Наш свет мае тэрміновую патрэбу ў дыялогу і адзінстве, аднаўленні гармоніі, - звярнуўся Папа 13 верасня 2022 года да казахстанскіх палітыкаў, дыпламатычнага корпуса і прадстаўнікоў грамадства.

Францішак спаслаўся на домбру і вакол яе сімволікі пабудаваў сваю прамову. Традыцыйны для Казахстана музычны інструмент з’яўляецца сімвалам “пераемнасці ў разнастайнасці”, “рытмам памяці ўсёй краіны”, і гэта асабліва важна “ў сувязі з хуткімі эканамічнымі і сацыяльнымі зменамі”.

У сераду 14 верасня, у свята Узвышэння Святога Крыжа, у касцёле святога Сымона і святой Алены ў Мінску (Чырвоны касцёл) адбудзецца сустрэча прадстаўнікоў розных рэлігій.

Сустрэча пройдзе пад дэвізам «Каштоўнасць міра і адзінства». Яна прымеркавана да VII Кангрэсу лідараў сусветных і традыцыйных рэлігій, які з удзелам Папы Францішка ў гэтыя дні будзе праходзіць у Казахстане. Касцёл на Беларусі на ім прадставяць кіраўнік беларускага каталіцкага епіскапату біскуп Віцебскі Алег Буткевіч і старшыня сінадальнай камісіі пры ККББ біскуп Аляксандр Яшэўскі SDB.

Пачатак сустрэчы ў Чырвоным касцёле ў 20.00.

Гораду Мінску - 955 год. У грэка-каталіцкіх парафіях Мінска праходзяць Службы з нагоды Юбілею.

У гэтыя дні ўзгадваем 1067 год, калі Мінск уваходзіў у склад Полацкага княства, як адзін з яго найбуйных гарадоў. У пачатку XII ст. наш горад стаў сталіцай удзельнага княства і ператварыўся ў буйны гандлёва-рамесніцкі цэнтр – цэнтр сустрэчы культур і духоўных традыцый.

У парафіях і супольнасцях грэка-католікаў Беларусі працягваецца навэна (дзевятніца) малітвы, якой вернікі суправаджаюць Папу як "Пасланніка міру і братэрства".

Гэта духоўная акцыя спрыяе сустрэчы вернікаў розных канфесій і рэлігій, асабліва хрысціянаў, юдэяў і мусульманаў.
Гэта, так сама, нагода да супольнага чытання і асэнсавання энцыклікі Папы Францішка "Fratelli tutti".

Апостальскі прэфект Улан-Батара ў Манголіі цалкам упэўнены, што візіт Святога Айца ў Казахстан стане важным этапам у жыцці Касцёла ў гэтай краіне і ва ўсім рэгіёне.

Кардынал Джордыжа Марэнга лічыць, што ў Казахстане існуе цудоўная традыцыя аб’яднання людзей і развіцця ўсведамлення важнасці міра, згоды і ўзаемапавагі. “На гэтым фоне візіт Папы можа трапіць да добрую глебу і стаць добрым прыкладам плённага супрацоўніцтва для ўсіх”, - сказаў ён, нагадваючы, што Францішак вядомы як прыхільнік гарманічнага суіснавання розных людзей і рэлігій.

4 верасня ў Бялынічах на Магілёўшчыне адсвяткавалі адпустовую ўрачыстасць Маці Божай Бялыніцкай — Бялыніцкі фэст.

Урачыстасці ў горадзе, дзе калісьці знаходзіўся адзін з найбольш шанаваных на нашых землях цудадзейных абразоў Маці Божай, сёлета ўпершыню ўзначаліў Мітрапаліт Мінска-Магілёўскі арцыбіскуп Юзаф Станеўскі.

Ва ўрачыстасцях узяў удзел таксама Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч і архімандрыт Сяргей Гаек, Апостальскі візітатар для беларускіх грэка-католікаў.

Зала Друку Святога Пасаду паведаміла аб сустрэчы Святога Айца Францішка з арцыбіскупам Антэ Ёзічам, Апостальскім нунцыем у Беларусі.

Аб змесце размовы падчас аўдыенцыі, якая прайшла 1 верасня 2022 года раніцай у ватыканскім Апостальскім палацы, не паведамляецца.

Антэ Ёзіч з’яўляецца прадстаўніком папы Францішка ў Беларусі з 21 мая 2020 года. У Беларусь для выканання сваёй місіі іерарх, які паходзіць са Спліт-Макарскай архідыяцэзіі ў Харватыі, прыбыў 11 кастрычніка таго ж года.

Аляксандр Амяльчэня - Vatican News

Святы Пасад выступіў з заявай, якая стала адказам на палеміку вакол словаў Папы Францішка на агульнай аўдыенцыі 24 жніўня адносна нападу, у выніку якога загінула Дар’я Дугіна. Яны выклікалі бурную рэакцыю ва Украіне.

Папа гаворыць як пастыр, які абараняе чалавечае жыццё, а не як палітык — і менавіта такое прачытанне яго шматлікіх выступленняў аб вайне ва Украіне з’яўляецца правільным. Гэта — асноўны пасыл тэксту, як зазначае Беларуская рэдакцыя парталу Vatican News.

“У нас па-ранейшаму няма адзінага бачання адносна мэты экуменізму”, – сцвердзіў кардынал Курх Кох.

У інтэрв’ю для газеты Badisches Tagblatt перад 11-й Пленарнай асамблеяй Сусветнай рады Цэркваў (WCC), якая будзе праходзіць у нямецкім Карлсруэ з 31 жніўня па 8 верасня 2022 года, іерарх патлумачыў, што “кожная Царква мае ўласную ідэю адзінства сваёй Царквы і таму мае спакусу прымяніць гэтае бачанне таксама ў мэтах экуменізму”.

23 жніўня 2022 года Святы Пасад апублікаваў лагатып папскага падарожжа ў Казахстан. 13-15 верасня 2022 года Францішак наведае Нур-Султан, дзе прыме ўдзел у кангрэсе лідараў сусветных рэлігій.

“На лагатыпе змешчаны голуб з аліўкавай галінкай. Крылы намаляваны ў выглядзе двух складзеных рук, якія сімвалізуюць крылы пасланнікаў міру і адзінства. Сэрца ўнутры крылаў сімвалізуе любоў, плён узаемаразумення, супрацоўніцтва і дыялогу. Аліўкавая галінка стылізавана традыцыйным казахскім арнаментам”, - тлумачыцца ў паведамленні Святога Пасаду.