Як вядома, 8 снежня 2020 г. Яго Святасць Папа Францішак апублікаваў Апостальскі ліст "Patris corde" – "Бацькоўскім сэрцам", у якім з нагоды 150-годдзя прызнання св. Язэпа Апекуном Каталіцкай Царквы, абвясціў  Юбілейны Год св. Язэпа:  з 8 снежня 2020 г. па 8 снежня 2021 г.

На час Юбілейнага Года Святы Айцец Францішак удзяліў спэцыяльныя адпусты (індульгенцыі) - між іншымі за пабожнае чытанне "Акафісту Прведнаму Язэпу" (нават яго часткі) - у духу малітвы за Царкву. 

 
Да асаблівага ўшанавання св. Язэпа 19 сакавіка 2021 запрашаем усіх вернікаў БГКЦ. Св. Язэпа - Апякуна Паўсюднай Царквы просім аб Заступніцтве і Апецы над БГКЦ і над Беларуссю. 

Гісторыю Касцёла і свету піша Дух Святы, а мы з’яўляемся “разгорнутымі старонкамі, гатовымі на прыняцце Яго запісаў”, - сказаў Папа падчас агульнай аўдыенцыі 17 сакавіка 2021 г.

 

Францішак завяршыў цыкл катэхетычных разважанняў аб малітве як адносінах з Найсвяцейшай Тройцай.

 

Дух Святы, падкрэсліў Папа, з’яўляецца “першым дарам кожнага хрысціянскага жыцця”: не адным са шматлікіх дароў, але “фундаментальным Дарам”. “Без Духа Святога няма стасункаў з Хрыстом і Айцом, таму што Дух Святы адкрывае нашыя сэрцы на Божую прысутнасць і прыцягвае іх у вір любові, якім з’яўляецца сэрца самога Бога”, - сказаў Францішак.

Простая трансляцыя з грэка-каталіцкай парафіі св.Язафата ў г.Ліда. 14.03.21, 11:00.

 

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

Вялікапосныя рэкалекцыі “Пакаянне. Любоў. Сведчанне” у гарадзенскай грэка-каталіцкай парафіі Маці Божай Фацімскай правёў  кс. Ян Раманоўскі, прэфект Вышэйшай Духоўнай Семінарыі ў Гродне.

Гэта былі дні інтэнсіўнай малітвы ды разважання Слова Божага.
- 12 сакавіка, пятніца, 18.00 – Літургія раней асвячаных Дароў з рэкалекцыйным навучаннем;
- 13 сакавіка, субота, 10.00 – Літургія св. Яна Залатавуснага з рэкалекцыйным навучаннем;
- 14 сакавіка, нядзеля, 10.00 – Літургія св. Базыля Вялікага з рэкалекцыйным навучаннем. Ружанец. 

 

+ + +

 

Айцу Настаяцелю і вернікам гарадзенскай парафіі жадаем шчодрага Божага блаславення на дарозе да Святой Пасхі Хрыстовай!

12 сакавіка намеснік кіраўніка справамі Маскоўскай патрыярхіі епіскап Зеленаградскі Сава (Тутуноў) у сваім канале Telegram выказаў думку, што чарговы зварот да каляндарнага пытання з прапановай аб’яднасць тэрміны пасхаліі будзе лішнім для дыялогу праваслаўных з католікамі.

Праваслаўны іерарх бачыць у гэтай прапанове большую зацікаўленасць Канстанцінопальскага патрыярхату ў адзінстве з католікамі, чым з праваслаўнымі.

 

Каментар намесніка кіраўніка справамі Маскоўскай патрыярхіі прыводзіць рускае дзяржаўнае інфармацыйнае агенцтва ТАСС.

У 1784 годзе, расчараваны духам ёзафінізму (ад імя імператара Ёзафа ІІ), што панаваў у Венскім універсітэце, Клімент адпраўляецца разам з таварышам-студэнтам Тадэем Гюблем у Рым. Там яны пазнаёміліся з рэдэмптарыстамі і сталі кандыдатамі да Кангрэгацыі. Пасля скарочанага тэрміну навіцыяту, 19 сакавіка 1785 года Клімент і Тадэй склалі зарокі, а 29 сакавіка іх высвецілі ў святары.

Пасля гэтага яны вяртаюцца ў Вену, спадзеючыся заснаваць там супольнасць рэдэмптарыстаў. Але гэта аказалася немагчымым з-за ёзафінісцкіх законаў, якія панавалі ў Аўстрыі, таму айцы на мяжы верасня і кастрычніка 1786 г. вырушаюць у напрамку Варшавы.

Паводле юліянскага (і нова-юліянскага) каляндара  ў панядзелак, 15 сакавіка 2021 - ПАЧАТАК ВЯЛІКАГА ПОСТУ.

Праваслаўным Братам і Сёстрам ў Беларусі ды вернікам БГКЦ, што Пасху будуць святкаваць паводле старога стылю: Шчыра жадаем Божага блаславення на гэты святы час.  

З малітвай +архім. Сяргей (Гаек)
Апостальскі візітатар для грэка-католікаў Беларусі

13 сакавіка 2013 года аргентынскі кардынал з італьянскімі каранямі Хорхэ Марыё Бэргольё быў абраны 266-м Папам, стаўшы першым наступнікам Пятра, які належыць да ордэна езуітаў, паходзіць з Амерыкі і які ўпершыню сярод сваіх папярэднікаў прыняў імя Францішак.

Як паведаміла ў дзень восьмай гадавіны яго абрання італьянская рэдакцыя парталу Vatican News, за гэты час Святы Айцец здзейсніў 25 паездак па Італіі, а Апостальскі візіт у Ірак стаў яго 35-м замежным падарожжам.

 

Такім чынам, калі выключыць мінулы год, на працягу якога з-за пандэміі каранавірусу былі адменены ўсе запланаваныя раней замежныя візіты, Папа Францішак штогод здзяйсняў амаль па пяць Апостальскіх падарожжаў за межы Італіі.

13 сакавіка 2013 на Рымскі Апостальскі Пасад быў выбраны аргенцінскі кардынал Jorge Mario Bergoglio (нар. 17 снежня 1936 у Буэнас-Айрэс). Ён прыняў імя ФРАНЦІШАК — як 266-ы Папа Рымскі. 
Літургічная інаўгурацыя пантыфіката - гэта значыць служэння Папы як біскупа Рыму мела месца ў свята св. Язпа - 19 сакавака 2013 г. на Плошчы св. Пятра ў Рыме.  

Тыдзень 13-19 сакавіка 2021 - добрая нагода да асаблівай малітвы за Папу Францішка ды Ягонае служэнне ў Паўсюднай Царкве (Ecclesia Catholica).

11 сакавіка 2021 споўнілася 110 гадоў з дня нараджэння айца Льва Гарошкі — святара, інтэлектуала, грамадскага дзеяча і журналіста, шматгадовага кіраўніка Беларускай рэдакцыі Ватыканскага радыё.

Дзейнасць айца Гарошкі, як паведамляе беларуская рэдакцыя парталу Vatican News, не мае шырокага прызнання ў Беларусі, як і дзейнасць многіх іншых беларускіх святароў, якія працавалі на ніве духоўнага і нацыянальнага абуджэння народа. Аднак спадчына, пакінутая гэтым руплівым пастырам, заслугоўвае самай вялікай увагі.

 

На працягу жыцця айцец Леў Гарошка выдаў дзясяткі кніг па гісторыі, філасофіі, тэалогіі і мовазнаўстве, прапаведаваў, навучаў, спрыяў захаванню цікавасці да ўласных каранёў сярод беларусаў на Радзіме і за мяжой.