Ефрасіння Полацкая (да манаства — Прадслава) — нарадзілася 5 студзеня 1104 года ў сям'і Святаслава Усяславіча. Прадслава атрымала параўнальна добрую для таго часу хатнюю адукацыю. У 12-гадовым узросце бацька намерыўся выдаць яе замуж, аднак яна адмовілася ад шлюбу і патаемна прыняла пострыг у Полацкім манастыры. Пасля гэтага яна займалася перапісам кніг, пабудавала за свае сродкі Спаса-Ефрасіннеўскі манастыр, Спаса-Праабражэнскую царкву і Богаяўленскі манастыр.

У 1161 годзе Ефрасіння Полацкая заказала у мясцовага майстра Лазара Богшы выраб напрастольнага крыжа.

Сьвята Пяцідзясятніцы — сьвята Царквы Божай.

🌿 Дух Сьвяты заўсёды быў, і ёсьць, і будзе: Ён ня мае ні пачатку ні канца, але заўжды з Айцом і Сынам зьяднаны і адзінасутны. Ён – Жыцьцё і Творца жыцьця; Ён Сьвятло і Падаўца сьвятла, сам Добры і Крыніца дабра. Праз Яго мы пазнаем Айца, і Сына праслаўляем, і вызнаем адзіную сілу, адзіную годнасьць, адзіную хвалу Сьвятой Тройцы.

🌿 Дух Сьвяты – Сьвятло і Жыцьцё. Ён жыве і крынічыць жыцьцё; Дух разважнасьці, Дух розуму; добры, правы, мудры; Ён усім кіруе і ачышчае правіны. Ён Бог і Той, хто абагаўляе; Агонь, што ад Агню паходзіць; Ён прамаўляе, дае і разьдзяляе дараваньні. Прарокі ўсе праславіліся Ім, разам з боскімі апосталамі і мучанікамі. Дзіўныя рэчы чуем, дзівосныя рэчы бачым: агонь разьдзяляецца, каб раздаваць дары.

🌿 Уладару Нябесны, Суцяшальніку, Духу праўды, Ты ўсюды прысутны і ўсё напаўняеш, Скарбніца дабра і жыцьця Падаўча! Прыйдзі і пасяліся ў нас і ачысьці нас ад усяго благога, і збаў, Добры, душы нашыя.

(З пахвальных псальмаў ютрані Зыходу Сьвятога Духа).

Простая трансляцыя з грэка-каталіцкай парафіі св.Язафата ў г.Ліда. 23.05.21, 11:00.

 

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

Сьвятар, узяўшы эпітрахіль і фелон, адчыняе райскія дзьверы. Дыякан кадзіць, а сьвятар стаіць перад прастолам. Пасьля каджэньня дыякан выходзіць, становіцца перад райскімі дзьвярыма: Устаньце! 

Сьвятар: Слава сьвятой і адзінасутнай, і жыватворчай, і неразьдзельнай Тройцы спрадвеку, цяпер і заўсёды, і на вякі вякоў.

Чытальнік: Амін. Прыйдзіце, паклонімся… (гл. далей)

Сьвятар зачыняе райскія дзьверы, скідае з сябе фелон і выходзіць у эпітрахілі перад райскімі дзьвярыма. Чытальнік пачынае чытаць уступны псалом 103. Падчас чытаньня сьвятар моліцца сьвяцільныя малітвы (гл. пасьля псалма).

Прыйдзіце, паклонімся Ўладару нашаму Богу.

Прыйдзіце, паклонімся і прыпадзем да Хрыста, Уладара нашага і Бога.

Прыйдзіце, паклонімся і прыпадзем да самога Хрыста, Уладара і Бога нашага. 

Супольнасць Місіянераў Аблатаў Беззаганнай Дзевы Марыі ў Беларусі віншуем са святам іхняга Заснавальніка – св. Яўгена дэ Мазэно.

Дзякуем Госпаду за служэнне Місіянераў Аблатаў у Беларусі, дзякуем беларускім Аблатам за іхнюю братэрскую салідарнасць і падтрымку, якую аказваюць святарам і вернікам Беларускай Грэка-каталіцкай Царквы.

 

Асабліва падзяка за традыцыйную шматгадовую нястомную гасціну, якую Айцы Аблаты аказваюць у Шуміліне ўдзельнікам грэка-каталіцкай Пілігрымкі Віцебск – Полацк.

Распачынаецца юбілейны Ігнацыянскі год.   

    
20 траўня 2021 года ў іспанскай Памплоне генеральны супэрыёр Таварыства Ісуса айцец Артуро Соса SI афіцыйна распачаў юбілейны Ігнацыянскі год.

Роўна 500 гадоў таму, 20 мая 1521 года Ігнацый Лаёла, у той час — вайсковец у арміі іспанскага караля, быў сур’ёзна паранены ў нагу, з чаго распачаўся шлях яго навяртання. Ігнацыянскі год працягнецца да ўспаміну святога Ігнацыя, які будзе адзначацца 31 ліпеня 2022 года, і завершыцца ўрачыстай цэлебрацыяй святой Імшы ў галоўнай святыні езуітаў — касцёле del Gesù ў Рыме.  

Беларускія грэка-католікі віншуюць езуітаў, што нясуць служэнне ў Беларусі і ў юбілейным Ігнацыянскім годзе ў малітве ўзгадваюць ахвярных езуітаў, якія ў мінулым рупліва і нястомна падтрымлівалі місію Уніяцкай Царквы. 

 

З асаблівай ўдзячнасцю Госпаду ўзгадваем св. Андрэя Баболю, пакутніка экзарха Антона Неманцэвіча ды слугу Божага Адама Штарка.    

Грэка-каталіцкая Парафія Святога Духа ў Мінску запрашае на Парафіяльнае свята: ЗЫХОД СВЯТОГА ДУХА (у ніжнім храме Чырвонага касцёла).

 

Пятніца 21.05.21, Адданне свята Узнясення Гасподняга,

18:30 - Боская Літургія

Нядзеля 23.05.21, ЗЫХОД СВЯТОГА ДУХА
11:00 - Боская Літургія.

Панядзелак 24.05.21, ДЗЕНЬ СВЯТОГА ДУХА,

Свята парафіі - 423 гады ад заснавання.
18:30 - Боская Літургія.

 

Узначаліць Апостальскі візітатар БГКЦ архім. Сяргей (Гаек) у саслужэнні святароў Беларускай Грэка-Каталіцкай Царквы.

 

У рамках духовай падрыхтоўкі вернікі працягваюць дзевятніцу малітвы словамі Акафіста да Святога Духа.

 

Праграма духовай падрыхтоўкі і святкаванне праходзіць у ніжнім храме Чырвонага касцёла.

15 мая, у вігілію ўрачыстасці святога Андрэя Баболі, галоўнага апекуна Пінскай дыяцэзіі, вернікі са шматлікіх куткоў Палесся сабраліся ў санктуарыі ў Янаве Палескім (суч. «Іванава») на традыцыйны фэст.

 

Святкаванне распачалося з адарацыі Найсвяцейшага Сакрамэнту, падчас якой сабраныя маліліся адмысловую літанію, просячы заступніцтва святога Андрэя Баболі. Таксама была прачытана літанія да святога Юзафа, абранніка Найсвяцейшай Панны Марыі, якому прысвечаны бягучы год у паўсюдным Касцёле.  

 

Цэлебрацыю ўрачыстай святой Імшы ўзначаліў біскуп Пінскі Антоні Дзям’янка. Разам з іерархам літургію канцэлебравалі святары Пінскай дыяцэзіі, а таксама святары ўсходняга абраду на чале з айцом архімандрытам Сяргеем Гаекам.

15 траўня 2021 ва ўзросце 76-і гадоў адышоў у вечнасць Чэслаў Буткевіч, бацька Старшыні ККББ біскупа Віцебскага Алега Буткевіча.  

 

Біскупу Алегу выказваем словы спачування а душу святой памяці Чэслава даручаем Божай Міласэрнасці.

 

Вечная яму памяць!

Простая трансляцыя з грэка-каталіцкай парафіі св.Язафата ў г.Ліда. 16.05.21, 11:00.

 

 

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!