У грэка-каталіцкай парафіі Праведнага Язэпа ў Мінску ў днях 19-25 чэрвеня штогод, традыцыйна праходзіць малітоўны ўспамінм Васіля Быкава. Ён нарадзіўся 19 чэрвеня 1924 года ў вёсцы Бычкі (Ушацкага раёна Віцебскай вобласці) і памёр у Мінску 22 чэрвеня 2003 года.

У апошні пэрыяд жыцця святой памяці Васіль быў звязаны з парафіяй Праведнага Язэпа. Адпяваў Васіля а. Андрэй Абламейка а ў пахаванні ўдзельнічаў таксама ксёндз Уладзіслаў Завальнюк. Цела Васіля было пахавана 25 чэрвеня 2003 года на мінскіх Усходніх могілках паводле грэка-каталіцкага абраду.

Заўпакойная Літургія і Паніхіда за душу св. памяці Васіля будзе служыцца ў пятніцу 25 чэрвеня 2021 г. (гадавіна пахавання) у 18:30,  у храме парафіі Праведнага Язэпа ў Мінску. Вечная яму памяць!

22 чэрвеня ў малітве ўзгадваем ахвяры Вялікай Айчыннай вайны. 

 
У грэка-каталіцкіх парафіях і супольнасцях у Беларусі ў малітве ўзгадваюць ахвяры драмату, які пачаўся 80 гадоў таму. Асаблівым малітоўным успамінам грэка-каталіцкая вернікі памінаюць загінулых з рук нямецкіх карнікаў (у 1942 г.) мірных жыхароў вёсак Палесся - Бабровічаў ды суседніх. 

Успамінаецца і замучаны ў 1943 экзарх Беларускай грэка-каталіцкай Царквы Антон Неманцэвіч. Яго зняволенне ды смерць з рук нямецкіх нацыстаў было спробай ліквідаваць структуры грэка-каталіцкага экзархата.

Усім нявінным ахвярам "Вечная памяць".

Простая трансляцыя з грэка-каталіцкай парафіі св.Язафата ў г.Ліда. 20.06.21, 11:00.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

10 чэрвеня ў Віцебску прайшла XVII міжнародная медыцынская канферэнцыя, прысвечаная праблемам урачэбнай этыкі ў сучасным свеце.

Форум, які стаў ужо традыцыйным, сабраў медыкаў, навукоўцаў і духавенства для сумеснага абмеркавання актуальнай тэмы.

Удзельнікі з Беларусі, Святога Пасаду, Польшчы, Расіі, Украіны, Швейцарыі і Шры-Ланкі прадставілі свой погляд на праблему пандэміі COVID–19 і яе наступствы: як медыцынскія, так і духоўныя.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы!

Кіраўнік прэс-службы Святога Пасаду Матэо Бруні апублікаваў заяву па Беларусі, якая стала адказам на шматлікія запыты журналістаў.

Са зместам заявы знаёміць Беларуская рэдакцыя парталу Vatican News.

«Святы Пасад працягвае ўважліва сачыць за развіццём сітуацыі ў Беларусі і крокамі, якія робяцца рознымі зацікаўленымі суб’ектамі, захоўваючы прыхільнасць да дасягнення дэмакратычных і мірных шляхоў рэалізацыі законных патрабаванняў беларускага народа»,— гаворыцца ў афіцыйнай заяве каіраўніка ватыканскай прэс-службы.

1 чэрвеня 2021 г. пачала дзейнічаць беларуская версія Ватыканскага інтэрнэт-радыё. Гэты год для папскай радыёстанцыі – юбілейны, яна адзначае сваё 90-годдзе.

Анлайн-трансляцыя даступная як на сайце Vatican News, так і ў аплеце Radio Vaticana для смартфонаў на IOS і Android. Апрача навін і рубрык Беларускай рэдакцыі, у праграме штодзённа будзе Імша, Літургія гадзін (Ютрань, Нешпары, Камплета) і Ружанец на лацінскай мове, шмат класічнай музыкі.

Часовым апостальскім адміністратарам Армяна-каталіцкай Царквы Дома Кілікійскага прызначаны архібіскуп сірыйскага Алепа Бутрас Мараяці. Кіраўнік гэтай каталіцкай царквы ўсходняга абраду патрыярх Рыгор Бедрас ХХ Габраян памёр 25 траўня на 87-м годзе жыцця.

Прызначэнне архібіскупа Мараяці, пра што было абвешчана ўвечары 26 траўня, было ажыццёўлена ў адпаведнасці з артыкулам 127 Кодэкса канонаў Усходніх Каталіцкіх Цэркваў, які абвяшчае, што ў перыяд вакантнага патрыяршага пасаду адміністратарам становіцца «найстарэйшы па хіратоніі біскуп сярод членаў Патрыярхавае курыі, а ў выпадку адсутнасці такой, сярод членаў пастаяннага сінода».

Адышоў у вечнасць патрыярх-каталікос Армянскай Каталіцкай Царквы Дома Кілікійскага Яго Блаславенства Рыгор Пётр ХХ (Капраян).

Патрыярх Рыгор Пётр памёр у Бейруце ранкам 25 траўня.

Рыгор Капраян нарадзіўся 15 лістапада 1934 года ў Алепа ў Сірыі. Пасвечаны 28 сакавіка 1959, у сан біскупа ўведзены ў 1977 годзе. Да красавіка 2013 года біскуп Рыгор быў біскупам армянаў-каталікоў у Францыі. Стаў армянскім патрыярхам-каталікосам Дома Кілікійскага 25 ліпеня 2015 года, змяніўшы Нерсэса Петраса Тармуні.

Паводле https://ru.armeniasputnik.am/