэканата. У нядзелю, 5 ліпеня 2020 духовы подзвіг перанялі парафіі Заходняга дэканата.

Простая трансляцыя Боскай Літургіі з капліцы парафіі св. Язафата ў г. Ліда. 5.07.20, 11:00 беларускага часу.

****

Падпішыцеся на ютуб-канал Andrei Buinich - будзь з намі ў кантакце, каб ведаць пра ўсе нашы трансляцыі і цікавыя відэаматэрыялы!

4 ліпеня 2020 г. Папа Францішак прызначыў арцыбіскупа Клаўдыё Гуджэроці Апостальскім нунцыем у Вялікабрытаніі. З 2015 г. іерарх выконваў дыпламатычную місію ва Украіне.

Арцыбіскуп Клаўдыё Гуджэроцці нарадзіўся 7 кастрычніка 1955 г. у італьянскай Вероне. Cкончыў факультэт Усходніх моваў і літаратуры Венецыянскага дзяржаўнага ўніверсітэта “Cà Foscari”, атрымаў вучоную ступень ліцэнцыята літургічных навук у Папскім літургічным інстытуце св. Анзэльма ў Рыме, абараніў дактарат у Папскім Усходнім Інстытуце.

Святарскае пасвячэнне атрымаў 29 мая 1982 г. З’яўляецца тытулярным арцыбіскупам Равэлы. У 1985 г. паступіў на служэнне ў Кангрэгацыю Ўсходніх Цэркваў. 7 снежня 2001 г. быў прызначаны Апостальскім нунцыем у Арменіі і Грузіі, 13 снежня таго ж года – Апостальскім нунцыем у Азербайджане. 6 студзеня 2002 г. атрымаў біскупскую сакру. 

З 15 ліпеня 2011 г. па 13 лістапада 2015 г. быў Апостальскім нунцыем у Беларусі. Затым, на працягу амаль пяці гадоў, выконваў дыпламатычную місію ва Украіне.

Паводле Беларускай рэдакцыі Ватыканскага радыё

Духовая падрыхтоўка грэка-каталіцкіх парафій Цэнтральнага дэканата

Апостальскае Пасланне Папы Яна Паўла ІІ “Orientale Lumen - Святло Ўсходу” – тэта духовая база XXVІ грэка-каталіцкай пілігрымкі Віцебск – Полацк, 2020.

У складанай сітуацыіі эпідэміі значная частка духовай праграмы Пілігрымкі пройдзе ў фармаце ан-лайн.

Але як падрыхтоўка да самой пілігрымкі, на працягу 2 тыдняў, у грэка-каталіцкіх парафіях і супольнасцях ў Беларусі праходзяць “сінаксы” – г. зн. багаслужэнні, малітвы і катэхетычныя сустрэчы прадстаўнікоў парафій.

30 чэрвеня 2020 г. пры касцёле Беззаганнага Зачацця Найсвяцейшай Панны Марыі ў Гродне адбылося пахаванне кс. прэлата Юзафа Трубовіча, найстарэйшага каталіцкага святара ў Беларусі.

Ксёндз прэлат адышоў у вечнасць 26 чэрвеня 2020 года, на 95-м годзе жыцця, у святарстве правёў амаль 64 гады.

Пахавальная Імша за супакой душы спачылага святара Юзафа сабрала мясцовых парафіян, а таксама іншых жыхароў горада над Нёманам, якія прыйшлі выказаць Богу ўдзячнасць за ўсё дабро, якое атрымалі ад ксяндза Трубовіча.

Экзарх Расійскай Грэка-Каталіцкай Царквы.

Памяць блаславёнага святамучаніка Леадіна ўшаноўваецца 27 чэрвеня, разам з 24-ма новамучанікамі – ахвярамі пераследу грэка-каталіцкай Царквы савецкімі бальшавікамі.

1.Леанід Фёдараў (манаскае імя Лявонцій) нарадзіўся 4 лістапада 1879 года ў Санкт-Пецярбургу, ў праваслаўнай сям’і. Пасля перадчаснай смерці бацькі, выхаваннем Леаніда займалася ягоная маці. Вучыўся ў 2–ой Пецярбургскай класічнай гімназіі. Пасля яе заканчэння, ў 1901 годзе, адчуваючы пакліканне да святарства паступіў у Пецярбургскую Духоўную Акадэмію. На трецім курсе Леанід пакінуў навучанне і выехаў за мяжу з мэтай прыяднацца да Каталіцкай Царквы, што было забаронена для этнічных расіян (а таксама, беларусаў і украінцаў) тагачаснымі расійскімі законамі. Такое рашэнне ён прыняў пад уплывам самастойнага вывучэння твораў Айцоў Царквы і царкоўнай гісторыі.

Па дарозе ў Рым, Леанід Фёдараў восем дзён гасцяваў у Львове, ў галіцкага грэка-каталіцкага мітрапаліта Андрэя Шаптыцкага. Гэта знаёмства мела вызначальны ўплыў на далейшы лёс Леаніда. Мітрапаліт стаў пазьней ягоным ерархам і духоўным настаўнікам, спрычыніўся таксама да аднаўлення грэка-каталіцкай Царквы на тэрыторыі Расіі.