“Мы, вернікі, павінны імкнуцца да міру ўсімі магчымымі спосабамі”, - сцвярджаецца ў закліку, падпісаным рэлігійнымі лідарамі, у тым ліку Папам, якія ўдзельнічалі ў рымскай сустрэчы за мір.

"На жаль, мы таксама неаднаразова ўступалі ў рознагалоссі паміж сабой, злоўжываючы святым імем Божым: мы просім прабачэння ў пакоры і сораме за гэта", - гаворыцца ў дакуменце, дзе адзначаецца, што мір – гэта пакліканне кожнай рэлігіі.

27 кастрычніка 2022 года быў абнародаваны Дакумент кантынентальнага этапу Сінода Біскупаў. Ён стане асновай для другой фазы сінадальнага працэсу, які праходзіць у Касцёле.

Дакумент, выдадзены на італьянскай і англійскай мовах, быў складзены на падставе справаздач, дасланых у Генеральны сакратарыят Сінода Біскупаў, па выніках першага этапу сінадальных кансультацый і дыскусій, якія з кастрычніка 2021 года праходзілі ва ўсіх дыяцэзіях свету. Ён не мае дактрынальнага характару, не з’яўляецца пералікам мясцовых досведаў, сацыялагічным аналізам ці “дарожнай картай”, што ўтрымлівае арыенціры і мэты, якіх трэба дасягнуць. “Рабочы дакумент” дапамагае пачуць галасы Божага народа, з іх інтуіцыяй, пытаннямі, рознагалоссямі. Ён стане асновай для далейшых абмеркаванняў.

Грэка-католікі Беларусі малітвай суправаджаюць намаганні Папы Францішка дзеля міру.

25 кастрычніка 2022 г., у Рыме завяршаецца духоўная Сустрэча прадстаўнікоў вялікіх рэлігій свету дзеля міру.

У 16:30 (17:30 ў Мінску) Яго Святасць Папа Францішак узначаліць у Калізеі Малітву хрысціянаў - у прысутнасці прадстаўнікоў хрысціянскіх Цэркваў і Супольнасцёй.

Прадстаўнікі іншых рэлігій збіраюцца на малітве ў розных месцах Рыму.

У нядзелю, 23 кастрычніка 2022 г., у Рыме пачалася духоўная Сустрэча прадстаўнікоў вялікіх рэлігій свету, людзей культуры і палітыкі дзеля міру.

Гэта працяг гістарычнай малітвы прадстаўнікоў рэлігій аб міры, якая адбылася ў Асізі 27 кастрычніка 1986 г. па ініцыятыве св. Яна Паўла ІІ.

У гэтым годзе Сустрэча пад дэвізам “Рэлігіі і культуры ў дыялогу” праходзіць 23-24-25 кастрычніка 2022 г. Духоўныя лідэры будуць абмеркоўваць пытанні міру ў сучасным свеце на працягу трох дзён.

Сустрэча завяршыцца ўвечары 25 кастрычніка ў рымскім Калізеі, малітвай, якую ўзначаліць Папа Францішак.

У суботу 22 кастрычніка Апостальскі нунцый у Рэспубліцы Беларусь арцыбіскуп Антэ Ёзіч усклаў палій Мітрапаліта на арцыбіскупа Мінска-Магілёўскага Юзафа Станеўскага.

Арцыбіскуп Станеўскі артымаў палій з рук Папы Францішка ў Рыме 29 чэрвеня, ва ўрачыстасць святых апосталаў Пятра і Паўла.

З 2015 года Папа больш не накладае паліі новым арцыбіскупам Мітрапалітам, як гэта адбывалася раней. Згодна з рашэннем Святога Айца, гэты абрад здзяйсняюць Апостальскія нунцыі ў дыяцэзіях, дзе служаць новапрызначаныя іерархі.

23–25 кастрычніка ў Рыме пройдзе сустрэча рэлігійных лідараў і прадстаўнікоў розных народаў і культур, кульмінацыяй якой стане сумесная малітва за мір з удзелам Папы Францішка ў рымскім Калізеі.

«Святы Айцец возьме ўдзел у Малітве за мір з прадстаўнікамі вялікіх сусветных рэлігій, арганізаванай Супольнасцю святога Эгідыя пад назвай „Крык аб міры“, якая адбудзецца ўвечары у аўторак 25 кастрычніка ў Калізеі», — сказаў Матэо Бруні, кіраўнік прэс-службы Святога Псаду, словы якога перадае Беларуская рэдакцыя парталу Vatican News.

У суботу 22 кастрычніка Апостальскі нунцый у Рэспубліцы Беларусь арцыбіскуп Антэ Ёзіч ускладзе палій Мітрапаліта на арцыбіскупа Мінска-Магілёўскага Юзафа Станеўскага.

Арцыбіскуп Станеўскі артымаў палій з рук Папы Францішка ў Рыме 29 чэрвеня, ва ўрачыстасць святых апосталаў Пятра і Паўла. З 2015 года Папа больш не накладае паліі новым арцыбіскупам Мітрапалітам, як гэта адбывалася раней. Згодна з рашэннем Святога Айца, гэты абрад здзяйсняюць Апостальскія нунцыі ў дыяцэзіях, дзе служаць новапрызначаныя іерархі. У Рыме Пантыфік толькі ўручае ім гэты атрыбут літургічнага адзення Мітрапаліта.

18 кастрычніка, у свята святога Лукі, евангеліста, дзеці і іх бацькі ў касцёлах усіх дыяцэзій Беларусі аб’ядналіся і прынялі ўдзел у малітоўнай акцыі «Мільён дзяцей моліцца на Ружанцы».

Як паведамляецца на сайце Місіі Добрага Самараніна Samaranin.by, дзеткі супольна маліліся Ружанец аб супакоі ва ўсім свеце. Яны былі ў захапленні з дапамогаю ўсталяванага тэлемосту ўбачыць сваіх аднагодкаў з розных куткоў Беларусі, прывітацца з імі і разам прыняць удзел у малітве.

АЎТОРАК, 18.10.22, гадз. 18:30,
Парафія Прав. Язэпа (вул. Арджанікідзе, д. 6):
Успамін св. Апостала і Евангеліста Лукі, Дзень малітвы за лекараў, медпрацоўнікаў і хворых;

СЕРАДА, 19.10.22, гадз. 18:30,
Парафія Маці Божай Нястомнай Дапамогі (зав. Снежны, д. 7):
Ушанаванне Багародзіцы, Дзень малітвы за Сем'і;

ПЯТНІЦА, 21.10.22, гадз. 18:30,
Парафія Прав. Язэпа (вул. Арджанікідзе, д. 6):
Заўпакойная служба Змітраўскай суботы.

14–15 кастрычніка ў санктуарыі Гродзенскай дыяцэзіі Маці Божай Суцяшальніцы засмучаных у Барунах (Ашмянскі дэканат) з удзелам беларускіх іерархаў прайшлі юбілейныя ўрачыстасці з нагоды 100-годдзя з часу вяртання сюды славутага ласкамі абраза Багародзіцы.

Са жніўня ў Гродзенскай дыяцэзіі праходзіла духоўная падрыхтоўка да святкавання юбілею.

Ужо больш за 330 гадоў шматлікія вернікі узносяць свае малітвы і падзякі перад невялікай выявай Маці Божай, вядомай пад тытулам Суцяшальніцы засмучаных. Як даўней, так і ў наш час па шчырых малітвах Суцяшальніца засмучаных выслухоўвае сваіх дзяцей і дапамагае ім у розных патрэбах. Некалькі разоў абраз пакідаў святыню і Баруны, але Маці Божая заўсёды вярталася ў гэтае месца, якое сама выбрала. Апошняе вяртанне абраза ў Баруны мела месца 100 гадоў таму, 15 кастрычніка 1922 года.