У 100-годдзе нараджэння св. Яна Паўла ІІ беларускія грэка-католікі з асаблівай увагай асэнсоўваюць спадчыну святых Кірыла і Мятода, на якую 35 год таму звярнуў увагу Царквы і Еўропы Папа-Славянін.

У грэка-каталіцкіх парафіях Беларусі духовая спадчына Апосталаў Славянаў – святых Роўнаапостальных Кірыла і Мятода з’яўляецца каштоўнай крыніцай натхнення ў розных душпастырскіх праграмах. Асабліва важная тэма – гэта “Евангелле і культура”.

Дастойнаму Уладыцы НІЛУ
ды ўсёй Супольнасці Мукачаўскай грэка-каталіцкай епархіі
Ужгарад

Госпад Царквы паклікаў да сябе вернага свайго Слугу – Высокадастойнага Уладыку Мілана, Біскупа Мукачаўскага.
Яго адыход да дому Айца стаў для нас нечаканым, але прымаем гэта як знак, што Госпад палічыў дастатковым ягоны “архіпастырскі подзвіг”.

Уладыка Мілан, Архіпастыр Мукачаўскай епархіі, служыў з запалам святых раўноапостальных Кірыла і Мятода не толькі ў Закарпацці, ён ў сваёй руплівай місіі шчодра і нястомна дапамагаў Беларускай Грэка-Каталіцкай Царкве.

14 ліпеня 2020 году біскуп Мілан Шашык адышоў у дом Нябеснага Айца. Гэта была вялікая і харызматычная постаць Мукачаўскай грэка-каталіцкай япархіі (sui juris) у XXI стагоддзі. Душпастыр надзвычай адораны духоўна, інтэлектуальна, з вялікім сэрцам, поўным любові.

Кароткая біяграфія

Біскуп Мілан Шашык (Milan Šášik) нарадзіўся 17 верасьня 1952 году ў мястэчку Легата (Lehota) ў Славакіі, у Нітранскім краі, у пабожнай рыма-каталіцкай сям'і.

У 1971 годзе, падчас студыяў на Багаслоўскім факультэце сьв. Кірылы і Мятода ў Браціславе, ён быў таемна прыняты ў місіянерскую манаскую супольнасьць сьв. Вінцэнта дэ Поля (манахі-лазарысты). Пасьля атрыманьня сьв. Тайны сьвятарства 6 чэрвеня 1976 году ён працаваў у розных рыма-каталіцкіх парафіях у Славакіі. Будучы маладым сьвятаром, ён штодня маліўся адмысловай малітвай за свабоду і легалізацыю Грэка-Каталіцкай Царквы ва Ўкраіне.

Адышоў да Госпада Уладыка Мілан (Шашык)

У аўторак – 14 ліпеня 2020 года ўвечары ў шпіталі ва Ужгарадзе адышоў да Госпада на 67 годзе жыцця праўлячы біскуп мукачаўскай грэка-каталіцкай епархіі Уладыка Мілан (Шашык) – верны прыяцель нашай Царквы.
Ён шмат разоў наведваў Беларусь, рукапакладаў беларускіх святароў і дыяканаў, прымаў у Закарпацці нашых пілігрымаў.

У мінулую суботу, 11 ліпеня ён даслаў прывітанне для ўдзельнікаў Завяршэння Пілігрымкі Віцебск - Полацк 2020 і напісаў: "Всі ми є покликани, щоб свидчити про любов Бога до людини".

Вечны супакой ягонай душы – Вечная памяць!

Словы прывітання і малітоўнай сулучнасці накіраваў да ўдзельнікаў завяршэння XXVI грэка-каталіцкай пілігрымкі Віцебск – Полацк (12 ліпеня 2020 г.) Часовы павераны ў справах Святога Пасаду ў Рэспубліцы Беларусь Мансіньёр Махэр Шаммас:

"Усім вернікам жадаю шчодрага Божага блаславення!
Госпад, які ведае сэрцы, няхай кожнага верніка надзяліць ласкай неабходнай на шляху святасці!"

Гэтыя словы ўпісаліся сімвалічна ў дэвіз святкавання "Будзьце мужнымі! Адвагі!" і сталі каштоўным заахвочваннем да мужнасці на шляху веры, надзеі ды любові.
Яны сталіся таксама нагодай да падзячнай малітвы за місію Апостальскай Нунцыятуры ў Беларусі.

Простая трансляцыя Боскай Літургіі з капліцы парафіі св. Язафата ў г. Ліда. 12.07.2020

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

Фота Міколы ШарахаУшанаваннем св. Яна Паўла ІІ завяршылася XXVI грэка-каталіцкая пілігрымка Віцебск – Полацк 2020.

На працягу 5-ці дзён у духовай праграме, што праходзіла ў фармаце ан-лайн, прыняло ўдзел больш за 100 ўдзельнікаў.

На святочнай Боскай Літургіі ў Полацку, пры грэка-каталіцкім храме св. Параскевы Полацкай, у нядзелю 12 ліпеня 2020, сабралося больш за 70 вернікаў з Полацка і Віцебска але прыбылі і пілігрымы з Мінска, Маладзечна, Барысава. Некаторыя з іх прыехалі на роварах, невялікая група прыйшла пешшу.

Удзельнікі святкавання ўшанавалі св. Папу Яна Паўла ІІ - з нагоды 100-годдзе ягонага нараджэння - ды дзякавалі Госпаду за пэрыяд 30-ці год, што прайшоў ад першай адкрытай грэка-каталіцкай Боскай Літургіі ў Беларусі (11.03.1990).

З а п р а ш э н н е

 

XXVI грэка-каталіцкая пілігрымка Віцебск – Полацк 2020 проходзіць у фармаце ан-лайн.

У духовай праграме прымае ўдзел больш за 100 ўдзельнікаў.

 

Завяршэнне праграмы адбудзецца ў Полацку, пры храме св. Параскевы Полацкай (вул. Навасёлаў, 70)

у Нядзелю, 12 ліпеня 2020

Святочная Боская Літургія ў 11:00 гадз. 

 

Адзначым 100-годдзе нараджэння св. Яна Паўла ІІ

 

а таксама 35 год Энцыклікі “Slavorum Apostoli” (2.06.1985)

25 Апостальскага Паслання “Orientale Lumen” (2.05.1995)

і 30 год ад першай адкрытай грэка-католіцкай Боскай Літургіі ў Беларусі (11.03.1990)

Пра славянскіх апосталаў і настаўнікаў святых Кірыла і Мятода і пра энцыкліку Яна Паўла ІІ  “Slavorum Apostoli” расказвае а. Яўген Усошын.

1.Энцыкліку “Slavorum Apostoli”  святы айцец Ян Павел ІІ выдаў у сёмы год свайго пантыфікату - 2 чэрвеня 1985 года.

Гэта энцыкліка прысвечана апосталам славянаў Кірылу і Мятоду – двум братам, якіх нават залічваюць часам да славянаў, настолькі яны звязаныя са славянскімі народамі, але якія на самрэч былі грэкамі. І гэта вельмі важна для дальнейшага нашага разгляду гэтай энцыклікі. 

Дзень ІV: 11 ліпеня 2020

 

Духовая праграма: Евангелле паводле св. Яна, 4:1-54.

 

Молімся за хрысціян пераследваных за веру ў Хрыста і вернасць Царкве.