Экзарх Леанід Фёдараў памёр 7 сакавіка 1935 года, ў г. Вятка, з выніку знясілення і хваробаў перажытых падчас шматгадовага зняволення. Дакладнае месца ягонага пахавання застаецца невядомым.

1.Леанід Фёдараў (манаскае імя Лявонцій) нарадзіўся 4 лістапада 1879 года ў Санкт-Пецярбургу, ў праваслаўнай сям’і. Пасля перадчаснай смерці бацькі, выхаваннем Леаніда займалася ягоная маці. Вучыўся ў 2–ой Пецярбургскай класічнай гімназіі. Пасля яе заканчэння, ў 1901 годзе, адчуваючы пакліканне да святарства паступіў у Пецярбургскую Духоўную Акадэмію. На трецім курсе Леанід пакінуў навучанне і выехаў за мяжу з мэтай прыяднацца да Каталіцкай Царквы, што было забаронена для этнічных расіян (а таксама, беларусаў і украінцаў) тагачаснымі расійскімі законамі. Такое рашэнне ён прыняў пад уплывам самастойнага вывучэння твораў Айцоў Царквы і царкоўнай гісторыі.

«Жыццё блаславенствамі зводзіць Неба на зямлю», - сказаў Папа Францішак падчас Літургіі, якую ён узначаліў 6 сакавіка 2021 г. у халдэйскай катэдры св. Язэпа ў Багдадзе. Ён дадаў, што, калі мы жывем Ісусавымі блаславенствамі Нагорнай пропаведзі, "свет змяняецца". 

Халдэйская Каталіцкая Царква - найбуйнейшая хрысціянская супольнасць у Іраку.

Літургія, якую саслужылі больш дзесяці кардыналаў і біскупаў у тым ліку лацінскага абраду, служылася ў халдэйскім абрадзе на італьянскай, халдэйскай і арабскай мовах. Літургічныя чытанні гучалі па-арабску. Прысутнічалі прадстаўнікі дзяржаўных органаў, уключаючы прэзідэнта Бархама Саліха, і ісламскага свету [...].

Простая трансляцыя з грэка-каталіцкай парафіі св.Язафата ў г.Ліда. 07.03.21, 11:00.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

Напярэдадні запланаванага на 5–8 сакавіка візіту ў Ірак, Папа Францішак скіраваў відэазварот да жыхароў краіны, у якім запэўніў іх, што з’яўляецца пілігрымам пакаяння, міру і надзеі, які імкнецца да братэрства.

Са зместам відэазвароту Пантыфіка знаёміць італьянская рэдакцыя парталу Vatican News.

Пілігрым пакаяння

«Ужо праз некалькі дзён я нарэшце буду сярод вас! Мне вельмі хочацца з вамі сустрэцца, убачыць вашыя твары і наведаць вашу зямлю, якая з’яўляецца старажытнай і незвычайнай калыскай цывілізацыі»,— сказаў Святы Айцец.

Ён запэўніў, што едзе «як пілігрым пакаяння, каб маліць Бога аб прабачэнні і прымірэнні пасля доўгіх гадоў вайны і тэрарызму, каб прасіць Бога суцешыць сэрцы і загаіць раны».

3 сакавіка 2021 г., на заканчэнне агульнай аўдыенцыі Святы Айцец звярнуўся да вернікаў ва ўсім свеце з просьбай аб малітоўнай падтрымцы яго Апостальскага падарожжа ў Ірак, што пачнецца ў пятніцу, 5 сакавіка.

“Паслязаўтра, калі Бог дасць, паеду ў Ірак з трохдзённай пілігрымкай. Я даўно хацеў наведаць народ, які так шмат выцерпеў, сустрэцца з Касцёлам мучанікаў”, - прызнаўся Францішак.

Папа выказаў спадзяванне, што ў зямлі Абрагама ён і іншыя рэлігійныя лідары разам зробяць яшчэ адзін крок наперад у братэрстве паміж вернікамі.

Літургія раней Асвячаных Дароў

У серады і пятніцы Вялікага посту, а таксама ад панядзелка да серады Вялікага тыдня служыцца асаблівае богаслужэнне - Літургія раней Асвячаных Дароў.

Падрыхтоўка да візіту Папы Францішка ў Ірак, які адбудзецца 5-8 сакавіка 2021, знаходзіцца ў заключнай фазе. Святы Айцец адправіцца ў краіну, параненую вайной і гвалтам, дзе сустрэнецца з хрысціянамі розных традыцый ды прадстаўнікамі рэлігій.

Прэфект Кангрэгацыі Усходніх Цэркваў, кардынал Леанарда Сандры падкрэсліў, што візіт Папы Францішка – гэта пераход ад слоў братэрства, выказаных у дакуменце з Абу-Дабі і ў энцыкліцы Fratelli tutti, да ўчынкаў і жэстаў згоды.

11 сакавіка 2021 г. спаўняецца 110 год ад нараджэння а. Льва Гарошкі. Пра што навучаў архімандрыт Леў?

Прозвішча архімандрыта Льва Гарошкі вядомае ў колах БГКЦ у краіне і за мяжой. Не заўсёды, аднак, за гэтым стаяць таксама веды пра ягонае навучанне.

Прадстаўленне ўсіх зацікаўленасцяў а. Льва патрабавала б напісання асобнай кнігі. Можна ўсё ж зрабіць пэўную спробу зарысу галоўных тэмаў на падставе хаця б ягоных артыкулаў у часопісе “Божым Шляхам”.

Перад гэтым жа варта ўзгадаць асноўныя факты з жыцця святара, бо яны маюць свой уплыў на навучанне.