Памінальная св. Імша за супакой душы святой памяці а. Уладзіслава:

22 снежня 2021 у Чырвоным касцёле ў Мінску, у 19:00 гадз.

+ + + 

22 снежня 2021 г. спаўняецца 20 год ад смерці а. Уладзіслава Чарняўскага, беларускага рыма-каталіцкага святара, які праз пераклады на беларускую мову Бібліі і рыма-каталіцкіх літургічных тэкстаў зрабіў вялікі ўнёсак у сучасную беларускую культуру.

Прапануем увазе чытачоў некалькі звестак з ягонай біяграфіі (адрэдагаваных на аснове розных крыніцаў а. Андрэем Абламейкам).

21 снежня Мітрапаліт Мінска-Магілёўскі арцыбіскуп Юзаф Станеўскі ў суправаджэнні Апостальскага нунцыя ў Рэспубліцы Беларусь арцыбіскупа Антэ Ёзіча сустрэўся з міністрам замежных спраў Беларусі Уладзімірам Макеем.

У сустрэчы браў удзел таксама першы намеснік міністра, Надзвычайны і Паўнамоцны Пасол Рэспублікі Беларусь пры Святым Пасадзе Сяргей Алейнік.

Мінскія грэка-каталіцкія парафіі Праведнага Язэпа і Святога Мікалая Цудатворцы прынялі Віфлеемскі агонь ў сваім храме ў суботу 18 снежня 2021 г, у рамках сумесных Перадкалядных рэкалекцый.

Гэта дала нагоду да малітвы за хрысціян у Святой Зямлі, асабліва за грэка-каталіцкую (мельхіцкую) парафію ў Віфлееме, з якой ужо шмат гадоў парафія Прав. Язэпа застаецца ў братэрскім, духовым кантакце.

Простая трансляцыя з грэка-каталіцкай парафіі св.Язафата ў г.Ліда. 19.12.21, 11:00.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

Ваша Святасць!

Ад імя Канферэнцыі Каталіцкіх Біскупаў, духавенства і вернікаў Беларусі сардэчна віншую Вас з важнай датай у Вашым жыцці — 85-годдзем з дня нараджэння!

Дзякуючы ўсемагутнаму Богу, Вы ўсім сваім жыццём даяце яскравы прыклад бескарыслівага і бездакорнага служэння Хрысту і Яго святому Касцёлу.

17 снежня 2021 г. спаўняецца 85 гадоў з дня нараджэння Папы Францішка. 
Узгадайма Яго і ягонае служэнне ў нашых малітвах. 

СЁННЯ ў МІНСКУ - у 18:00 гадз., у Парафіі Святога Духа (Чырвоны касцёл - ніжні храм), перад Іконай св. Яна Паўля ІІ - Акафіст за Папу Францішка ды ягонае служэнне ў Паўсюднай Царкве.

15 снежня Апостальскі нунцый у Рэспубліцы Беларусь Антэ Ёзіч наведаў з братэрскім візітам Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі.

Нунцый Ёзіч паведаміў Catholic.by, што мэтаю яго візіта было падтрыманне і развіццё добрых адносін з братняй Праваслаўнай Царквой. Прадстаўнік Папы Францішка ў нашай краіне ў асобе Мітрапаліта Веніяміна перадаў усім вернікам Беларускай Праваслаўнай Царквы віншаванні з нагоды Божага Нараджэння, якое яны будуць адзначаць 7 студзеня.

+++

У Цэнтры св. Язэпа (вул. Арджанікідзе, д. 6):

СУБОТА, 18.12

- у 18:00 Боская Літургія з рэкалекцыйнай навукай

- ад 17:00 нагода да Споведзі;

НЯДЗЕЛЯ, 19.12

- у 10:00 ЛІТУРГІЯ (з рэк. навукай); 

- у 15:00 ЛІТУРГІЯ (з рэк. навукай - асабліва для вернікаў Парафіі св. Мікалая).

+++

Для Парафіі Святога Духа (у Чырвоным касцёле - ніжні храм):

ПЯТНІЦА , 17.12

- у 18:30 ЛІТУРГІЯ (з рэкалекцыйнай навукай), нагода да Споведзі; 

НЯДЗЕЛЯ, 19.12

- у 11:00 ЛІТУРГІЯ (з рэк. навукай); 

+++

Для Парафіі Маці Божай Нястомнай Дапамогі (зав. Снежны, д. 7):

НЯДЗЕЛЯ, 19.12

- у 10:00 ЛІТУРГІЯ з рэк. навукай, Споведзь.

 
***

ЗАПРАШАЕМ да малітвы ды ўдзелу.

Простая трансляцыя з грэка-каталіцкай парафіі св.Язафата ў г.Ліда. 12.12.21, 11:00.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

Курыя Мінска-Магілёўскай архідыяцэзіі са смуткам паведамляе, што раніцай 10 снежня на 55-м годзе жыцця адышоў у вечнасць ксёндз Міхал Сапель, першы пробашч адроджанай парафіі Найсвяцейшай Тройцы (святога Роха) на Залатой Горцы ў Мінску, які ў апошні час нёс служэнне вікарыя ў згаданай парафіяльнай супольнасці.

У розны час святар быў душпастырам у парафіях Маці Божай Ружанцовай і святога Дамініка ў Ракаве, Нараджэння Маці Божай у Заслаўі, дырэктарам ДКТ Caritas Мінск і Беларусь, узначальваў камісію па перакладзе літургічных тэкстаў.

Вечны адпачынак дай яму, Пане…