Віцебск - Полацк - Магілёў

 
Святкаванне 425-годдзя Берасцейскай царкоўнай Уніі – аднаўлення сулучнасці (communio) Усходняй Царквы на беларускіх і ўкраінскіх землях з Рымскім Апостальскім Пасадам – гэта ўспамін і асэнсаванне 425 год, на працягу якіх рыма-католікі ды грэка-католікі сумесна абвяшчалі Хрыстовае Евангелле.

У складаных умовах пандэміі святкаванне мае характар рэгіянальны і праходзіць этапамі.

У візантыйскім каляндары 15 лістапада пачынаецца 40-дзённы Перадкалядны пост, называны так сама "Піліпаўка", паколькі ён пачынаецца пасля ўспаміну св. Апостала Піліпа (14 лістапада).

Добрай малітвай на час гэтага Посту з'яўляюцца Псальмы. На першым тыдні Посту прапануем маліцца словамі Псальма 1-га.

Св. Юзаф нагадвае нам, што па-сапраўднаму каштоўнае не прыцягвае нашай увагі і патрабуе цярплівага распазнання, каб адкрыць і ацаніць гэта, - перакананы Яго Святасць Папа Францішак.

Падчас агульнай аўдыенцыі, якая 17 лістапада 2021 г. прайшла ў ватыканскай Зале Паўла VI, Папа распачаў новы катэхетычны цыкл, прысвечаны зямному бацьку Езуса. Ён нагадаў, што 8 снежня 1870 г. бл. Пій ІХ абвясціў св. Юзафа апекуном паўсюднага Касцёла, і цяпер, у сувязі са 150-й гадавінай гэтай падзеі, праходзіць спецыяльны год, прысвечаны постаці святога.

Пантыфік падкрэсліў, што ў актуальны крызісны час св. Юзаф можа стаць “падтрымкай, суцяшэннем і правадніком” і выказаў надзею на тое, што новы цыкл катэхез дапаможа кіравацца яго прыкладам і сведчаннем.

17 лістапада: Быццё 12.1-2

18 лістапада: Быццё 17.5-6

19 лістапада: Быццё 17.15-16

20 лістапада: Быццё 21.1-3

21 лістапада: Быццё 26.1-5

Паводле: https://sniezhny.com

16 лістапада: Ев. Мц 1. 18-24

(18) З нараджэньнем Езуса Хрыста было так: Калі маці Яго Марыя была заручана з Язэпам, перш чым пачалі жыці разам, выявілася, што яна цяжарная за справай Духа Сьвятога.

(19) Язэп жа, яе муж, будучы справядлівым і ня хочучы яе зьняславіць, надумаўся тайком яе пакінуць.

(20) А калі пра гэта думаў, вось жа анёл Госпадаў паказаўся яму ў-ва сьне і сказаў: “Язэпе, сыне Давідаў, ня бойся прыняць Марыю, сужонку тваю, бо што ў ёй пачалося, пачалося з Духа Сьвятога.

(21) Вось жа народзіць сына, і дасі Яму імя Езус, бо Ён збавіць народ свой ад грахоў ягоных”.

(22) А ўсё гэта сталася, каб збылося тое, што сказана было Госпадам праз прарока, які сказаў:

(23) “Вось жа Дзева пачне і народзіць сына, і назавуць імя Яго Эмануэль”, што значыць Бог з намі.

(24) Затым Язэп, падняўшыся зо сну, зрабіў так, як яму загадаў анёл Госпадаў, і прыняў сваю сужонку.

пераклад кс. Уладзіслава Чарняўскага

Сорак чытанняў прыгатавання да свята Раства Хрыстовага.

15 лістапада - Крок першы: расказ пра Дабравешчанне (Ев. Лукі 1. 26-35).

(26) У шосты месяц Бог паслаў анёла Габрыэля ў горад галілейскі, называны Назарэт, 

(27) да Дзевы, заручанай з мужам па імені Юзаф, з дому Давіда, а імя Дзевы — Марыя. 

(28) Анёл, увайшоўшы да Яе, сказаў: «Вітай, поўная ласкі, Пан з Табою».

(29) Яна ж збянтэжылася ад словаў ягоных і разважала, што гэта за прывітанне. 

(30) І сказаў Ёй анёл: «Не бойся, Марыя, бо знайшла Ты ласку ў Пана.

(31) Вось зачнеш ва ўлонні сваім і народзіш Сына, і дасі Яму імя Езус. 

(32) Ён будзе вялікі і будзе названы Сынам Найвышэйшага, і дасць Яму Пан Бог трон Давіда, бацькі Ягонага,

(33) і валадарыць будзе над домам Якуба вечна, а валадарству Яго не будзе канца».

(34) І сказала Марыя анёлу: «Як станецца гэта, калі я мужа не знаю?»

(35) Анёл сказаў Ёй у адказ: «Дух Святы сыдзе на Цябе, і моц Найвышэйшага ахіне Цябе.
Таму і Святое, што народзіцца, будзе названа Сынам Божым».

Паводле: https://sniezhny.com

Праз тыдзень - 12 лістапада - свята Святамучаніка Язафата, Архібіскупа Полацкага. Нагода выкарыстаць гэтых 7 дзён як час асаблівай малітвы за нашую Царкву.

ГІСТАРЫЧНЫ УСПАМІН:
“Плённа вяшчаць Евангелле радасці і міласэрнасці”
Дэлегацыя Беларускай Грэка-Каталіцкая Царквы прыняла ўдзел у святкаванні памяці Св. Язафата ў Рыме.

Простая трансляцыя з грэка-каталіцкай парафіі св.Язафата ў г.Ліда. 07.11.21, 11:00.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.