Паводле навучаньня шматлікіх Айцоў Царквы, наш Госпад, хочучы падрыхтаваць Сабе жытло сьвятое, паслаў Свайго анёла да сьвятых Якіма і Ганны, ад якіх згодна з Ягоным планам павінна была нарадзіцца Ягоная Маці па плоці. Анёл абвясьціў ім, што няплодная зачне, указваючы на тое, што мае нарадзіцца Найсьвяцейшая Дзева. І вось была зачатая Марыя, больш годная пашаны за хэрувімаў і найсьвяцейшая ад усяго стварэньня духоўнага і цялеснага. Паводле навучаньня Каталіцкай Царквы, гэтае зачацьце было беззаганным, гэта значыць, што душа Найсьвяцейшай Дзевы, якая ад пачатку сьвету была выбраная стаць Маці Божай, выйшла з рук Творцы ўпрыгожанай Божай ласкай, беззаганнай, вольнай ад усялякай плямы першароднага граху.

Гэта тая самая навука, перададзеная нам Сьвятымі Айцамі, якую шматлікія гімнографы апявалі ў сваіх творах, і якую Папа Рымскі Пій ІХ у 1854 годзе ўрачыста ўстанавіў. Гэтае сьвята вядомае на Ўсходзе з VIIІ ст., на Захадзе яго ўвялі ірландзкія манахі ў ІХ ст., але распаўсюдзілася яно яшчэ пазьней і нарэшце ў лацінскім абрадзе было ўсталявана на 8 сьнежня.

Паводле тэлеграм-канала Грэка-католікі Беларусі

6 снежня завяршылася 35-е замежнае Апостальскае падарожжа Папы Францішка, якое ён здзейсніў на Кіпр і ў Грэцыю.

З асноўнымі падзеямі гэтай паездкі знаёміла Беларуская рэдакцыя парталу Vatican News.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

4 - 6 снежня 2021 Папа Францішак наведвае Грэцыю,якая адзначае 200-годдзе незалежнасці атрыманай у 1821 г. Апостальскі візіт носіць дзяржаўны, экуменічны і пастырскі характар.

Апостальскі Экзарх для католікаў візантыйскага абраду ў Грэцыі Уладыка Эмануіл (Emmanuil Nin) у Пастырскім лісце да вернікаў звярнуў увагу, што Біскуп Рыма прыбывае і да Праваслаўнай Царквы Грэцыі, каб падкрэсліць, што ўсе хрысціяне – браты ў Хрысце, незалежна ад таго, ці жывуць у Супольнасці Каталіцкай Царквы або Праваслаўнай Царквы.

З сталіцы Кіпра мы атрымалі добрую звестку

У пятніцу, 3 cнежня 2021 г., беларускія хрысціяне: католікі  і праваслаўныя, якія жывуць на Кіпры, прысутнічалі на Літургіі (св. Імшы), якую Папа Францішак узначаліў на стадыёне GSP у сталіцы Кіпра Нікасіі (гр.: Λευκωσία)

Разам з Святым Айцом Францішкам саслужылі патрыярх Мараніцкай Царквы Бышара Бутрас Раі (Béchara Boutros Pierre Raï),  архібіскуп П'ербаттыста Піцабала (Pierbattista Pizzaballa) - лацінскі патрыярх Ерусаліма (рыма-католікі на Кіпры належаць да Лацінскага патрыярхата Ерусаліма), біскупы і святары Мараніцкай Царквы а таксама кардыналы, біскупы і святары лацінскага ды іншых усходніх абрадаў Каталіцкай Царквы.Прысутнічалі прадстаўнікі Праваслаўнай Царквы Кіпра.

Другі дзень пілігрымкі (3.12.21) на Кіпр Святы Айцец распачаў з візіту ветлівасці да Архіепіскапа Кіпрскага Хрызастома ІІ і сустрэчы з Сінодам Кіпрскай Праваслаўнай Царквы.

Размова Папы з прадстаяцелем Праваслаўнай Царквы на Кіпры праходзіла за закрытымі дзвярыма ў рэзідэнцыі іерарха ў Нікасіі. На яе заканчэнне Францішак пакінуў запіс у кнізе ганаровых гасцей архіепіскапскага палацу.

“Як пілігрым на Кіпры, жамчужыне гісторыі і веры, прашу Бога аб пакоры і адвазе, каб разам ісці да поўнай еднасці і дарыць свету, па прыкладзе апосталаў, братэрскае пасланне суцяшэння і жывое сведчанне надзеі”, - напісаў Пантыфік.

Свята парафіі святых братоў-апосталаў Пятра і Андрэя ды малітва за хрысціянскую еднасць.

 У нядзелю 28 лістапада 2021 г. берасцейская грэка-каталіцкая парафія свв. братоў-апосталаў Пятра і Андрэя святкавала парафіяльнае свята. Урачыстую Боскую Літургію ўзначаліў протапразбітар Заходняга протапразбітарата (дэканата) БГКЦ а. Андрэй Крот, які нясе душпастырскае служэнне ў Гародні. Саслужыў яму душпастыр мясцовай парафіі а. Ігар Кандрацеў.

На святочнай Еўхарыстыі сабраліся больш за 60 вернікаў ды гасцей парафіі.

Аб Божым блаславенні ды ўмацаванні братэрства паміж католікамі (розных абрадаў) і праваслаўнымі маліліся вернікі ў храме Маці Божай Нястомнай Дапамогі ў Мінску 1 снежня 2021 г. - напярэдадні візіта Папы на Кіпр.

У чацвер, 2 снежня ў храме парафіі Праведнага Язэпа ў Мінску, у 13:00 гадз. (у час адлёту Папы з Рыму на Кіпр) вернікі маліся словамі Акафісту Праведнаму Язэпу, асабліва шанаванаму маранітамі Кіпра. (Узгадана візіт ў гэтым храме мараніцкага архібіскупа Кіпра Юсафа Суейфа ў 2017 г.).

У пэрыяд візіта Папы Францішка на Кіпр і ў Грэцыю (2-6 снежня 2021 г.) вернікі моляцца словамі Акафісту Найсв. Багародзіцы.

Кардынал П’етра Паралін падзяліўся з Vatican News некаторымі думкамі адносна галоўных этапаў 35-га Апостальскага падарожжа Францішка. З 2 па 6 снежня 2021 г. Папа наведае Кіпр і Грэцыю.

Падарожжа Святога Айца стане пілігрымкай “да вытокаў Касцёла”, бо праз тэрыторыю Кіпра і Грэцыі пралягалі апостальскія шляхі Барнабы і Паўла. Гэта будзе вяртанне да крыніцаў, каб адшукаць “радасць Евангелля” – тое, што характарызуе актуальны пантыфікат ад самага яго пачатку, - перакананы Дзяржсакратар.

У свята св. Андрэя Апостала Францішак скіраваў традыцыйнае ўжо пасланне да Барталамея І, у якім назваў Патрыярха Канстантынопальскага “ўмілаваным братам у Хрысце”.

“Я раблю гэта не толькі ў сувязі з нашым братэрскім сяброўствам, але і з прычыны старажытнай і глыбокай сувязі веры і міласэрнасці паміж Рымскай і Канстантынопальскай Цэрквамі”, - прызнаўся Пантыфік.