Папа Францішак прыме ўдзел у святкаванні Міжнароднага дня чалавечага братэрства, які будзе ўпершыню адзначацца ў чацвер 4 лютага.

Як паведаміла беларуская рэдакцыя парталу Vatican News, Пантыфік далучыцца да ўрачыстай анлайн-сустрэчы, арганізаванай наследным прынцам Абу-Дабі шэйхам Мухамедам бэн Заідам аль-Нахаянам. У ёй будуць удзельнічаць таксама Вялікі імам універсітэта Аль-Азхар у Каіры шэйх Ахмед Эль Таеб і Генеральны сакратар ААН Антоніу Гутэрыш.

 

У рамках падзеі адбудзецца цырымонія абвяшчэння сёлетніх пераможцаў Прэміі Заіда «Чалавечае братэрства», заснаванай у 2019 г. Яе першымі лаўрэатамі былі Папа Францішак і імам Эль Таеб.

 

Міжнародны дзень чалавечага братэрства абвясціла Генеральная Асамблея ААН у Рэзалюцыі ад 21 снежня 2020 г.

 

Згодна з Законам Майсея кожны першародны сын належаў Госпаду на ўспамін вызваленьня выбранага народу з егіпецкай няволі, і таму на 40 дзень пасьля нараджэньня бацькі павінны былі прынесьці яго ў сьвятыню і даць за яго выкуп, устаноўлены Законам. Госпад Ісус Хрыстос быў таксама прынесены ў сьвятыню ягонай Маці і сьв. Язэпам. Для Яго гэты абрад быў першаю сустрэчаю з Ягоным народам у асобах праведнага старца Сімяона, якому было абяцана, што не памрэ пакуль не пабачыць свайго Збаўцы, і прарочыцы Ганны. Адсюль і назва “Сустрэча”.

Простая трансляцыя з грэка-каталіцкай парафіі св.Язафата ў г.Ліда. 31.01.21, 11:00.     **** Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

 

Дзень малітвы за евангелізацыйную місію Царквы.

 

30 студзеня Цэрквы візантыйскай традыцыі адзначаюць свята Трох Свяціцеляў: Васіля Вялікага, Рыгора Багаслова і Яна Залатавуснага.

Святкуючы гэта свята, мы з даверай адкрываемся на духоўны вопыт нашых папярэднікаў. Аддаленыя ад іх у часе і прасторы, але блізкія духам, мы спрабуем пераняцца жывой верай Айцоў Царквы.

У малітве ўзгадваем катэхізатараў, лідараў душпастыркага служэння, валянцёраў дабрачыннага і сацыяльнага служэння, лекараў і медпрацоўнікаў…

Дзень малітвы за семінарыстаў і студентаў

 

29 студзеня, у другі дзень малітваў на шляху да свята Трох Свяціцеляў, узгадваем пакутнікаў – ерархаў Беларускай Грэка-Каталіцкай Царквы, што пацярпелі за Хрыста і Царкву ад бязбожных рэжымаў нацысцкага і сталінскага:
-экзарх Антон Неманцэвіч, езуіт (+6.01.1943, турма СД, Мінск);
-архімандрыт Фабіян Абрантовіч, марыянін (+2.01.1946, турма Бутыркі, Масква);
-Блаславёны біскуп Мікалай Чарнецкі, рэдэмптарыст (+2.04.1959 у Львове, пасля шматгадовага зняволення ў сталінскіх лагерах).

Гэтыя ерархі былі і выдатнымі настаўнікамі моладзі, таму сёння дзень малітвы за ўсіх беларускіх семінарыстаў і студентаў.

“Маючы навучанне Святых Настаўнікаў і пазнаючы прыклад іхняга жыцця, як і ў любой іншай «акадэмічнай школе», мы маем таксама патрэбу ў добрых вучнях. Вучнях, здольных засвоіць Божую навуку і з часам перадаць яе іншым”. (Ераманах Лявонцій Тумоўскі).

 

28 студзеня - Дзень малітвы за святаслужыцеляў

 

30 студзеня Цэрквы візантыйскай традыцыі адзначаюць свята Трох Айцоў Паўсюднай Царквы – Ерархаў: Васіля Вялікага, Рыгора Багаслова і Яна Залатавуснага.

Да гэтага свята рыхтуемся 3 дні.

У першы дзень - 28 студзеня - узгадваем ерархаў Беларускай Зямлі: свяціцеля Кірылу Тураўскага, святамучаніка Язафата і мітрапаліта Язэпа Руцкага.

 
Гэта дзень малітвы за святаслужыцеляў Беларускай Грэка-Каталіцкай Царквы.

“Мы не захапляемся музэйнай старажытнасцю нашай веры, але падкрэсліваем ейную заўсёдную і паўсюдную актуальнасць. Не хвалімся учынкамі святых, якіх мы шануем, але спрабуем - сярод сучасных абставінаў - наследваць іхнія дабрадзейнасці”. (Ераманах Лявонцій Тумоўскі).

Напярэдадні Міжнароднага дня памяці ахвяраў Халакосту, або Шоа, які адзначаецца 27 студзеня, варта ўзгадаць, якую ролю адыграў Каталіцкі Касцёл і асабіста Папа Пій ХІІ у справе ратавання габрэяў ад знішчэння нацыстамі і іх паслугачамі.

Як адзначае Аleteia.org, у дзень заканчэння Другой сусветнай вайны ў Рыме было каля 10 тысяч габрэяў. Статыстыка кажа, што больш за 6 тысяч з іх атрымалі дапамогу і абарону ад Пія XII і ватыканскіх устаноў. Два Папы і адзін кардынал удзельнічалі ў ратаванні габрэяў ад Халакоста.

 

Такім чынам, «чорная легенда», паводле якой Ватыкан нібы ўтойваў і пакрываў злачынствы нацыстаў супраць габрэяў падчас вайны, развальваецца.

Беларускія грэка-католікі даручаюць сваю евангелізацыйную місію малітоўнаму заступніцтву блаславёнага свяціцеля Юрыя, які актыўна працаваў для дабра каталікоў усходняга абраду.

 

- Блаславёны біскуп Юрый Матулевіч МІС (1881-1927) - як віленскі біскуп (1918-1925) - прыняў у сваю дыяцэзію айцоў езуітаў усходняга абраду ў манастыр у Альбярціне каля Слоніма (дзе ў 1924 г. была арганізавана Усходняя місія) і айцоў базыльянаў у іх былы манастыр у Тараканях (Кобрынскі раён), размешчаны ў ваколіцах, населеных украінскім насельніцтвам. Біскуп Юрый адказваў на абвінавачванні ў справе базыльянскага манастыра ў лісце да апостальскага нунцыя, у прыватнасці, напісаўшы: "Гэтыя ваколіцы саспелі для ўраджаю. Хто я, каб адважыўся забараніць працу работнікам, якіх, падобна, сам Госпад паклікаў на жніво?" 

24 ліпеня 1925 г. сваім дэкрэтам біскуп Юрый Матулевіч кананічна заснаваў парафію ўсходняга абраду ў Альбярціне. У 1926 г. генеральны настаяцель езуітаў заснаваў у Альбярціне асобны навіцыят усходняга абраду. 

Біскуп Юрый памёр 27 студзеня 1927 г. у Коўне. 28 чэрвеня 1987 г. ён быў беатыфікаваны ў Рыме папам св. Янам Паўлам II. 

 

Міжканфесійная малітоўная сустрэча мужчынаў у Мінску

 
У суботу, 23 студзеня 2021, у капліцы Душпастырскага цэнтра грэка-каталіцкай парафіі Праведнага Язэпа ў Мінску прайшла міжканфесійна духовая сустрэча мужчынаў.

 

Яна ўпісвалася ў Тыдзень малітваў аб Еднасці хрысціян (які праходзіў з 18 па 25 студзеня) ды працягвала традыцыю духовых сустрэчаў мужчынаў, што праходзілі ў мінулыя гады.

Ва ўмовах пандэміі колькасць запрошаных была абмежаваная да 20-ці чалавек.

 

Простая трансляцыя з грэка-каталіцкай парафіі св.Язафата ў г.Ліда. 24.01.21, 11:00.

 

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!